Trabada
A Casa da Cultura de Trabada será o escenario o xoves, 4 de setembro, dun curso especializado en primeiros auxilios pediátricos, que se celebrará en horario de 16:00 a 21:00 horas.
A iniciativa, organizada coa colaboración da Xunta de Galicia, Cruz Roja e Afammer, ten como obxectivo formar ás persoas participantes na atención urxente a nenos e nenas en situacións de risco.
O programa inclúe contidos prácticos e fundamentais como parada cardiorrespiratoria, morte súbita, obstrución da vía aérea, intoxicacións e reaccións alérxicas, deshidratación, convulsións, hipertermia e hipotermia, síndrome do neno sacudido, valoración pediátrica a través do método OPUMA e do triángulo de avaliación, picaduras, corpos estraños, erupcións cutáneas…
A inscrición debe formalizarse a través do teléfono 636...
leer más
O Concello de Trabada, en colaboración con ARA Formación, pon en marcha un curso de manipulador de produtos fitosanitarios de 25 horas e nivel básico, que se desenvolverá entre o 15 e o 20 de setembro de 16:00 a 21:00 horas. A formación será de carácter presencial e ten un custo de 90 euros por persoa.
As persoas interesadas dispoñen de prazo para inscribirse ata o 5 de setembro, podendo facelo a través dos teléfonos 886.203.763 / 698.190.633 ou ben mediante correo electrónico en vera@araformacion.es ou conchi@araformacion.es.
O Concello de Trabada explica que “este curso está especialmente dirixido a todas aquelas persoas que precisen obter a certificación oficial para o uso seguro de produtos fitosanitarios, un requisito cada...
leer más
O Concello de Trabada pon en marcha unha nova edición do programa Viaxa co Concello que terá lugar os días 19, 20 e 21 de setembro cunha excursión a Cantabria, visitando lugares como a Cueva El Soplao, Comillas, Santillana del Mar, Torrelavega, Santander ou Cangas de Onís.
O prezo da viaxe é de 195 euros por persoa e inclúe seguro, aloxamento de dúas noites en habitación dobre nun hotel spa de 4 estrelas, visitas culturais, entradas, comidas e ceas programadas en diferentes localidades, así como transporte en autobús.
Entre as actividades previstas destacan a visita á Cueva El Soplao, ao Capricho de Gaudí en Comillas ou ao Museo da Tortura en Santillana del Mar, ademais de comidas e ceas en localidades como Cabezón de la Sal, Santillana ou Cangas de Onís.
O alcalde de Trabada,...
leer más
A parroquia de Sante, no concello de Trabada, celebrará o domingo 31 de agosto unha xornada de deporte, natureza e gastronomía coa organización da II Ruta de Sendeirismo Voltiña a Sante e unha paellada popular. A actividade está promovida pola Asociación de Veciños San Julián de Sante e Trabada paso a paso, coa colaboración do Concello de Trabada.
A ruta dará comezo ás 11:00 horas desde o Teleclub de Sante, con dúas opcións de percorrido: unha máis curta de 6,04 km e outra longa de 8,36 km, ambas de dificultade media e cunha duración aproximada de 2 horas e media. Recoméndase levar roupa e calzado cómodo.
Tras o sendeirismo, a partir das 14:30 horas, o polideportivo de Sante converterase no punto de encontro para a paellada popular, na que se servirá un menú completo con paella mixta, pan, bebida, sobremesa e café...
leer más
O Concello de Trabada vén de rematar as obras de construción do novo circuíto de pump track, unha instalación deportiva que supuxo un investimento de máis de 50.000 euros grazas ao convenio asinado coa Deputación de Lugo. Este novo espazo intégrase no complexo deportivo municipal, que xa conta cunha pista de pádel, unha pista multideporte, un campo de bolos tradicional, unha tirolina e un tobogán, “consolidando así a área como un punto de referencia para o lecer e a práctica deportiva no concello”.
O alcalde de Trabada, Rubén García, destacou a boa acollida desta infraestrutura: “desde o primeiro día no que se remataron as obras, o circuíto de pump track recibiu visitantes e usuarios diariamente. É unha satisfacción comprobar que este investimento responde a unha demanda real e que a veciñanza xa o está desfrutando.”...
leer más
O Concello de Trabada anuncia que está aberto o prazo de inscrición para participar nas actividades de pilates e baile de salón, que se impartirán todos os xoves a partir de setembro na sala multiusos da Casa da Cultura.
De 18:00 a 19:00 horas será pilates, cun prezo de 30 euros por persoa ao mes. Pola súa banda, o baile de salón terá lugar de 19:00 a 20:00 horas, cun custo mensual de 30 euros por persoa ou 50 euros no caso de inscricións en parella. Non é obrigatorio anotarse por parellas para participar.
As prazas son limitadas e as inscricións poden realizarse ata o 29 de agosto nas oficinas municipais do Concello ou chamando ao teléfono 982.135.011.
O alcalde de Trabada, Rubén García, destacou: “continuamos ofertando diferentes actividades deportivas e culturais para todos os públicos...
leer más
Coincidindo coas festas patronais, o Concello de Trabada organiza os días 15 e 16 de agosto, venres e sábado, unhas xornadas de portas abertas no Museo Etnográfico Xosé Rocha de 18:30 a 20:30 horas.
O Concello de Trabada anuncia que “durante ambas tardes a veciñanza e visitantes poderán achegarse a este espazo dedicado á memoria colectiva e ao patrimonio cultural de Trabada. Ademais ás 18:30 horas de cada día haberá visitas guiadas, nas que se explicará o contido das exposicións e o valor histórico dos obxectos recollidos no museo. Estas xornadas supoñen tamén unha homenaxe ao legado e á memoria de Xosé Rocha, figura clave para a recuperación e preservación da historia local a través do seu traballo como recompilador e divulgador da cultura popular”.
O alcalde de Trabada, Rubén García, sinalou que “o Museo...
leer más
O concello de Trabada celebrará os días 14, 15 e 16 de agosto as tradicionais festas na honra á Nosa Señora e a San Roque cun programa do máis completo.
A celebración comeza o xoves 14 cunha gran churrascada popular ás 21:30 horas, servida por Catering Sarredo, cun menú que inclúe entrantes fríos, empanada, queixo, xamón, croquetas, churrasco de porco, criollo, patacas, postre, bebidas, café e chupito. Os tíckets poden adquirirse ata o 10 de agosto en Spar Express Trabada, Bar A Curuxeira Ría de Abres ou chamando aos teléfonos de Iván, José ou Borja. O prezo é de 30 euros para adultos e 15 euros para menores de 12 anos. A partir das 23:00 horas, comezará a verbena a cargo de Aché e Cosmedeejay, que farán bailar a toda a vila.
O venres 15 terá lugar ás 13:00 horas a misa solemne e procesión en honra á Nosa Señora,...
leer más
A Cadeira, en Trabada, acollerá este sábado 9 de agosto a súa tradicional Xira na honra a San Marcos, “unha cita consolidada no calendario estival do municipio que este ano cumpre a súa vixésimo segunda edición”, anuncia o Concello de Trabada, que explica: “a xornada festiva dará comezo ás 13:30 horas coa procesión en honra ao santo. A continuación terá lugar unha animada sesión vermú amenizada por SP The Sound Project, que se prolongará ata que o corpo aguante. Ás 15:00 horas as persoas asistentes poderán desfrutar dunha degustación gratuíta de xamón cocido e empanada na cantina, incluída coas consumicións. Pola tarde os máis pequenos serán os protagonistas, con inchables gratuítos para desfrutar en familia. A festa culminará coa verbena nocturna, tamén a cargo de The Sound Project, nun ambiente de convivencia, música e diversión para todos os públicos”.
... leer más
O Concello de Trabada vén de instalar dous novos tobogáns na piscina municipal “co obxectivo de mellorar as instalacións deportivas e ampliar as opcións de lecer para os nenos e nenas do municipio durante a tempada de verán. A medida enmárcase dentro da liña de traballo do Concello para seguir ofrecendo servizos públicos de calidade, adaptados ás necesidades da veciñanza e especialmente da mocidade, que cada ano fai un uso intensivo da piscina como punto de encontro e diversión nos meses estivais”.
O alcalde de Trabada, Rubén García, sinalou: “seguimos mellorando as instalacións deportivas do noso municipio, nesta ocasión coa instalación de dous tobogáns na piscina municipal. Trátase dunha pequena actuación que supón unha nova proposta de lecer para que as rapazas e rapaces poidan gozar aínda máis do seu tempo na piscina. Desde o Concello...
leer más