Deportes
Esta mañá presentouse no CENIMA (Foz) a quinta edición do 15K da Mariña Banco Mediolanum, que se desenvolve este domingo entre Foz e Burela nun circuíto totalmente costeiro.
Nela participaron o alcalde e a concelleira de Deportes de Foz, Francisco Cajoto e Gema Méndez, o alcalde e o concelleiro de deportes de Burela, Alfredo Llano e Ramiro Fernández, así como diferentes FamilyBankers do Banco Mediolanum e Serafín Martinez, director do evento.
Serafín Martínez, indicou que ademais da xa tradicional Andaina, este ano incorpórase como novidade a posibilidade de inscribirse na distancia de 5 kms para aqueles participantes que decidan optar por un percorrido menos esixente.
A saída da carreira de 15K terá lugar o domingo 11 de xuño ás 11:00 horas dende a praia de Llas para rematar no concello...
leer más
A asociación Os Sendeiros de Foz organiza unha ruta por terras leonesas o día 18 de xuño.
A andaina terá un percorrido de 12 quilómetros e discorrerá entre Faedo de Ciñera e a Cueva de Valporquero cun nivel de dificultade media. A saída será ás 6:30 horas de Foz e ás 6:45 de Ferreira.
As persoas interesadas poden anotarse ata o luns 12 de xuño nos teléfonos: 606 718 482 e 670 369 017; ou no e-mail: ossendeiros@yahoo.es.
Os prezos son: 30 euros para os socios federados, 35€ para os socios non federados e 40 euros para os socios temporais. Non está incluído o importe da entrada á Cueva de Valporquero, que é de 8´5€.
Recoméndase levar a comida e equipo de sendeirismo.
O Concello de Foz colabora na...
leer más
O Club de Remo de Celeiro organiza este sábado, 3 de xuño, coa colaboración do Concello de Viveiro, a primeira Bandeira de Traiñeiras Deputación de Lugo, que comezará ás 17:00 horas.
Esta primeira edición da Bandeira de Traiñeiras pertence á Liga Galega de veteranos. Será a primeira vez que o Club de Remo Celeiro compita nunha regata de traiñeiras como anfitrión, dando un paso máis cara a súa consolidación como unha referencia no remo lucense, sendo o único club da provincia nesta modalidade.
O campo de regatas do sábado terá unha distancia total de 3.500 metros, distribuídos en catro quendas duns 875 metros. Nel competirán varios dos mellores clubs desta disciplina en Galicia, como os de Meira (Moaña), Chapela, Tirán, Esteiro, Rianxo ou Cesantes.
Os días 3 e 4 de xuño comezan os Torneos de Fútbol Base da SD Ribadeo, que reunirán durante tres fins de semana a 117 equipos procedentes de diferentes puntos do Estado e tamén de Portugal e a máis de 5.000 persoas. No acto de presentación do evento interviron o presidente da SD Ribadeo, Valentín Coto; o xefe de Deportes da Xunta en Lugo, Manuel Otero; a presidenta de Acisa, Carmen Cruzado; e o concelleiro de Turismo, Pablo Vizoso.
O presidente da SD Ribadeo, Valentín Coto, anunciou que “estamos en la presentación de los torneos de la SD Ribadeo, que van a ser los tres primeros fines de semana del mes de junio, empezando con el torneo de los infantiles, siguiendo con el de benjamines y prebenjamines y acabando con el alevín y el miniprebenjamín. Por parte de la SD queremos dar las gracias a las instituciones colaboradoras que son el...
leer más
A primeira fin de semana de xullo celébrase a décima edición da Subida A Pontenova pertencente ao Campionato Galego de Montaña.
Organizada pola Escudería A Pontenova terá lugar os días 1 e 2 de xullo. Conta coa colaboración do Concello de A Pontenova, da Vicepresidencia da Deputación de Lugo, da Xunta de Galicia, da Federación Galega de Automobilismo e Protección Civil de A Pontenova. Patrocinan: PTC, AON, Recense, Aistrec, OTM Sistemas, Ferros Alonso, Desguaces Ramil, Superti A Pontenova e Procubitos.
A asociación de sendeirismo Terras de Lourenzá organiza unha ruta a Piornedo (Ancares) os días 16, 17 e 18 de xuño.
A saída será o venres 16 ás 18:30 horas do Cantón de Vilanova. O sábado 17 terá lugar a ruta do Pico Agulleiro, de 14 quilómetros e unha dificultade media-alta; e o domingo 18 a do Sendeiro Novo, de 8 quilómetros e dificultade baixa.
As persoas interesadas poden inscribirse antes do 14 de xuño ás 20:00 horas, no teléfono 647 06 70 54. Os prezos son: 110 euros para os socios e 120€ para os non socios. O réxime de aloxamento é de media pensión. A asociación subvenciona parte da viaxe aos socios. As prazas son limitadas.
Viveiro acollerá no vindeiro mes de xuño o Torneo Internacional U18 de baloncesto feminino que entre o venres 16 e o domingo 18 enfrontará ás xogadoras promesas do Hungría, Bélxica, Alemaña e España.
A disputa desta competición forma parte da preparación do equipo nacional que volveu elixir Viveiro para a concentración de cara ao Campionato de Europa que se disputa do 1 ao 9 de xullo en Turquía.
O Concello de Viveiro acolleu esta mañá a presentación desta estadía e do torneo cun acto que contou coa presenza da alcaldesa, María Loureiro, xunto ao Presidente do Club Baloncesto Viveiro, Juan Carlos Fernández Parra, ao seu Secretario, David Gómez Rosa, e a Presidenta da Asociación Deportiva e Cultural Drocer Ana Ónega Méndez.
Por parte da Federacion Española De Baloncesto compareceu José...
leer más
O Concello de Cervo, en colaboración coa Federación Galega de Kárate, acollerá o XIII Campionato Galego de Nihon Tai-jitsu o vindeiro sábado, 27 de maio.
O alcalde de Cervo, Alfonso Villares e o edil de Deportes, David Rodríguez, presentaron o evento acompañados do director do departamento de Taijitsu da Federación Galega de Kárate, Miguel Ángel Rojo, veciño tamén do municipio.
A representación mariñana estará conformada por uns 20 participantes, uns 40 en total, que competirán nas modalidades de kata e Goshin Sobu nas categorías infantil, benxamín, xuvenil e sénior.
A proba disputarase a partir das 11:00 horas no Pavillón do CEIP Península da Paz.
Haberá trofeos e medallas para os tres mellores de cada categoría.
Do 24 ao 30 de maio estará aberto o prazo de inscrición nas Escolas Deportivas de Verán que organiza o Concello de Ribadeo. Trátase das modalidades de pesca deportiva, surf, skate e surf skate, piragüismo e vela.
O concelleiro de Deportes, Jorge Díaz, explicou que “as inscricións teñen que facerse de xeito presencial na Casa da Xuventude de luns a venres de 9 a 14 horas e o martes e xoves tamén de 16 a 18 horas”. O 31 de maio será o sorteo naquelas modalidades nas que se rexistren máis solicitudes que prazas ofertadas. O custe será de 40 euros.
O edil ribadense indicou que “as escolas deportivas de verán están destinadas a nenas e nenos nados entre os anos 2008 e 2015. Agardamos que as aproveiten e que disfruten dun bo verano en Ribadeo practicando deporte”.
En pesca deportiva ofértanse...
leer más
A Asociación de Sendeirismo Terras de Lourenzá organiza unha ruta pola Fraga de Vilapena, no municipio de Trabada, para o 27 de maio, sábado. A distancia son 10,3 quilómetros e a dificultade é meida-baixa. Ao rematar a camiñada os participantes xantarán no mesón Camiño Norte, de Trabada.
A saída será ás 09:00 horas desde o Cantón de Vilanova de Lourenzá e as inscricións deben facerse antes das 20 horas do 24 de maio, chamando aos teléfonos 658.09.71.33 ou 699.70.60.31. O prezo é de 25 euros para os socios do colectivo organizador e de 30 euros para os que non o son.