Andaina
As rapazas e rapaces do Grupo de Participación Xuvenil de Viveiro, coa colaboración do Concello de Viveiro e da Branque Asociación Cultural organizan este venres, 28 de abril, a primeira edición da Andaina Solidaria con motivo do Día Internacional de Deporte polo Desenvolvemento e a Paz que se conmemorou este mes.
O obxectivo desta iniciativa é por en valor a importancia da Saúde Mental entre as máis novas e novos.
“Todos os involucrados nesta Andaina Solidaria consideramos que é unha iniciativa marabillosa por parte dos integrantes do Grupo de Participación Xuvenil de Viveiro. Estamos convencidos de que suporá un punto de partida no proceso de eliminación de prexuízos e estigmas en relación aos problemas de Saúde Mental, especialmente nas mais pequenas e pequenos”, afirma a Concelleira de Benestar Social,...
leer más
A asociación Os Sendeiros, de Foz, organiza unha ruta polo municipio asturiano de Villanueva de Oscos o domingo 6 de novembro. Trátase da ruta PR 241 Senda Verde del Agüeira. A saída desde Foz será ás 07:30 horas e ás 07:45 horas desde Ferreira do Valadouro.
Esta actividade inclúe o xantar e os prezos son: 35 euros para socios federados, 39 euros para socios non federados e 43 euros para socios temporais.
O prazo para anotarse remata o 2 de novembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
O Centro de Información á Muller (CIM) e a Delegación de Muller e Igualdade do Concello de Burela organizan a I Andaina Solidaria contra a Violencia de Xénero, en colaboración coa Asociación “Pasada das Cabras” e o Grupo de Participación Xuvenil.
A iniciativa solidaria terá lugar o domingo 20 de novembro ás 10 da mañá, realizando un percorrido de 7 quilómetros con saída e chegada na Praza do Concello de Burela.
Poderase colaborar aportando un quilo/litro de alimento non perecedoiro ou ben produtos de hixiene que se recollerán o propio día da andaina.
A concelleira de Muller e Igualdade, Mª Noelia Ben, convidou a toda a veciñanza a participar para “rexeitar a violencia de xénero na nosa sociedade e sumar esforzos en favor da igualdade entre os sexos e a non discriminación ás nenas e ás...
leer más
O Concello de Cervo organiza, un ano máis, unha andaina con motivo do Día Internacional Contra o Cancro de Mama que terá lugar o vindeiro mércores, 19 de outubro, tal e como informa a edil de Sanidade, Mali Méndez.
O punto de encontro será no Peirao de San Ciprián ás 17:30 horas, e despois da andaina está prevista unha actividade de "Zumba Sentao" no parque Reina Sofía, se as condicións meteorolóxicas o permiten, do contrario será trasladada á sala de actividades múltiples da Casa do Mar.
Méndez tamén informou que os diferentes edificios públicos municipais se iluminarán de rosa, cor que simboliza a loita contra esta enfermidade.
Desde o Concello de Cervo animan a toda a veciñanza a sumarse ás diferentes actividades previstas, na medida do posible con indumentaria de cor rosa, "prendas que se entregaron nas andainas que...
O Concello de Xove, xunto coa asociación A Balea Verde, organizan a Camiñata Nocturna Perseidas, unha andaina para ver esta espectacular chuvia de estrelas, tamén coñecida como as lágrimas de San Lorenzo.
Esta ruta terá lugar o 12 de agosto, saíndo as 23:00 horas dende A Balea Verde, na Praia de Morás. Terá unha duración aproximada de dúas horas, e deberase levar luz frontal ou lanterna, bastóns e esterilla ou manta.
As prazas son limitadas, as persoas interesadas en acudir poderán inscribirse na OMIX ata o venres, 12 de agosto.
Os Sendeiros de Foz organiza a Andaina contra o Cancro que terá lugar o vindeiro domingo, 31 de xullo.
A saída será ás 10:00 horas da Praza do Concello.
As persoas interesadas en participar poden facer a súa inscrición ata o venres 29 nos números de teléfono: 628 437014 da AECC Foz e 670 369 017 de Sendeiros de Foz.
Colaboran na organización deste evento: Asociación Española contra o Cancro e o Concello de Foz.
A asociación Os Sendeiros de Foz organiza unha ruta circular polo monte Rebollín, en Salas (Asturias), o día 12 de xuño.
A saída será ás 7:00 horas de Foz e ás 7:15 h. de Ferreira.
As persoas interesadas poden anotarse ata o 8 de xuño nos teléfonos 606 718 482 e 670 369 017 ou en ossendeiros@yahoo.es. Os prezos son: 37 euros para os federados, 41 para os socios non federados e 45 euros para o socio temporal. Está incluído o xantar.
A organización recomenda levar equipo de sendeirismo e informa que a ruta ten un nivel de dificultade medio.
O Concello de Foz colabora na organización desta actividade.
O Concello de Barreiros organiza para o domingo 9 de xaneiro a Carreira Popular Solidaria de Reis con categorías para menores e adultos así como unha andaina de 10 kms. que tamén terá carácter solidario. O prazo de inscrición para as dúas modalidades finaliza o día 6 de xaneiro ás 23:59 h.
A organización doará o 30% de cada inscrición da carreira así como a totalidade do recadado coas inscricións da andaina ao proxecto socioeducativo "Sinfónico no rural" da Fundación Xesús Bal y Gay que se está a levar a cabo estes meses en Barreiros. Un proxecto para achegar a música clásica e os instrumentos a calquera familia con independencia da capacidade adquisitiva ou da posibilidade desprazamento.
Ás 10:30, no campo de fútbol O Cascabeiro, darase a saída da andaina. O percorrido circular de 10 km dá a posibilidade de...
leer más
O día 13 de novembro, organizada por AGADER (Axencia Galega de Desenvovemento Rural), desenvolverase unha andaina popular contra a violencia de xénero.
Realizarase un tramo do Camiño do Mar (recoñecido como un dos Camiños de Santiago oficiais) de 5 km, desde a praia de Esteiro, en Xuances (Xove), ata a praia de Area, en Viveiro, ao terminar a andaina haberá un pequeno aperitivo.
A hora á que haberá que estar no punto de partida é as 10:30 horas, onde se repartirán unhas sudadeiras da xornada entre os participantes e a saída á ruta será ás 11:00 horas. O tramo levará aproximadamente 1 hora e media.
As persoas interesadas en participar poden anotarse por mensaxe privado ou no teléfono: 609 83 76 45 (preferiblemente mediante WhatsApp).