Carreira
A I Carreira Popular Alfoz-Valadouro terá lugar o 9 de outubro con saída no Castelo de Castrodouro de Alfoz e remate no Pavillón Municipal de Ferreira do Valadouro.
Organizada a través dun convenio ente ambos municipios, sendo o Concello de Alfoz o organizador principal en 2022 e alternándose en anos sucesivos, contando coa total coordinación e colaboración das respectivas Concellarías de Deportes e os seus responsables Eliseo Teijeiro no Valadouro e César Marrube en Alfoz.
Destacamos ademais a colaboración de Manuel Otero , Xefe do Servizo de Deportes de Lugo da Xunta de Galicia, para a realización deste evento deportivo quen acudiu á presentación da I Carreira Popular Alfoz-Valadouro 2022
Desde o Concello “agradecemos tamén a Manuel Eiras, responsable da Run Foz Run a súa axuda e...
leer más
O Concello de Cervo e o C.D. San Ciprián organizan a !ª Carreira Popular Península da Paz que terá lugar o domingo 4 de setembro en San Ciprián, coa colaboración da Xunta de Galicia.
A cita deportiva foi presentada na pista de atletismo da Veiga –de onde partirá a carreira- polo rexedor, Alfonso Villares, o edil de Deportes e a concelleira de Cultura, David Rodríguez e Dolores García Caramés, respectivamente, polo xefe do servizo provincial de Deportes, Manuel Otero, e en representación do C.D. San Ciprián, por Olga Vicente, que dirixe a sección de atletismo do club, e pola directiva Cristina Barreira.
A proba infantil será ás 11:00 horas e o percorrido de 5.500 metros será íntegro na pista de atletismo. Pola súa banda, a proba absoluta partirá ás 12:00 horas da mesma pista e discorrerá por todo o perímetro...
leer más
A cuarta edición da carreira nocturna Rinlo-Ribadeo celebrarase o día 20 de agosto. A proba está organizada polo Club Atletismo Ribadeo, conta coa colaboración do Concello e da Xunta de Galicia e foi presentada no salón de sesións do Pazo de Ibáñez.
O alcalde, Fernando Suarez, subliñou: “queremos transmitir a nosa ledicia porque estas cousas se volvan ir introducindo despois da pandemia, despois de dous anos de non ter practicamente actividades de todo tipo. Agora todo o mundo quere cultura, todo o mundo quere deporte, todo o mundo quere saír e estamos moi orgullosos. Nós como Concello estamos encantados de colaborar como sempre cunha entidade deportiva como este club sen ánimo de lucro e que está dando o mellor cun montón de xente nova axudando, correndo e agora tamén organizando, outra vez por cuarto ano, esta carreira nocturna entre...
leer más
Esta mañá realizouse no Concello de Burela a presentación oficial da IV edición da 15K A Mariña BANCO MEDIOLANUM, coa presenza do alcalde de Burela, Alfredo Llano, o edil de Deportes, Ramiro Fernández, o rexedor de Foz, Fran Cajoto, así como David Mayo, Family Banker de Banco Mediolanum, patrocinador principal da proba, entre outros.
Tras o parón por mor da COVID-19, esta proba de 15 quilómetros entre os Concellos de Foz e Burela volve este domingo 19 de xuño ás 11 horas. Ademais, previo á proba, levarase a cabo unha andaina polo mesmo percorrido, que dará comezo ás 10 horas.
As dúas probas terán como punto de saída o centro comercial Activity Center en Burela, e cruzarán meta nos aledaños da praia da Rapadoira tras desfrutar dun percorrido espectacular pola Mariña Lucense.
Esta IV...
leer más
Xa está aberto o prazo de inscrición na sexta edición da Carreira Popular `Burela Bonita, que terá lugar o 30 de xullo a partir das 19 horas, con saída e meta na Praza da Mariña.
Haberá varias categorías: Pícaros, Benxamíns, Alevíns, Infantís e Cadetes, así como a Competición Absoluta de 5000 metros.
As inscricións, que deberán ser online a través da web championchipnorte, poderán realizarse ata o 27 de xullo.
Estas son as basesda VI Carreira Popular Burela Bonita https://burela.org/gl/carreira-burela-bonita-2022
O Concello de Viveiro será esta próxima fin de semana o escenario dunha nova edición da carreira por montaña Camovi ‘Gran Premio Xacobeo’.
Nesta edición, ademais a Camovi será o Campionato de España de Carreiras por Montaña Individual e de Seleccións Autonómicas, dando desta maneira a proba un novo paso na súa proxección nacional.
Na presentación da proba, celebrada esta mañá, a alcaldesa de Viveiro, María Loureiro, agradeceu “ao clube organizador da proba, o Camovi, o seu esforzo e traballo desde hai anos”.
“Como eles mesmos explican, do reto dun grupo de amigos por percorrer os montes que rodean o Val do Landro naceu a Camovi, esta Carreira de Montaña Montes de Viveiro, e para nós, como Concello de Viveiro, é un pracer e unha obriga colaborar e contribuir á súa promoción”, afirmou....
leer más
Na mañá deste domingo tivo lugar na praia de Altar a presentación da VIII Carreira Popular das Praias que é organizada pola asociacióncultural e deportiva Praias de Comado xunto co Concello de Barreiros e a Secretaría Xeral para o deporte da Xunta de Galicia.
A proba terá lugar o domingo 17 de abril a partir das 11:00 h.para as categorías infantís e ás 11:30 h. darase a saída para a categoría absoluta. Este ano, como novidade, tamén se presentou aandaina de 9k que percorrerá pola area mollada todo o litoral barreirenseaproveitando a baixamar.
A zona de carreira estará ubicada, como en anteriores edicións, na zona da praia de Altar, lugar no que os participantes, tanto da carreira absoluta coma da andaina, collerán os buses que os trasladarán a zona de saída (praia de Arealonga).
Desde o...
leer más
O Concello de Barreiros organiza para o domingo 9 de xaneiro a Carreira Popular Solidaria de Reis con categorías para menores e adultos así como unha andaina de 10 kms. que tamén terá carácter solidario. O prazo de inscrición para as dúas modalidades finaliza o día 6 de xaneiro ás 23:59 h.
A organización doará o 30% de cada inscrición da carreira así como a totalidade do recadado coas inscricións da andaina ao proxecto socioeducativo "Sinfónico no rural" da Fundación Xesús Bal y Gay que se está a levar a cabo estes meses en Barreiros. Un proxecto para achegar a música clásica e os instrumentos a calquera familia con independencia da capacidade adquisitiva ou da posibilidade desprazamento.
Ás 10:30, no campo de fútbol O Cascabeiro, darase a saída da andaina. O percorrido circular de 10 km dá a posibilidade de...
leer más
Mañá, venres, celébrase en Ribadeo a XXXI edición da San Silvestre. Son 525 os inscritos que se darán cita nesta carreira, que ven marcada polo protocolo covid. Os participantes correrán con máscara e desde o Concello pídese prudencia e recoméndase manter a distancia de seguridade á xente que acuda a ver a proba co obxectivo de evitar aglomeracións.
O concelleiro de Deportes, Jorge Díaz, dixo que “mañá realízase unha nova edición da San Silvestre, que será a 31. Nesta cita participarán uns 525 inscritos dentro das catro modalidades que todos os anos vimos facendo. O percorrido vai ser o habitual na carreira dos cinco quilómetros. Vai polas distintas rúas do casco urbano, chegando ao Cargadeiro e dando a volta para rematar diante do Concello”.
O edil sinalou que “é un ano que está moi marcado polo covid. Hai un...
leer más
A asociación xuvenil Xoldra, coa colaboración do Concello de Mondoñedo, organiza a segunda edición da carreira Findano, que se celebrará o día 31 de decembro, venres, con saída da Praza do Concello ás 16:30 horas e nunha distancia de 4 quilómetros polas rúas do casco urbano mindoniense.
O prazo para inscribirse está aberto ata o 27 de decembro única e exclusivamente en galitiming.com. O prezo é de 7 euros e os beneficios irán destinados á Asociación Contra o Cancro.
A retirada de dorsais realizarase na Praza do Concello o mesmo día da carreira a partir das 15:30 horas, cunha zona acoutada para entrar e outra para saír. Tódolos participantes terán asignado un dorsal, que irá situado no peito e terá que ser visible durante a proba.