Charla
A Asociación de Comerciantes, Industriais, Servizos e Autónomos de Ribadeo organiza unha conferencia nutricional que terá lugar o 26 de maio. Será pronunciada polo prestixioso doutor Jesús Bernardo, especialista en Nutrición e Dietética.
O título da charla será Coñecer os alimentos para ter boa saúde. Jesús Bernardo é médico especialista en Nutrición e Dietética terapéutica polo hospital Robert Debré da Universidade francesa de Reims; médico especialista en Nutrición Deportiva pola Universidade Paul Sabatier, de Toulouse (Francia); membro da Comisión de Nutrición e Hábitos Saudables do Comité Olímpico Español; médico nutricionista da Selección Española de Hockey sobre patíns, da Federación Española de Patinaxe e do Real Oviedo Club de Fútbol; membro de diferentes asociacións e sociedades científicas como a SEN (Sociedade Española de...
leer más
O salón de actos do Concello de Lourenzá acollerá unha conferencia sobre nutrición deportiva a cargo da campioa do mundo de atletismo Carolina García. Será o día 4 de maio, xoves, ás oito da tarde con entrada aberta para todos os públicos.
Carolina García, que foi campioa do mundo de atletismo na categoría W35 en 200 metros aire libre no ano 2016 e conseguiu moitos títulos máis na súa carreira deportiva, falará sobre a situación actual da alimentación e a súa incidencia no rendemento, os requirimentos nutricionais do deportista, como controlar o peso no deportista e como sacar partido ao complementos nutricionais, entre outros temas.
A Casa da Ría, en Ribadeo, acollerá o 18 de marzo unha xornada participativa para "Salvar a abella".
O Concello de Ribadeo e asociación Os Abelleiros fan un chamamento á poboación para asistir a unha xornada participativa co obxecto de Salvar a Abella e a biodiversidade.
Segundo explican desde o Concello “o fin desta xornada, é intentar minimizar o impacto da avespa velutina en Ribadeo e as súas parroquias, para elo se construirán e colocarán trampas co fin de atrapar ás reinas fundadoras, que son as que escollen os lugares onde fundar novos niños cada primavera”.
A participación está aberta a todas as persoas que desexen colaborar coa loita contra a avespa velutina (familias, nen@s, asociacións etc…). Canta máis xente asista mellor “porque iso fará posible chegar a unha maior cantidade de puntos e con el capturar un maior número de reinas”.
Esta cita terá lugar na Casa da Ría o...
leer más
O Concello de Barreiros organiza unha charla informativa sobre a avespa velutina o vindeiro sábado, 18 de marzo.
Nesta charla intervirá como poñente José María Vázquez, xerente de Serpa (empresa de exterminación), inventor e investigador de campo, quen falará sobre trampeo profesional da velutina, técnicas para evitar ataques nas colmeas, trampas novas e ciclos da velutina.
A conferencia terá lugar nas Antigas Escolas de Celeiro de Mariñaos o 18 de marzo a partir das 16:00 horas.
Organiza esta actividade o Concello de Barreiros coa colaboración de Serpa, Servicios Privados Antivelutina.
En Barreiros terá lugar unha charla sobre seguridade vial o vindeiro luns, 13 de marzo.
Esta actividade leva por título Para, Reflexiona, Actúa. Será o luns no centro sociocultural, en San Cosme de Barreiros, a partir das 17:00 horas.
Organizan este acto, xunto ao Concello de Barreiros, a Dirección General de Tráfico e a Unidade de Vítimas de Accidentes de Tráfico.
"Mámoas e círculos: unha aproximación ao patrimonio arqueolóxico do concello de Xove", é o título da conferencia que o arqueólogo Ignacio Vilaseco Vázquez impartirá o próximo sábado, día 11 de marzo, ás 19.00 horas na Aula de Formación (fronte ao xeriátrico) en Xove.
No catálogo de xacementos arqueolóxicos do PXOM de Xove figuran 32 xacementos: 21 mámoas, 7 castros e 4 sitios arqueolóxicos doutro tipo. O PXOM non recolle no catálogo as últimas incorporacións que a Dirección Xeral de Patrimonio incluíu no seu inventario e, por suposto, tampouco inclúe as mámoas recentemente descubertas nin a estrutura circular de Lavandeira. “Estes datos dannos unha idea da gran importancia que ten o patrimonio arqueolóxico de Xove”, din desde Mariña Patrimonio.
Mariña Patrimonio coa organización desta conferencia do arqueólogo...
leer más
A Casa da Cultura de Ourol acolle o xoves, 2 de marzo, unha charla sobre nutrición infantil.
Organizada polo Concello de Ourol, a Biblioteca Municipal e o Centro de Fisioterapia, dará comezo ás 17:30 horas e está dirixida a pais, nais e profesionais que traballen con alimentos e nenos/as. O teléfono de inscrición é o 982 55 90 19.
Os obxectivos desta charla son: informar sobre o exceso de peso e a obesidade de nenos/as, detectar se a alimentación é correcta para a súa idade, proporcionar hábitos e costumes para elixir os alimentos e tratar a ausencia de educación alimentaria nos colexios.
O salón de actos da Casa do Concello de Lourenzá acollerá unha charla sobre a praga da couza da pataca o vindeiro mércores, día 1 de marzo, ás 12 do mediodía. Nesta sesión informativa intervirán técnicos da Consellería do Medio Rural, da Xunta de Galicia.
A Delegación Territorial da Xunta en Lugo comezará o 14 de febreiro en Xove, a rolda de charlas informativas sobre a praga da couza da pataca abertas a todos os veciños e veciñas que estean interesados.
O delegado territorial, José Manuel Balseiro, explicou que xa se pecharon datas en once concellos da provincia para que os técnicos da Consellería do Medio Rural ofrezan as explicacións oportunas aos afectados.
As datas e horarios confirmados ata o de agora son os seguintes:
- Martes día 14, ás 20 horas, en Xove, no salón de actos do Centro Cívico
- Mércores día 15, ás 12 horas, en Abadín, no salón de actos do Concello
- Mércores día 15, ás 20 horas, en Mondoñedo, no Centro Comarcal
- Xoves día 16, ás 20,30 horas, en Ribadeo, no salón de actos da Casa do Mar
-...
O Concello ribadense organiza unha xornada para redescubrir a Ría de Ribadeo con motivo da celebración do Día Internacional dos Humidais. Será o vindeiro 18 de febreiro.
“Este ano co gallo do Día Internacional do Humidais o Concello de Ribadeo en colaboración con Enrique Sampedro, administrador do blog Ría de Ribadeo, e Óscar Chao, administrador da páxina de facebook Aves e Natureza de Ribadeo, celebra de novo esta efeméride. Así o vindeiro sábado, 18 de febreiro, invitámoste a redescubrir a Ría de Ribadeo, incluída na Rede Natura 2000 e no convenio Ramsar, declarada Zona Húmida de Importancia Internacional e polos seus valores en diversidade biolóxica declarada Reserva da Biosfera. É na actualidade un dos humidais máis importantes de Galicia polos seus valores ecolóxicos e diversidade”, explican desde o Concello.
... leer más