Foz
A novena edición da Feira de Gando de Cangas de Foz celebrarse este domingo, día 20, na área recreativa dos Castros. Está organizada polo Concello de Foz coa colaboración do colectivo Cabaleiros de Cangas, a Agrupación Deportiva e Cultural Os Castros, a Asociación de Veciños San Pedro e a Comunidade de Montes Veciñas en Man Común Real, Rañadoiro e Agudo. Na presentación do evento participou o concelleiro de Medio Rural, Benito García Bolaño.
Eladio Basanta, de Cabaleiros de Cangas, explicou que “pola mañá haberá feira tradicional de gando, mercado, paseos a cabalo para nen@s, sesión vermú, polbo, bar, etcétera. E pola tarde teremos as carreiras de andadura e sorteo de agasallos”.
Foz acolle do 17 ao 20 de agosto a súa Feira do Libro na Praza Conde Fontao con horario de 17.30 a 22 horas. O programa conta con moitas actividades diferentes en torno aos libros, os escritores e os lectores. O evento conta coa colaboración de diferentes entidades como a Xunta, a Federación Librarías de Galicia ou o Concello de Foz.
Participarán o Servizo de Publicacións da Deputación de Lugo, Libraría Aguirre, A Gata Tola, Libraría Pedreira, Libraría Bahía, Libraría Aenea e A libraría de Rosa – Nobel Boiro. Todas elas ofrecen un 10% de desconto nos seus libros.
Hoxe foi o pregón a cargo do escritor Lionel Rexes, acompañado da actuación musical da asociación cultural O Feitizo. E a continuación houbo un encontro sobre as obras de Xita Rubert e Luisa Castro no que participaron as autoras xunto coa escritora...
leer más
A asociación Sendeiros de Foz organiza a última andaina para este verán. Esta será unha travesía de 13 kms polo cordal dos montes do Buio o sábado 26 de agosto. O punto de encontro terá lugar no Cenor Belianorte de Foz ás 9 da mañá.
Os organizadores comentan que a dificultade da ruta será media e aconsellan levar calzado con debuxo e bastóns para as zonas de pendente con grava solta.
Como noutras ocasións, é obrigatorio anotarse de antemán. Neste caso poderá facerse ata o 24 de agosto nos teléfonos 670.369.017 e 606.718.482 ou no correo electrónico ossendeiros@yahoo.es ; onde tamén poderase recibir información adicional. Ademais os non federados deben pagar 5 euros.
Os días 17, 18 e 19 de agosto terá lugar unha nova edición do Comercio na Rúa, que organiza AciaFozCCA. Nesta campaña daranse cita 36 negocios, que ofrecerán descontos especiais durante esas xornadas. En caso de mal tempo, as promocións realizaranse no interior.
Os negocios que sacarán os seus produtos ao exterior son: 5 lobiños, Alain Afflelou Foz, Antigüedades Álvarez, Arrullos, Briz Peluquería y Estética, Calzados Pirde, Cenor Belianorte, Chinela Nenos, Chuvia, Chuvia Complementos, Decoraciones Pura, Don Zapato, Ginzo Hombre, Ginzo Mujer, Hedra, Hola Ola, Isla, Koquetas, La Flor Abulense-2, Librería A Rapadoira, Librería Bahía, Living Sport, Longarela, Lourdes Moda Íntima, Mercería Vera, Mexicosas, Mi Casa, Ofifoz, Sensación Surf, Thecé, Unique-2, Vas´s, Vas´s Outlet, Xanela Complementos, Xoguetería Bahía e Yo Te Mimo.
... leer más
A XIV edición da carreira popular Run Foz Run celebrarase o 13 de agosto en horario de mañá. Brinda a posibilidade de que toda a familia participe xa que conta con diversas categorías: carreira de Pícaros (200m), Benxamíns (800m), Alevíns (1000m), Infantís e Cadetes (1600m) e competición Absoluta (7000m). Tanto a saída como a meta será na Avenida da Ribeira, fronte ao Cenima/Casa de Mar de Foz.
A inscrición pode realizarse ata o 11 de agosto na páxina web www.sportmaniacs.com e os organizadores contan que os apuntados superan xa os 500. Así, prevén que sexa un evento moi concorrido debido a que se trata dunha das probas puntuables do circuíto de carreiras populares DUACODE-RUNFOZRUN.
Ademais, haberá unha andaina solidaria, sorteos, música e DJ e hasta un DanceFest. Os...
leer más
O próximo 14 de agosto celebrarase a duodécima edición da Marcha Nocturna, que organiza a asociación Sendeiros de Foz. Como sempre, será pola ruta das praias de Foz e dará comezo ás 22 horas diante do Concello. Os organizadores lembran a importancia de levar farol ou lanterna.
Para participar é obrigatorio anotarse antes do 12 de agosto nos teléfonos 606718482 ou 670369017 e no correo electrónico ossendeiros@yahoo.es. O prezo a pagar será de 5 euros para os non federados, que incluirá seguro de accidentes. Ademais haberá chocolate e biscoito.
O evento conta coa colaboración do Concello. Pasando por diferentes puntos da vila, a marcha rematará na praia da Rapadoira.
Esta mañá presentouse no Cenima de Foz a segunda edición do festival Vrao Sons Independentes, que se celebrará o día 12 deste mes, sábado, na praza Conde de Fontao da vila focega.
O promotor do festival, Antonio Paz, explicou: “despois do éxito acadado o ano pasado creemos que este formato de festival chegou para quedar e proba diso é o apoio institucional recibido por parte principalmente do Concello de Foz, a Deputación de Lugo e a ACIA; e desde a organización non podemos estar máis agradecidos a estas institucións por permitirmos seguir promocionando a cultura musical realizada na nosa terra”.
E o alcalde de Foz, Fran Cajoto, destacou a variedade de programación que promove o Concello de Foz durante a tempada de verán e fóra dela: “estamos a falar de todo tipo de actividades, probas deportivas, actuacións de...
leer más
O Concello de Foz e a asociación O Noso Foz presentaron hoxe, venres, o cartel das festas do San Lourenzo.
A concelleira de Cultura, Inés López Couto, anuncia que “coma todos os agostos, Foz énchese de música e cor coas súas festas do San Lourenzo. A asociación O Noso Foz e o Concello presentan un cartel cheo de actividades para todos os públicos, que engade ao municipio atractivo para visitalo”.
Inés López engade que “esta semana o pistoletazo de saída dáse o domingo 6, día en que se celebrará o IV Festival de Bandas Vila de Foz. Organizado pola Banda de Música de Foz coa colaboración do Concello, contará coa actuación da Banda de Música Municipal de Meira e da Banda Sons e Soños, ademais da anfitrioa. O concerto será ás 20.00 horas na praza Conde de Fontao. A vindeira semana será a grande das festas do San...
leer más
CD Lugo e SD Compostela disputarán este sábado, 5 de agosto, ás 18:00 horas no campo Martínez Otero a XXXIV edición do trofeo de fútbol Vila de Foz. Foi presentado hoxe, xoves, na Casa do Concello polo alcalde, Fran Cajoto; a concelleira de Xuventude, Zoraida Coira; e o presidente do CD Foz, Pepe Rivera.
Rivera destacou: “este ano temos un cartel con dous equipos históricos da nosa Galicia, o Club Deportivo Lugo e a Sociedad Deportiva Compostela, e parécenos que vai ser un derbi interesante. Queremos poñer en valor a axuda do Concello e tamén agradecemos a todos aqueles directivos e outras persoas que se acercaron ao campo para axudar nos traballos de última hora. O partido empezará ás seis da tarde, pero as taquillas xa se abrirán ese mesmo día, o sábado, de 12 a 14 horas e tamén de 16 a 18 horas; é importante para todos aqueles que non...
leer más
O vindeiro 6 de agosto celebrarase en Foz o IV Festival de Bandas ás 20 horas na Praza Conde Fontao, que contará coa participación da banda Sons e Soños, a Banda Municipal de Meira e a propia Banda de Música de Foz.
En primeiro lugar intervirá a banda Sons e soños, dirixida por Armando Morales Blanco, que conta con músicos de Rábade, Begonte, Outeiro de Rei e Friol.
Seguidamente, a Banda Municipal de Meira, dirixida por Francisco Javier García Canto, que celebrou recentemente o seu 20 aniversario e mesmo están a sacar un disco para a ocasión. Ademais contou coa participación da propia banda de Foz.
E por último a banda da vila de Foz actuará tamén neste evento musical baixo a dirección de Pablo Peláez.