Ruta
14/04/2016
Dende o pasado 20 de xaneiro está legalizada a Asociación Cultural Amigos de Regalxunqueira, que conta con 60 socios e na actualidade está presidida por María Carmen Blanco Trobo, o secretario é Alfonso Otero Regal e a tesoureira, Montserrat Prieto Pernas. Segundo anunciaron, a asociación “realizará as seguintes actividades: sendeirismo, cinefórum, cursos de gravado, cerámica e pintura, ioga, pilates, reiki, excursións, viaxes organizadas, gastronomía, elaboración de cervexa artesán e de vermú, conferencias encol da sanidade e club de lectura, entre outras”.
Como primeira actividade da asociación, no apartado de sendeirismo, este próximo sábado, día 16 de abril, iniciase o percorrido: O Barqueiro – Vegadeo, seguindo a ruta...
leer más 10/04/2016
A décimo primeira edición do Ribadeo de tapeo desenvolverase do 21 ao 29 de maio.
Desde a Concellaría de Desenvolvemento Local, Comercio e Turismo sinalan que “xa está aberto o prazo para apuntarse nesta tradicional cita coa cociña en miniatura. Os establecementos hostaleiros da vila e das parroquias que estean interesados en participar poden anotarse ata o día 20 de abril (incluído)”.
E engaden que “na Oficina de Turismo de Ribadeo e na Área de Desenvolvemento Local os locais poden atopar toda a información que precisen sobre esta convocatoria”.
07/04/2016
O Grupo de Sendeirismo da ACD Xove deu comezo a súa tempada de Rutas o pasado día 3. As andainas seguirán a finais do presente mes.
A vindeira ruta será o día 24 de abril pola comarca ferrolán. Será pola ruta de Senda e Fervenzas do río Belelle. A distancia é de 12´5 quilómetros con dificultade baixa. A saída será desde a Igrexa de Santa María de Neda, seguindo a Senda do río Belelle que nace nas Fragas do Eume e chega ao mar na ría de Ferrol. Na ruta atópanse varios muíños restaurados e que fan referencia ao afamado pan de Neda. Caracterízase esta ruta pola espectacularidade das fervenzas e a frondosidade das árbores á ribeira do río.
07/04/2016
Este domingo, día 10, celebrarase a sétima edición consecutiva da Ruta do Poldro, que organiza a asociación Cabaleiros do Xunco coa colaboración do Concello de Cervo.
O concelleiro José Ramón Soto explicou que “esta nova edición xa se converte nunha cita habitual non só para os cabaleiros da nosa comarca senón que este acto atrae a numerosos participantes que se achegan dende varios puntos da nosa provincia e incluso de fóra; de feito o ano anterior contouse cunha participación de 115 cabaleiros, cantidade que se espera superar nesta edición”.
Ademais José Ramón Soto detallou que “o programa comezará ás 10 e media da mañá dende o polígono industrial...
leer más 23/03/2016
Dezasete bares e restaurantes participan do 24 ao 26 de marzo en Foz na décimo terceira edición da Ruta de Tapas, que organiza o Centro Comercial Aberto.
As saborosas propostas da hostalaría local poderán degustarse de 13 a 15 horas e de 20 a 23 horas. O prezo das tapas será de 1,50 euros. Tapas elaboradas con chipiróns, con bacallau, con vieiras ou con pato son algunhas das preparacións que se poderán degustar ao longo destes días.
Os 17 locais participantes e as súas tapas son: A Funcional (Montadiño de piña con ensalada de marisco); Bar 78 (Lume, lume, lume); Express (Delicias del Cantábrico); Happy Days (Delicias vulovan); Mayros (Marea roja...
leer más 21/03/2016
A Asociación Os Sendeiros de Foz organiza unha viaxe á ruta Las Arribes del Duero en Salamanca do 14 ao 17 de maio.
Os interesados poderán facer as súas reservas ata o 23 de marzo nos teléfonos 676 561 594 ou 670 369 017, ou no correo electrónico ossendeiros@yahoo.es.
A saída está prevista para ás oito da mañá do día 14 das inmediacións do Concello e o prezo para os socios é de 250 euros e 300 euros para os non socios cun suplemento por habitación individual de 90 euros. Recoméndase levar equipo de sendeirismo. A viaxe inclúe un cruceiro fluvial.
15/03/2016
A Asociación de Sendeirismo Terras de Lourenzá organiza unha viaxe para este domingo, día 20, a Sober coincidindo coa celebración da Feira do Viño.
Os participantes realizarán a Ruta Aba Sacra cun percorrido de 6,3 quilómetros e dificultade baixa dende Doade ata Amandi. O percorrido discorre na súa totalidade entre os característicos bancais de viñedo da zona e paralelos ao canón do río Sil. Ao rematar desprazaranse ata Sober onde gozarán da xornada festiva que supón a celebración da tradicional Feira do Viño.
Esta andaina será este domingo, día 20, e a saída de Lourenzá está prevista para as 8:00 horas. O prezo de 10 euros para socios e 15 euros para...
leer más 15/03/2016
A sétima edición da Ruta Enduro Medela en bicicletas de montaña, que se celebrará este domingo día 20 a partir das 09:30 horas, foi presentada polo alcalde de Cervo, Alfonso Villares; o concelleiro de Deportes, José Ramón Soto, e catro membros do club Medela MTB, de San Ciprián: o presidente, David Riera Amor; o vicepresidente, Oscar Hermida Bouza; o tesoureiro, Abel Ordas Díaz; e o secretario, Víctor Riera Amor.
O concelleiro de Deportes cervense explicou que esta ruta, patrocinada polo Concello de Cervo, “está enfocada ao enduro de MTB, modalidade que se caracteriza polo seu percorrido ao longo de sendeiros técnicos; e a pesar de que ten unha parte competitiva, como calquera tipo de proba deportiva, está pensada para gozar tanto...
leer más 22/02/2016
O 6 de marzo Os Sendeiros de Foz realizarán un novo andareiro por terras de Navia, en Asturias. Segundo explican os organizadores “serán dúas rutas pequenas enlazadas, a principal é Covas de Andina, antiga explotación aurífera romana, e a outra nos levará a ollar desde o alto da contorna, todo isto está dentro do parque histórico de Navia”.
Os Sendeiros de Foz engaden que “se trata dun roteiro fermoso e interesante, teremos unha guía que nos explique todo o relacionado coa mina de ouro romana, flora e fauna do lugar”. A saída será o 6 de marzo ás oito da mañá. O derradeiro día para anotarse será o 2 de marzo. Recoméndase levar equipo de sendeirismo.
...
leer más 15/02/2016
A Asociación de Sendeirismo Terras de Lourenzá organiza para este sábado, día 20, unha andaina pola Ruta dos Cortíos en Santa Eulalia de Oscos.
Os participantes sairán ás oito e media de mañá do Cantón de Vilanova en Lourenzá. A etapa ten unha distancia de once quilómetros e unha dificultade media-baixa. Os organizadores recomendan levar botas e bastóns e a comida terá lugar en Casa Pedro cun cocido típico destas datas.
As inscricións deberán facerse antes das dúas da tarde deste mércores, día 17, por correo electrónico en terrasdelourenza@gmail.com ou nos teléfonos 647 06 70 54 (Javier) e 686 77 11 13 (...
leer más