Teatro

25/11/2015
O Teatro Pastor Díaz, de Viveiro, acollerá este sábado, 28 de novembro, a representación de "Cyrano", a cargo de Teatro Galileo.
 
Teatro Galileo representará en Viveiro un clásico do teatro francés: Cyrano. Será este sábado, 28 de novembro, ás 20:30 horas no Teatro Pastor Díaz.
Cyrano! É a gran obra do Teatro Clásico francés.
Cyrano! Unha incrible historia de amor
Cyrano! A encarnación do triunfo da beleza moral e da intelixencia fronte a fermosura física e o mundo material.
Cyrano! Un soño por cumprir, unha aventura por vivir.
Baixo a dirección de Pedro Rubín, os intérpretes César Cambeiro (Cyrano), Manuela Varela (Roxana), Ana Santos (Ama), e Xosé María López Baño "Tanas" (Cristian), a versión de Julio Salvatierra, a tradución de Francisco...
leer más
Etiquetas:
25/11/2015
Do 27 ao 29 de novembro celébrase en Ribadeo a XII Mostra de Teatro Afeccionado Daniel Cortezón. O concelleiro de Cultura anima a gozar desta cita.
 
A XII Mostra de Teatro Afeccionado Daniel Cortezón terá lugar do 27 ao 29 de novembro. As representacións do venres e do sábado serán no Cine Teatro e a do domingo será no Auditorio Municipal Hernán Naval. Teatro Crea, de Viveiro; Andaravía Teatro, de Vedra; e Ollomao, de Barreiros, serán os protagonistas da mostra. 
 
O concelleiro de Cultura, Farruco Graña, sinala que “esta fin de semana vai haber, un ano máis, a celebración do teatro afeccionado en Ribadeo. Temos a Mostra Daniel Cortezón, que nos convida a todos os veciños e veciñas a gozar do bo teatro feito pola xente de aquí, dos concellos veciños, que teñen unha gran afección pola escena no teatro e que mostran día a día ao longo de todo o ano ensaiando con moita ilusión e...
leer más
Etiquetas:
24/11/2015
Circo, teatro e música en directo... é o espectáculo que Pistacatro ofrecerá no Auditorio de Burela esta sábado, 28 de novembro.
 
A compañía Pistacatro actuará no Auditorio de Burela o vindeiro 28 de novembro co seu espectáculo Desperta!. A cita, organizada pola Concellería de Cultura, é as 20:30 horas e nela ofrécese un espectáculo no que se integran o circo, o teatro e a música en directo para unha tarde chea de humor e fantasía. É apta para todos os públicos e a entrada anticipada custa 5 euros, 7 euros na billeteira o día da función. Os interesados poden mercar os seus tíckets na Biblioteca Municipal e no Cinebank Burela
“Desperta! é unha peza que afonda da identidade individual, no que nos iguala e diferenza, no que sucede na intimidade dun baño cando ninguén mira, unha historia cotiá do universo fantástico de persoas que poderíamos ser calquera de nós”, sinalan desde Pistacatro. 
... leer más
20/11/2015
Este sábado, 21 de novembro, haberá teatro afeccionado no Valadouro. Ardora representará "Soños cumpridos".

 

Dende a delegación de Cultura do concello de O Valadouro que dirixe o nacionalista Eduardo Chao, seguen programando actividades ao longo das fins de semana. Mañá, sábado 21, tócalle o segundo turno a un grupo de teatro da bisbarra, dentro do programa Buxiganda da Deputación Provincial de Lugo, o grupo de teatro Ardora, que dirixe e no que actúa María Paz Silva, representará unha obra orixinal do polifacético Francisco Piñeiro e que leva por título "Soños Cumpridos". A actuación terá lugar o sábado, 21 de novembro ás 20:00 horas no salón de actos da Casa da Cultura do Concello de O Valadouro. A entrada será de balde.

Etiquetas:
18/11/2015
A programación cultural de Foz para os próximos días inclúe teatro nas parroquias, charlas médicas, unha exposición no Cenima e certames.
 
A concelleira de Cultura de Foz, Silvia Blach, deu conta esta mañá das actividades culturais das que poden gozar os veciños e visitantes do municipio durante os próximos días. Inclúen propostas como teatro, exposicións, un certame de postais de Nadal e a continuación das charlas médicas iniciadas o pasado xoves. 
“Mañá, día 19, seguimos coas charlas médicas, que xa comezamos o xoves da semana pasada. É as 20 horas na Casa da Cultura e falaremos dos coidados ao final da vida, os coidados paliativos. Para iso imos ter á doutora Belén Fra e á enfermeira Mar Pérez, que nos falarán do que hai que facer. Teremos unha quenda de preguntas para que a xente poida formularllas aos facultativos e lles expliquen todas as súas dúbidas”, comentou a concelleira Silvia Blach.
... leer más
12/11/2015
O grupo Hipócrita Teatro de Lugo pon en escena este sábado, 14 de novembro, na Casa da Cultura de Burela, a peza Emperador, que pensas? Fala!
 
O Grupo Hipócrita Teatro de Lugo actuará este sábado, 14 de novembro, no auditorio da Casa da Cultura de Burela, a onde levará a súa obra Emperador, que pensas? Fala!. A peza, representada a partir das 20 horas, é apta para todos os públicos e a entrada é libre. A sesión teatral está organizada pola Delegación de Cultura de Burela e forma parte do proxecto Buxiganga, que a Deputación Provincial achega aos concellos.
Hipócrita Teatro naceu en Lugo en novembro de 2004. Ata o 2009 dirixiu as súas montaxes Guillermo Cancelo, entre elas O achado do castro, de Manuel Núñez Singala (2005), Miserere, un drama sobre a violencia de xénero, estreado en Lugo en novembro de 2005, ou Deuses e Die Irae, espectáculos creados para a festa romana Arde Lucus.
Dende 2010, a compañía estreou tres novos espectáculos dirixidos por Carlos Rebolo. Son Homes en escabeche,...
leer más
Etiquetas:
10/11/2015
Ollomao representará en Viveiro o sábado, 14 de novembro, "Oé, oé, oé!!". Será no Teatro Pastor Díaz.
 
O colectivo Ollomao, de Barreiros, representará en Viveiro o sábado, 14 de novembro, “Oé, oé, oé!!”. Será no Teatro Pastor Díaz ás 20:30 horas. A actuación enmárcase dentro do programa Buxiganga da Deputación Provincial de Lugo. 
 
Veranio, Toñito e Amancio son personaxes familiares, grotescos e tenros, que irremediablemente sempre acaban chegando ao fondo das cousas. Os tres queren escapar dunha realidade frustrante e enterran a súa amargura no fútbol, posiblemente porque xa non cren en nada, nin se senten representados por ninguén. 
 
O fútbol que é un bo pretexto para escaparlle ao serio, convértese así en algo esencial para aqueles que empezan...
leer más
Etiquetas:
09/11/2015
A asociación de veciños do Burgo de Trasbar, en Cervo, organiza para este sábado, 14 de novembro, unha nova edición do magosto. Tamén haberá teatro.
 
Os actos terán lugar no local social e comezarán a partir das 19.00 h, con unha obra de teatro, a cargo do grupo Falcatrueiros coa obra “Clownvento”, unha obra incluída no programa Buxiganga da Deputación de Lugo, con entrada libre.
 
De seguido, poderán degustar castañas (1 €/ración) acompañadas dun bocata de panceta (1,50 € socios e 2,50 € non socios).
 
Aínda que a programación é similar á de outros anos… este ano será diferente!!! E ata aí podemos ler… Dende a Asociación de veciños do burgo de Trasbar animan a toda a xente a participar deste magosto.
 
O colectivo tamén...
leer más
08/11/2015
Barreiros celebra o IV Encontro Interxeracional o 14 de novembro en San Pedro de Benquerencia. Haberá actividades para todas as idades.
 
A Rede de Voluntariado Local e o Departamento de Servizos Sociais do Concello organizan para o vindeiro 14 de novembro o IV Encontro Interxeracional, un encontro no que persoas de todas as idades poderán gozar de múltiples actividades de tempo libre e obradoiros, ademais dun xantar conxunto.
 
A cita, que se celebra con motivo do Día Internacional das Persoas Maiores, comeza ás 12 horas no Canteiro, en San Pedro de Benquerencia, e rematará ás 19 horas. A programación comeza cunha mostra e obradoiros de artes plásticas e actividades de tempo libre. Ás 14 horas iníciase a comida, concibida como un momento de confraternización. Os participantes deben traer a súa propia cesta e mantel.
 
... leer más
Etiquetas:
06/11/2015
A Casa da Cultura de San Ciprián acolle este sábado, 7 de novembro, unha representación infantil. Será a partir das sete e media da tarde.
 
O auditorio da Casa da Cultura de San Ciprián acollerá mañá, sábado, ás 19:30 horas unha representación teatral dirixida ao público infantil.
O grupo de teatro Érase unha vez ofrecerá a obra titulada Mercados revoltos. É para todos os públicos e con entrada gratuíta.