Representación

28/12/2020

A concepción dramatúrxica da directora de Palimoco Teatro, Paloma Luxilde, e que xa adoptara hai anos coa obra O Público, sitúa aos espectadores e espectadoras no propio escenario. É por isto polo que o número de entrada é só para 25 persoas.

A función comezará ás 20.00 no Auditorio Municipal Hernán Naval e desde as 19.30 darase paso ao público por estrita orde de chegada ata completar os 25 asentos.

Esta función, de entrada gratuíta, está promovida pola Deputación de Lugo dentro do programa PROSCENIO.
 
“ONDE SITUAR A OBRA?

Presente en todo o poemario está por unha parte o faio da súa infancia e os tellados de Nova York. Partindo diso, creamos unha escenografía en 360 graos, onde estes tres personaxes poderían estar entre o faio da casa de Lorca en Granada e por outra parte...

leer más
15/12/2020

No salón de actos da Casa da Cultura de O Valadouro este sábado, día 19 de decembro, ás 19:00 horas o grupo de teatro da Asociación Cultural Abrente, de As Nogais, representará a obra “O aeroporto da Valiña”.

É unha obra do autor Javier González González enmarcada no xénero da comedia física e satírica, unha representación en clave de humor para todos os públicos.

O aforo do salón de actos está limitado conforme ás normativas para facer fronte á pandemia do COVID-19 e os que queiran poden reservar o seu sitio chamando ao 982.57.15.16.

Esta actividade está dentro do programa Gargalladas da Área de Cultura da Deputación de Lugo.

09/12/2020

O Teatro Pastor Díaz, de Viveiro, acollerá este sábado, 12 de decembro, a actuación de Sarabela Teatro que porá en escena Crónicas do Paraíso. A representación dará comezo ás 20:30 horas.

A historia conta como unha carroza, cargada de maletas, está a acubillar a misteriosos pasaxeiros, consegue poñerse en marcha e lánzase polos camiños dunha Bretaña imaxinaria. A cuadrilla leva da man, na súa danza, a un sochantre asustado. Queren que toque todas as exequias do señor De Quelven. Todos se ilusionan coas melodías do seu bombardino pois, por un espazo breve de tempo, as notas arrincan aos espectros da súa condición. Nestas historias xúntanse lendas célticas dos reinos de Bretaña e Galicia e traxedias universais.

Trátase dunha adaptación da obra de Álvaro Cunqueiro, de Goncalo Guerreiro que tamén dirixe a obra. O...

leer más
27/11/2020

A Concellería de Cultura programa a representación a cargo de Chévere Teatro de As fillas bravas e o mito de Casandra. A función terá lugar no Auditorio Municipal este sábado, 28 de novembro, ás 20:30 horas. O prezo da entrada é de 4 euros.

A obra ía ser presentada inicialmente no pasado mes de maio pero foi adiado debido á crise do covid-19. Con este novo espectáculo Chévere Treatro busca concienciar á poboación sobre o impacto do cambio climático e artellou esta peza que expresa con contundencia a preocupación polo planeta destas tres mulleres de aldea.

As Fillas Bravas son tres pandereteiras do lugar de Momán, no concello de Trabancas, que cantan coplas e contan contos escoitados ou inventados. Usan as fontes do teatro grego e da música tradicional galega como ferramentas para a súa singular conversa cantada....

leer más
12/11/2020

O Teatro Pastor Díaz, de Viveiro, acolle este sábado, 14 de novembro, a representación da obra O mozo da última fila, a cargo de Redrum Teatro. A función dará comezo ás 20:30 horas.

Trátase dunha reflexión cargada de ironía sobre a necesidade de contar historias, a fascinación polas vidas alleas e a lexitimidade da creación artística. Conta a historia de Claudio, un estudante de Secundaria que senta na última fila, que non fala, non participa, non é problemático e non destaca salvo en Matemáticas. Cada clase fáiselle máis insoportable ata que o profesor de Literatura manda escribir unha redacción sobre a fin de semana. Claudio empeza a transformarse en alguén que observa, imaxina e escribe a vida doutros nun relato por entregas para un só lector. Ese relato compartido polo discípulo e o mestre converterase nun xogo cada vez máis perigoso...

leer más
09/11/2020

O salón de actos da Casa da Cultura de Alfoz acollerá o 13 de novembro, venres, ás 20:00 horas a representación da obra de teatro familiar Rosalía, unha produción de Culturactiva. 

É unha hora de teatro para toda a familia na que os asistente poderán gozar do retrato da vida infantil da escritora Rosalía de Castro no momento en que ten que trasladarse desde a aldea á cidade. A obra ofrece unha imaxe da poetisa galega afastada do tópico, como unha nena imaxinativa, divertida, rebelde e que xoga coas palabras.

O acceso é libre e gratuíto ata completar aforo.

Etiquetas:
29/10/2020

A compañía Ibuprofeno Teatro representará a obra O mel non caduca na Sala Bahía, de Foz, este venres, día 30, ás 21:00 horas dentro da programación do Ciclo de Teatro de Outono que organiza o Departamento de Cultura do Concello focense.

Esta obra de teatro contemporáneo, cunha duración de 70 minutos, será representada por Marián Bañobre e Avelino González.

Ibuprofeno Teatro explica que O mel non caduca “é un espectáculo biodegradable e ecosostible xestado a partir dun proceso de creación colectiva, arredor da relación do ser humano cos obxectos, da degradación ecolóxica do planeta por mor da perversa lóxica consumista do capitalismo e da obsolescencia programada, tanto dos produtos como das persoas”.

A concelleira de Cultura, Inés López Couto, explica que “o aforo máximo será de 60...

leer más
Etiquetas:
08/10/2020

Este venres na Sala Bahía, de Foz, continúa a programación do Ciclo de Teatro de Outono que organiza o Departamento de Cultura do Concello focense.

A concelleira de Cultura, Inés López Couto, anuncia que “Ás nove da noite a compañía ArtesaCía presenta a obra Chola a It Girl, na que Chola, unha mecánica de coches, blogueira e youtuber galega é contratada por un teatro para presentar o seu monólogo ao máis puro estilo escénico youtuber. A través da presenza no escenario do seu coche Opel Calibra do 2000 transmitirá, con exemplos prácticos e didácticos, estratexias para poder descubrir quen somos, qué nos gusta, qué nos divirte … e sobre todo, saber recoñecer de onde vimos”.

Inés López engade que “a entrada terá un custe de 5 euros, con descontos. Esta obra continúa o programa cultural #FozfaiCultura, que comezou co...

leer más
04/03/2020

A Quinta do Cuadrante presenta este sábado, 7 de marzo, ás 20:30 horas, no Teatro Pastor Díaz, de Viveiro, a obra Empapelado amarelo.

Trátase dun espectáculo teatral unipersoal que parte do relato autobiográfico homónimo, publicado en 1891 pola autora norteamericana Charlotte Perkins Gilman. Narra, en primeira persoa, as perniciosas consecuencias dun tratamento médico que lle fora prescrito por un coñecido doutor da época para combater o estado melancólico e depresivo no que se atopaba a raíz do nacemento da súa primeira filla. Este tratamento, consistente na eliminación de todo tipo de actividade intelectual e artística, remata por converterse nun cárcere onde ela, acostumada a unha intensa actividade social e artística, acabaría por achegarse ao límite da súa cordura.

A autora utiliza as claves do relato de...

leer más
29/01/2020

O colectivo cultural Ollomao representará este sábado, 1 de febreiro, na Casa da Cultura de Burela a obra Enciclopedia Álvarez.  Será ás 21:00 horas e  o prezo da entrada é de 5 euros.

Enciclopedia Álvarez é a historia do día a día de catro nenas e catro nenos sometidos á absurda deseducación da escola franquista. É unha invitación ao sorriso, sobre todo porque nos fala dun pasado aparentemente afastado da nosa realidade actual.

A obra, dirixida por Ramón Casas Oroza, foi a gañadora do premio Conde Santo á mellor representación no I Certame de Teatro Afeccionado de Lourenzá en outubro de 2017; e recibiu o premio ao Mellor Actor Protagonista para Juan de Culán, e á Mellor actriz protagonista para Marisa Freire. Tamén foi a obra gañadora á mellor montaxe nos XXI Encuentros Teatrales IES Elisa y Luis Villamil-...

leer más