Representación

24/10/2023

A compañía Avelaíña Teatro presenta a obra ‘A Lola’ no salón de actos do Centro Sociocultural, Xuvenil e da Terceira Idade Manuel Lourenzo, en Ferreira do Valadouro. Será este sábado, 28 de outubro, ás 19:00 horas con entrada de balde.

A sinopse da obra é a seguinte: “a Lola son todas as mulleres que sobreviviron aos seus maridos, arrebatados polo terror franquista. O relato xoga co presente (mediados dos anos sesenta) e o pasado (os anos da Segunda República e os inmediatamente posteriores ao golpe militar de xullo de 1936). A súa trama está determinada polo que se denomina o pasado non ausente; ou sexa, polo feito de que o sucedido nos anos da represión posterior ao golpe segue a determinar as vidas e as condutas de varias xeracións, porque o silencio sobre aqueles feitos impide a superación do trauma. David e Teresa, mozos abertos aos...

leer más
Etiquetas:
13/10/2023

Mañá, 14 de outubro, ás 19:00 horas no Salón de Actos do Centro Cívico de Xove, o Grupo Hipócrita Teatro vai por en escena a comedia Casting. Esta actuación pertence ao Circuíto de Teatro Afeccionado 2023 da Deputación de Lugo e conta  coa  colaboración do Concello xovense.

O GRUPO
Hipócrita Teatro naceu en Lugo en novembro do 2004, formado por un grupo de alumnos e alumnas do Obradoiro de Teatro que organizaba o Concello. Desde entón traballan de xeito ininterrompido a prol da dinamización cultural a través de diferentes actividades no eido do teatro, que abranguen:
-Creación e representación de espectáculos teatrais para todos os públicos, de pequeno formato (Casting, Miserere, INRI, Onde Chaplin perdeu o seu paraugas, A última pregunta..) ou de gran formato (Menestra de testosterona, Unha historia con pau, Emperador, que...

leer más
09/10/2023

A representación terá lugar ás 20:30 horas no Teatro Pastor Díaz. 

Sipnose: Din que o corazón de Ana é un dormitorio baleiro. Nico quere tatuarse o seu. Están atrapados nun ascensor e pasarán de ser descoñecidos a amigos. Isto pasou fai tres anos, pero viaxando ao pasado, viviremos no presente o que nos veñan a contar. O amor, o sexo, a soidade e os prexuízos da xente serán os temas para tratar. O xornalista con parálise cerebral e a vendedora de caramelos que anda sumida en contradicións, explicarán sen complexo algún as súas vivencias afectivo sexuais para demostrar que cada un de nós, coa súa parálise particular, temos diferentes medos, soños e ilusións. Unha historia de dous amigos, unha historia de crecemento persoal tinguida de humor e dor a partes iguais.

O prezo das entradas será de 5 euros. E de 3 para...

leer más
13/11/2022

Volve o teatro á Casa da Cultura do Vicedo. Nesta ocasión será unha obra profesional a cargo de Ítaca Teatro, de Lugo. Trátase de Formigas no peto. A representación será o sábado, 19 de novembro, ás 20 horas con entrada gratuíta.

O intérprete é Carlos Rebolo. A dramaturxia corre a cargo de Ana Carreira e José Campanari e o director é tamém José Campanari. 

 

19/11/2021

O Auditorio Municipal de Burela acolle a representación da obra "Libre como os paxaros" a cargo de Teatro do Atlántico. A función terá lugar este domingo, 21 de novembro, ás 21:30 horas con entrada é libre ata completar aforo. Programada pola Delegación de Cultura do Concello de Burela, enmárcase no programa de dinamización lingüística FalaRedes 2021 da Secretaría Xeral de Política Lingüística para a Rede de Dinamización Lingüística.

Baixo a dirección de Xulio Lago, está interpretada por María Barcala. Trátase dunha representación teatral para público adulto e adolescentes maiores de 14 anos no que a figura protagonista é Rosalía de Castro quen se dirixe ao público en primeira persoa compartindo as particularidades da súa propia orixe, do seu pensamento, da súa circunstancia social e dos condicionamentos que ten que superar para ser quen...

leer más
12/11/2021

O Auditorio Municipal de Burela acolle a representación da obra O Premio a cargo da Cía. La Quintana, este sábado, 13 de novembro, ás 20:30 horas. A actividade está organizada pola Concellería de Cultura.

Trátase dunha comedia aceda que fala da situación das persoas dentro dun futuro próximo no que o progreso tecnolóxico e a loita cara ao éxito económico, sentimental e social fose tal que se viron obrigadas a caer en O Premio como única fórmula de conseguir a felicidade. O Premio é un reallity en directo onde o público vota a quen merece levar o premio da súa vida.

A obra de Santiago Cortegoso, baixo a dirección de Marián Bañobre, conta cun elenco artístico formado por: Raquel Espada, Victoria Teijeiro e Xurxo Cortázar.

O Premio recibiu o Pemio FETEGA 2021 a Victoria Teijeiro como Mellor...

leer más
11/11/2021

Contraproduccións porá en escena a obra Cigarreiras, no Teatro Pastor Díaz, de Viveiro este sábado, 13 de novembro, ás 20:30 horas.

No centenario do pasamento da novelista Emilia Pardo Bazán, Contraproduccións presenta unha relectura dunha das obras máis interesantes da autora, A Tribuna. A muller, o amor e os prexuízos de clase son os temas entorno aos que xira esta relectura facendo fincapé no ambiente e primeiras loitas femininas das traballadoras da fábrica de Tabacos da Coruña. Todo isto con un transfondo político onde se asiste ao ocaso dos Borbóns e á atribulada proclamación da I República.

Baixo a dirección de Cándido Pazó, o elenco artístico está composto por: Tamara Canosa, Susana Dans, Ledicia Sola, Isabel Naveira, Covadonga Berdiñas, Ana Santos e Merce Castro.

A venda de...

leer más
09/11/2021

O Circuíto de Teatro Afeccionado da Vicepresidencia da Deputación de Lugo programa para este sábado, 13 de novembro, en colaboración co Concello do Valadouro, a obra “O Lazarillo do Miño”, do grupo Os Pinchacarneiros, no Centro Sociocultural Manuel Lourenzo ás 20 horas.

O clásico Lazarillo que todos coñecemos dá paso a unha versión á galega, en concreto saída da capital lucense e representada con 13 actrices e actores sobre o escenario, nunha proposta destinada a todos os públicos.

Así, varios Lazarillos localizados nas terras do Miño, amosan unha realidade poboada de xentes de todo tipo, cregos nada caritativos, ricos que son máis ben mendigos, xente que se aproveita da boa fe dos demais ou persoas que loitan por ter un codelo de pan que levar á boca. Neste contexto, os diferentes lazarillos deberán tirar do seu...

leer más
22/10/2021

Ao abeiro do ciclo de Monicreques 2021 da Área de Cultura da Deputación de Lugo este sábado, 23 de outubro, ás 18:00 horas na Casa da Cultura do Vicedo estará Trécola Producións co seu espectáculo “Show de Barallocas”.

Barallocas é un ser despistado e apaixoado que en cada obxecto, sombra ou mesmo na palma da man atopa un xogo. Unha ilusión que vai medrando ata que enreda e esvara con todo conseguindo chegar á maior desfeita endexamais imaxinada. 

A entrada é de balde. Organizan: asociación de veciños de San Román e Casa da Cultura de O Vicedo. 

 

14/10/2021

O Concello de Barreiros programa unha representación teatral para este domingo, 17 de outubro, coa obra Gloria Nacional de Teatro do Noroeste. Será nos colexios vellos de San Miguel ás 19:00 horas.

Escrita e dirixida por Eduardo Alonso conta cun reparto integrado por Miguel Pernas, Luma Gómez e Manuel Varela. Conta a historia dun escultor e pintor duns 60 anos, considerado polos seus contemporáneos unha auténtica gloria nacional, que ven de recibir o encargo do goberno de crear unha escultura monumental que se colocará na praza principal da capital, ademais aparecen en escena a muller da limpeza e a ministra de cultura. O encontro das tres mentalidades xeran nesta obra unha comedia de profundo contido social.

A representación está incluída no programa de dinamización lingüística FalaRedes e conta coa colaboración...

leer más