Teatro
31/10/2015
Un concerto de piano, o ciclo Cine no Cenima e o teatro afeccionado enchen a axenda cultural focense no inicio do mes de novembro, tal e como detallou hoxe a concelleira de Cultura, Silvia Blach.
“O venres 6 de novembro ás 20:30 horas temos no Cenima música, un concerto de piano a cargo de Pedro Abelardo Rodríguez Pérez. A entrada é gratuíta e animamos a todos que vaian escoitar ese gran concerto de piano que imos ter alí”, anunciou a edil, quen engadiu que “o domingo 8 de novembro ás 18 horas temos teatro en Cordido, no local do centro cívico e con entrada gratuíta. Pertence ao terceiro Ciclo de Outono de Teatro das Parroquias. Vai participar o grupo de teatro O Batán coa obra Igualdade Virtual. É unha comedia moi entretida e animamos a todos a que vaian ver a obra”....
leer más 28/10/2015
Os 11 alumnos do obradoiro de teatro, organizado pola Delegación de Cultura do Concello burelés, poñerán en práctica o aprendido este sábado, 31 de outubro, no escenario da Casa da Cultura. Ás 20 horas amosarán, en forma de sketchs humorísticos, as técnicas aprendidas durante o curso, impartido por Juan Villarino. O concelleiro José Díaz agarda que o grupo continúe traballando para formar un colectivo teatral no municipio.
O edil socialista anunciou que “este sábado, 31 de octubre, a partir de las ocho de la tarde, en el Auditorio de la Casa da Cultura habrá una muestra de los trabajos del curso de teatro que se organizó aquí promovido por el Concello durante todo el mes de octubre. En total fueron 11 alumnos los que estuvieron desde el principio al final. Estuvieron...
leer más 25/10/2015
Máis de 20 persoas participan nesta nova montaxe, “Noite de Reis”, que Ollomao leva máis dun ano preparando.A estrea será ás 20:30 horas no pavillón dos colexios de San Miguel e as entradas, que xa están á venda, custan 4 euros.
Estamos no ano 1982. Sebastián e Violeta son dous irmáns mellizos fillos do gobernador do estado imaxinario de Masalia que acaba de ser derrocado por un golpe de estado. Eles dous foxen ao exilio nun barco de Burela que pescaba na costa dese país e que foi fletado para transportalos á salvación nun país do norte de Europa. A mala sorte quixo que o barco encallase fronte ás costas da Mariña. Sebastián, acompañado do capitán do barco, logra chegar á praia da Arealonga, e aí empeza unha continua sucesión de equívocos que non se resolverá ata o final...
leer más 21/10/2015
O grupo teatral Ardora leva este domingo, 25 de outubro, ao Centro Sociocultural Manuel Díaz Sampedro a súa peza Soños cumpridos, unha sesión de teatro coa que colaboran a Concellaría de Cultura e a Oficina de Información Xuvenil do Concello de Barreiros. O evento, que comeza ás 18 horas, está enmarcado no programa Buxiganga que patrocina a Deputación de Lugo.
20/10/2015
Teatro do Morcego levará a escena o vindeiro sábado, 24 de outubro, no teatro Pastor Díaz de Viveiro a súa peza Presidente, unha comedia para adultos de 90 minutos de duración e dirixida e escrita por José Prieto. A cita é as 20:30 horas.
Presidente é a historia dunha campaña electoral na que o goberno saínte non ten moi boas perspectivas. Os asesores do presidente, ao que non acompañan as enquisas, deciden tomar unha iniciativa inesperada: visitar persoalmente aos votantes nas súas casas para convencelos e lograr que o apoien. Así que cidadáns de todo tipo comezan a recibir a visita do presidente nos seus fogares; dende unha familia humilde a outras ultraconservadoras e antisistema escoitarán as propostas do candidato nunha comedia sobre a manipulación política.
... leer más 20/10/2015
40 nenos e nenas alumnos de Primaria participan na nova edición do taller de teatro infantil Pimpím, que organiza a Delegación Municipal de Cultura do Concello de Cervo.
A concelleira de Cultura, Dolores García Caramés, explicou que “é un número elevado polo que se fixo necesario dividir o taller en dous grupos. Esta actividade inclúe xogos para a perda do medo escénico e a mellora da interacción cos compañeiros, ademais do ensaio dunha peza teatral. Pimpím arrincou o venres pasado e desenvolverase todos os venres, un grupo de 16:30 a 17:30 horas e o outro de 19:30 a 20:30 horas. Rematará o día 19 de decembro, cando terá lugar a representación de dúas pezas, que ensaiarán durante as próximos días. As primeiras xornadas están centradas en axudar aos nenos e nenas a perder a...
leer más 15/10/2015
Caxade, o proxecto persoal do músico Alonso Caxade, ten unha cita co público de Ribadeo este domingo, 18 de outubro, no Teatro. A entrada é libre. O recital enmárcase no ciclo Músicas Posíbeis.
Caxade é un proxecto de indie-folk cun arrecendo a música minimalista e sons bucólico-pastorís da vella Europa. Música elegante, modesta e sinxela, aderezada con surrealismo post-modernista e discurso reivindicativo, metafórico e irónico. O seu primeiro disco, “A Dança das Moscas”, vendeu 1500 copias. Unha xira de presentación de mais de 90 concertos e o bo acollemento do público e da crítica fan que Caxade sexa xa un referente da nova música galega. A súa música mereceu o Premio Opinión Ao Mellor Artista e foi gañadora do Certame Música Xove. Ademais, foi nominado aos Premios...
leer más 14/10/2015
Cine, teatro e charlas son algunhas das propostas da Concellería de Cultura, que dirixe Silvia Blach, para as vindeiras semanas.
Cinema no cenima
Mañá, 15 de outubro, ás 20:30 horas volve o Cinema no Cenima coa proxección da película Guillaume e os rapaces, á mesa, unha comedia francesa de Guillaume Gallienne. O prezo das entradas é de 3 euros e a taquilla abrirá ás oito da tarde.
Os máis pequenos da casa tamén gozarán de Cinema no Cenima o 25 de outubro ás 18:30 horas. Ese día poderán ver O pequeno mago, un filme de animación para o público familiar. Sipnose: uns perigosos piratas normandos atracan na pequena cidade galega de Tui, dispostos a saqueala. Bieito Dubidoso, un neno de tan só 9...
leer más 06/10/2015
A Sala Bahía, de Foz, acolle este domingo, día 11 de outubro, ás doce do mediodía un encontro co programa de dinamización lingüística Axóuxeres, unha cita concibida como unha festa da música, dos xogos e da palabra. A ela están invitados os nenos de entre 0 a 6 anos, que precisan inscribirse antes no teléfono 697.36.30.89 en horario de 10 a 13 horas. A entrada é de balde ata completar o aforo da sala.
O evento forma parte do programa da Secretaría Xeral de Política Lingüística para a Rede de Dinamización Lingüística, da Xunta de Galicia.
06/10/2015
Axóxeres 2015, proxecto da Rede de Dinamización Lingüístia da Xunta, trae a Viveiro “A festa da música, dos xogos e das palabras. Encontros para xente miúda da cada”, da compañía Elefante Elegante.
O espectáculo está dirixio a nen@s con idades comprendidas entre os 0 e os 6 anos. A inscrición está aberta no teléfono 697 363 089. As prazas son limitadas.
A representación terá lugar o vindeiro domingo, 11 de outubro, ás 18 horas no Teatro Pastor Díaz.