Deportes
O estadio municipal ribadense Pepe Barrera acollerá este domingo, día 6 de setembro, ás 18:00 horas o Trofeo de Fútbol Festas Patronais que disputarán o Ribadeo FC e o CF Cire de Melide.
O concelleiro de Deportes, Francisco José Silvent, anuncia que “este fin de semana, el domingo a las 6 de la tarde, en el estadio municipal Pepe Barrera, tendremos la cuadragésimo tercera edición del Trofeo Festas Patronais. Para el Concello es un honor que este Trofeo tan longevo se siga celebrando de la mano, eso sí, de la Comisión de Fiestas de Ribadeo”.
E explicou que “en esta ocasión el Ribadeo FC se medirá al Cire de Melide, uno de los aspirantes al ascenso a la división Preferente del fútbol gallego. Estamos muy orgullosos de poder disfrutar de este trofeo Festas Patronais y os esperamos a todos en el estadio Pepe Barrera...
leer más
Todo está listo para o II Half Triatlón Ribadeo, que terá lugar este sábado, 5 de setembro. No evento participarán arredor de 250 deportistas. Está organizado por Laetus Sport e conta coa colaboración do Concello ribadense.
Segundo explican os organizadores: “trátase dunha proba de carácter nacional puntuable para o ranking nacional de media e longa distancia e na que se disputará tamén o campionato galego nas modalidades Half Aquabike e Half Triatlón”.
A proba dará comezo na praia dos Bloques cun percorrido de natación de 1.000 metros para a distancia Short e 2.000 para a distancia Half, despois terá lugar un percorrido ciclista de 40 quilómetros e unha carreira a pé duns 10 quilómetros. Toda a información está dispoñible na páxina oficial:...
leer más
O municipio de Cervo será o escenario da III Mini BTT Medela MTB, unha cita deportiva que se celebrará o vindeiro sábado 12 de setembro no Polígono de Cuíña e que reunirá as categorías máis novas do ciclismo de montaña.
A presentación da proba correu a cargo da alcaldesa de Cervo, Dolores García Caramés, que estivo acompañada por varias das crianzas que forman parte do Medela MTB, club responsable da organización da proba, coa colaboración do Concello de Cervo.
O Concello de Cervo explica que “o evento está incluído no calendario oficial da Federación Galega de Ciclismo 2026, dentro da modalidade de Mini BTT (H.3A), e desenvolverase na parcela 59 do Polígono de Cuiña, un espazo de titularidade municipal que foi cedido polo Concello de Cervo ao Medela MTB para o desenvolvemento da actividade deportiva do club. A...
leer más
O Club de Remo Celeiro (Viveiro) ofrecerá dúas charlas sobre a nova tempada este martes, día 1 de setembro.
A primeira será ás 18:00 horas “para todos os nenos e nenas que fixeron remo en tempadas pasadas e para todos os nenos e nenas que queiran vir a probar un deporte de equipo e compañeirismo, con moita tradición. A partir de 8 anos”, explica o Club de Remo Celeiro.
E a segunda será ás 19:30 horas para adultos, tempada que comeza con novo adestrador, José Antonio Rodríguez Martínez, que é licenciado en Educación Física, adestrador nacional de remo e remeiro con importantes logros deportivos: olímpico en Barcelona 92, dez podios en campionatos de España e campión de Europa en dobre scull sub-23, destaca o Club de Remo Celeiro, que engade: “Se xa remaches algunha vez contamos contigo! Se nunca remaches pero...
leer más
O trofeo de fútbol de verán Memorial Tarrío enfronta en Viveiro ao equipo local co Ribadeo FC este domingo, día 30 de agosto.
Será ás 19:00 horas no Estadio Cantarrana-Kiko Rey.
A Deputación de Lugo anuncia que comezou a conta atrás para que A Mariña se converta, os días 12 e 13 de setembro, nun dos epicentros do surf feminino. A praia da Marosa, no concello de Burela, acollerá o Iberdrola Surfing Day Burela, unha cita que “combinará deporte, formación, participación e sensibilización e que conta co apoio da Deputación de Lugo, cunha achega económica de máis de 30.000 euros”.
“Entre as principais actividades da xornada destaca o clínic de surfing feminino, unha sesión formativa que combinará traballo técnico en terra e unha sesión práctica na auga. As persoas participantes poderán compartir espazo con deportistas de referencia, coñecer as súas experiencias e traballar diferentes aspectos relacionados coa práctica do surf”, explica a Deputación de Lugo, que engade: “a programación inclúe tamén...
leer más
Este venres, día 28 de agosto, ás 21:00 horas o Praias de Barreiros C.D. Feminino recibirá no pavillón municipal barreirense ao Planta 14 FSF, equipo asturiano que se desprazará ata A Mariña para disputar un encontro que servirá tamén para estrear a nova tempada do conxunto local, anuncia o Concello de Barreiros.
Este evento deportivo foi presentado no pavillón municipal Barreiros e ao acto asistiron en representación do Concello de Barreiros Carmen Veiga e Antonio Veiga, xunto ao xefe provincial de deportes da Xunta en Lugo, Manuel Otero, e membros da directiva do club Praias de Barreiros.
Ribadeo celebrará unha nova edición do Día da Bicicleta o vindeiro domingo, 30 de agosto, a partir das 11 horas. A saída será desde a Casa do Concello ata o faro para retornar ao punto de partida. Ao remate haberá sorteo de agasallos entre os participantes.
O concelleiro de Deportes, Francisco José Silvent, anima “a coller a bici o vindeiro domingo e a pedalear todos xuntos. Será unha maneira divertida e saudable de despedir o mes de agosto en Ribadeo”.
A concentración dos participantes a carón do Pazo de Ibáñez está prevista para as 10:30 horas.
O Día da Bicicleta está organizado polo Concello de Ribadeo, conta co patrocinio de Vegalsa-Eroski e está promovido por La Voz de Galicia e RadioVoz. Colaboran: BeOne, Decathlon Ribadeo, Deportes Docobo, Atleet Ribadeo, Cerezo Bikes, Pillabikes,...
leer más
O Concello de Burela anuncia que este domingo, día 30 de agosto, celebra o Día da Bicicleta e explica que haberá un circuíto na praza da Mariña, pensado para o público infantil, e dúas rutas, unha infantil e outra para persoas adultas.
Para participar é necesario inscribirse a través do correo electrónico actividadesdeportivas@burela.org ou na Casa da Xuventude ata este venres, 28 de agosto, en horario de 9:00 a 14:00.
As rutas sairán cara á Marosa, onde “nenos e nenas darán volta e os e as maiores seguirán pasando pola Vila do Medio ou O Cantiño ata volver á praza da Mariña”, explica o Concello de Burela, que engade: “á chegada sortearanse 4 agasallos doados por Cerezo Bikes, así como e botellíns e camisetas do enduro. Ademais, haberá uns petiscos para repoñer...
leer más
Iberia CF e Ribadeo disputarán o torneo de fútbol XLII Trofeo do Emigrante no campo das Valgas, en San Miguel de Reinante (Barreiros), este domingo, día 23 de agosto, ás 18:30 horas.
Na presentación deste evento deportivo participaron Manolo Cadramón, como representante da Xunta de Galicia; e Dani García, do Concello de Barreiros, como entidades colaboradoras co torneo, e Marcos Rodríguez, presidente do Iberia CF.