Teatro
21/10/2016
A biblioteca municipal Juana de Ibarbourou, de Lourenzá, acollerá o vindeiro luns, día 24, un obradoiro a cargo de Caxoto Contacontos, que presentará a iniciativa A Trastenda dos Contos. Esta actividade, que se celebra para conmemorar o Día da Biblioteca, leva por título A miña biblo mola!
A alcaldesa laurentina, Rocío López, anunciou hoxe que “esta iniciativa ten como obxectivo que os usuarios e usuarias habituais poidan presumir de biblioteca. Haberá un obradoiro de A Trastenda dos Contos, a cargo de Caxoto Contacontos, da Coruña, que finalizará cun videoclip lúdico. Terá lugar nas instalacións da biblioteca municipal o luns 24 de outubro de 11 a 13 horas e nel van participar os alumnos e alumnas de 4º, 5º e 6º de Primaria do CEIP Juan Rey, de Lourenzá”.
Ibuprofeno Teatro representará o 22 de outubro en Viveiro, no Teatro Pastor Díaz, a obra "Raclette".
17/10/2016
A compañía Ibuprofeno Teatro presenta a obra Raclette este sábado, 22 de outubro, no Teatro Pastor Díaz de Viveiro, ás 20:30 horas.
A historia da que á autor Santiago Cortegoso, que tamén dirixe a obra, conta como Raclette é un xeito de comer en comunidade inventado polos pastores suízos que, para escorrentar o frío e a soidade da montaña, se reunían arredor dunha pedra quentada ao lume para ir cociñando nela. Esta Raclette urbana e contemporánea une durante unha cea, dúas tramas que aparentemente non teñen relación pero que conviven e se entrelazan para rematar contando unha historia terrible que trata temas universais como a morte, a parella, a maternidade, a cobiza e a violencia.
Os cinco personaxes sentados á mesa conforman un...
leer más 17/10/2016
Redrum Teatro presenta este venres, 21 de outubro, na Casa da Cultura ás 21:30 horas a obra Noiteboa.
Protagonizada polos actores Mela Casal, Ernesto Chao e Guillermo Carbajo, rostros ben coñecidos polo público polos seus traballos en teatro e tamén en series míticas da TVG como Mareas Vivas ou Pratos Combinados. Por este espectáculo Mela Casal recibiu o premio María Casares á Mellor Interpretación Femenina.
Xa están á venda as entradas ao prezo de 3 euros na anticipada e 5 euros en taquilla.
13/10/2016
Os actores Isabel Risco e Fran Rei poñen en escena a obra Retrincos de Castelao o sábado 15 de outubro ás 20:00 horas no centro sociocultural Manuel Lourenzo de O Valadouro.
Unha achega ao humor na obra do inmortal autor de Rianxo, figura fundamental na nosa historia. A través dun texto de Diego Rei fan un divertido percorrido polo traballo deste intelectual, achegándonos á súa enxeñosa e fascinante forma de ver á Galiza do seu tempo. Ofrécennos o mosaico dunha realidade galega atemporal que nos antecede e nos outorga raíces.
Con esta actividade na que colaboran o Concello de O Valadouro e a Rede Museística Provincial, conmemórase o 2016 Ano Castelao.
11/10/2016
O Teatro Pastor Díaz de Viveiro acollerá a representación de “Alba. A casa pechada” o sábado, 15 de outubro, ás 20:30 horas. Esta peza chegará a Ribadeo ao día seguinte, o 16 de outubro, ás 20:30 horas no Cine Teatro.
A representación correrá a cargo de Nostrum Cai e está incluída no circuíto Buxiganga que leva a cabo a delegación de Cultura da Deputación de Lugo.
Trátase dunha adaptación a cargo de Lola Fernández e Sonia Fernández para danza-teatro da obra de Lorca La Casa de Bernarda Alba. Dirixida por Lola Fernández, é para público adulto e ten unha duración de 65 minutos.
Conta a historia de tres irmás privadas de liberdade que desatan celos e paixóns e desafían a moral...
leer más 07/10/2016
Este sábado, 8 de outubro, ás 20:00 horas na Casa da Cultura de O Vicedo o grupo de teatro de Ribadeo presenta a obra “O inspector”.
Trátase dunha representación subvencionada pola Deputación de Lugo, a través do Proxecto Buxiganga e que solicitou a asociación local Nordés.
A entrada é libre e gratuíta.
06/10/2016
Teatro dos Ghazafelhos presenta este sábado, 8 de outubro, en Burela Contos de lobo, un espectáculo interactivo onde se mesturan a maxia o circo ou a hipnose. Na obra participan dúas personaxes dispares pero no fondo parecidas, acordan para contar historias onde aparezan lobos...pero ao final un fai maxia, outra hipnotiza, os dous fan acrobacias...ala!! E os contos?
Mon e Pe chegan para contar contos. Ao principio fan unha entrada tan espectacular que a Pe se lle vai a cabeza e comeza a facer espectáculos de maxia e acrobacias... Mon, contundente pero didáctica, centra a situación ofrecendo ao público presente colaboración nos contos... e que colaboración!!!
Mon, eficiente, sabichona, quere que todo saia ben...É unha gran coñecedora...
leer más 29/09/2016
O sábado, 1 de outubro, ás 20:30 horas, o grupo Down Lugo Teatro porá en escena a obra Conto de Nadal no Teatro Pastor Díaz de Viveiro.
Este grupo formouse en decembro do 2004 a partir dun obradoiro de achegamento ao teatro que inicialmente contou con sete participantes. No 2007 o grupo ampliou o seu número de membros e na actualidade está integrado por 19 actores e actrices afeccionados, todos eles con capacidades diferentes, de idades comprendidas entre os 18 e os 48 anos.
Ao longo da súa traxectoria o grupo de teatro Down de Lugo representou obras como Eu respecto as normas, e ti?, A viaxe da vida, Down up, Sono dun día, O circo dos doce puntos, Amor, Montaxe de terror, Gritos, O clube da comedia viaria, O bar da esquina, Televisión...
leer más 29/09/2016
A programación cultural de Foz para o vindeiro mes de outubro comeza este sábado, día 1, con teatro infantil na Casa da Cultura.
A concelleira de Cultura, Silvia Blach, anunciou que “o sábado, día 1, na Casa da Cultura ás 19:00 horas temos teatro infantil coa compañía Elefante Elegante, que representará a obra O rueiro das liortas. É unha proposta escénica dirixida a todos os públicos e inspirada na comedia da arte italiana, especialmente pensada para o tempo de lecer. O venres 7 ás 18:00 horas, tamén na Casa da Cultura, Trinke Trinke Teatro fará a obra O coelliño branco. Está dirixida a nenos de 3 a 8 anos, dentro do programa Ler conta moito. Tamén na Casa da Cultura, pero ás 20:30 horas, o venres 7 teremos teatro co grupo Fantoches Baj e a obra Os vellos non deben namorarse. Esta obra...
leer más 29/09/2016
O grupo local O Torques estreará mañá a súa primeira obra de teatro titulada Donde as dan as toman. A representación terá lugar ás 21:30 horas no Auditorio con entrada gratuíta.
O concelleiro de Cultura, José Díaz, anunciou que “este viernes, 30 de septiembre, a las nueve y media en el auditorio, se presenta la primera obra de teatro del grupo de aquí que creamos el año pasado, el grupo O Torques, con una obra que se llama Donde as dan as toman”.
Díaz subliñou que “a mi desde la delegación de Cultura me gustaría pedir el apoyo del pueblo para acompañarles, estar ahí con ellos, y arroparles en ese estreno en su primera obra que llevan ensayando ya varios meses”.
O edil socialista lembrou que “ya...
leer más