Barreiros
Este sábado, 1 de xullo, arrinca a novena tempada do Eido Dourado que inclúe obradoiros creativos para os máis pequenos/as así como diversos concertos e recitais de poesía. O Eido Dourado, este espazo dedicado ao arte ao pé da praia da Pasada, reabre cunha renovada exposición de pintura do seu creador, Celso Dourado. O Eido Dourado abrirá pola mañá e pola tarde, de martes a domingo ata o 31 de agosto.
Celso Dourado anunciou que “este sábado, a partir das once e media, abriremos as portas nesta nova edición do Eido Dourado cunha exposición renovada na súa maior parte, e que permanecerá aberta durante os meses de xullo e agosto coa correspondente actividade cultural”.
O artista barreirense contou que “este ano vai haber a promoción de doce actividades, seis nas terrazas do Gaivota pola súa capacidade, e seis no Eido...
leer más
Este sábado, día 1 de xullo, celebrarase a romaría de Santo Estevo do Ermo con diversas actividades organizadas polo Concello de Barreiros, a través da Delegación de Medio Ambiente, coa colaboración da asociación Barreiros Mar e Monte. O evento foi presentado hoxe, martes, polo alcalde, Alfonso Fuente Parga, e polo concelleiro de Medio Ambiente, José Manuel Gómez Puente.
As actividades comezarán ás 11 da mañá co inicio dunha ruta a pé, que sairá dende a Casa do Concello, en San Cosme de Barreiros. Ás 13 horas na capela de Santo Estevo do Ermo celebrarase misa e procesión e despois haberá unha degustación de empanada de sardiñas. Ás 14 horas empezará a sesión vermú, que estará amenizada polo dúo Epo-K. A partir das catro da tarde haberá xogos infantís e torneo de tute, con trofeos e agasallos para os participantes. E desde as oito da tarde...
leer más
Barreiros acolle este domingo, 25 de xuño, o espectáculo de humor Inmedioteces.com.
Dinamoteatro, con Pedro Brandariz e Víctor Grande, pon en escena esta representación na que coa palabra, a mímica e a imaxinación, estes dous actores improvisan e crean historias breves cargadas de humor.
Inmedioteces.com terá lugar o domingo ás 19:30 horas no centro sociocultural Manuel Díaz Sampedro en San Cosme de Barreiros.
A actuación está incluída no programa Cultura no Camiño 2017 da Xunta de Galicia e Agadic. Colabora o Concello de Barreiros a través da súa Concellería de Cultura e a Oficina de Información Xuvenil.
A Concellería de Cultura barreirense organiza, un ano máis, unha excursión gratuíta a Cedeira e San Andrés de Teixido. Será o día 27 de xuño.
A inscrición, ata cubrir prazas, pode facerse nas oficinas xerais do Concello de luns a venres de 9 a 14 horas, segundo explican desde o departamento de Cultura.
Barreiros acolle a representación do espectáculo Falar sen Cancelas este domingo, 11 de xuño.
Culturactiva SCG pon en escena esta obra protagonizada por Isabel Risco, Pedro Brandariz e Fran Rei, e dirixida por Diego Rey. Os tres recoñecidos actores cómicos ofrecen unha gala chea de humor e comedia.
A cita será o vindeiro domingo, 11 de xuño, ás 19:30 horas, no centro sociocultural Manuel Díaz Sampedro en San Cosme de Barreiros.
Esta actividade enmárcase no programa Cultura no Camiño 2017 da Xunta e Agadic, e colabora o Concello de Barreiros a través da súa Concellería de Cultura e Oficina de Información Xuvenil.
El restaurante Moby Dick, situado en la playa barreirense de Altar, organiza la Jornada Gastronómica de la Parrilla, que tendrá lugar los días 20, 21, 27 y 28 de mayo.
Las personas que se acerquen a esta instalación hostelera podrán degustar churrasco de cerdo por 6 euros la ración, black angus a 9 euros, chuletón de vacuno de 1 kg por 17 euros, entrecot de vacuno a 10 euros, chorizo criollo a 1,50 euros y chorizo rojo a 1,50 euros.
La nueva gerencia del restaurante Moby Dick anima “a acudir a disfrutar de esta primera Jornada Gastronómica de la Parrilla. Todos los que asistan entrarán en el sorteo de un jamón ibérico”.
O Concello barreirense celebrará o Día das Letras Galegas cun concerto, que se celebrará mañá, 17 de maio, no centro sociocultural Manuel Díaz Sampedro.
Dará comezo ás 19:30 horas e contará coa actuación da Coral de Cangas, a Coral de Riotorto e a Coral de Barreiros.
A actividade está organizada pola Concellería de Cultura.
O ilusionista Martín Camiña chegará a Barreiros con A maxia de Carlos Casares. A representación terá lugar este domingo a partir das 19:00 horas no centro sociocultural Manuel Díaz Sampedro.
O mago Martín Camiña ten recibido diversos premios entre os que se atopan o Nacional de Maxia e o da Asociación Portuguesa de Ilusionismo. Nesta ocasión dedica o seu espectáculo a Carlos Casares, escritor homenaxeado este ano no Día das Letras Galegas.
A actividade inclúese no programa Cultura no Camiño 2017 da Xunta de Galicia, coa que colabora o Concello de Barreiros a través da Concellería de Cultura e a Oficina de Información Xuvenil.
Un total de 42 persoas realizaron a primeira etapa do Camiño Francés ao seu paso pola provincia de Lugo, entre O Cebreiro e Triacastela o pasado domingo. A peregrinación en 9 etapas ata Santiago de Compostela, a través desta ruta, foi organizada polo Concello de Barreiros.
O concelleiro de Medio Ambiente, José Manuel Gómez Puente, contou que “nada máis chegar ao Cebreiro atopámonos con todo nevado e seguiu a nevar. Foi unha etapa esixente, porque houbo de todo: neve, saraiba, xistra e tronos. Pero todos o levaron moi ben e a camiñar cun sorriso na cara”. O edil barreirense dixo que “o compañeirismo estivo presente, e fomos axudándonos uns a outros, porque contamos con varias persoas novas que se incorporaron a estas andainas, que hai tempo vimos organizando desde o Concello. Estou moi satisfeito e orgulloso do comportamento dos...
leer más
Mañá, domingo, da comezo en Barreiros unha peregrinación a Santiago por etapas a través do Camiño Francés.
A saída en autobús será ás 7:30 horas desde a praza do Concello para chegar ao Cebreiro e desde alí facer a pé o treito ata Triacastela, uns 18 quilómetros. Esta peregrinación está organizada polas Concellerías de Cultura, Medio Ambiente e Turismo e pola OMIX de Barreiros.
Esta nova peregrinación realizarase en nove etapas. A primeira será a única que se faga en domingo, as outras oito serán en sábado, segundo anuncia o concelleiro de Medio Ambiente, José Manuel Gómez Puente.
As persoas interesadas en participar poden obter máis información no teléfono 618 75 25 60. O prezo que pagarán en total será de 55 euros.
O evento foi presentado nas últimas horas...
leer más