Concerto
22/10/2015
O 24 de outubro ás 20:30 horas no Auditorio Hernán Naval e cunha entrada de 3 euros, a prestixiosa pianista arxentina Dora de Marinis ofrecerá un novo concerto no ciclo Músicas posíbeis. A artista, que está de xira por Europa, trae un repertorio con Chopin e Beethoven na primeira parte e cos compositores arxentinos Julián Aguirre e Alberto Ginastera na segunda.
A dilatada carreira artística de Dora de Marinis inclúe tanto os seus concertos como solista e música de cámara como un amplo traballo pedagóxico e de recuperación do legado de compositores arxentinos esquecidos. Dun xeito autodidacta, as súas investigacións convértena nunha das maiores expertas en música latinoamericana do continente.
15/10/2015
Caxade, o proxecto persoal do músico Alonso Caxade, ten unha cita co público de Ribadeo este domingo, 18 de outubro, no Teatro. A entrada é libre. O recital enmárcase no ciclo Músicas Posíbeis.
Caxade é un proxecto de indie-folk cun arrecendo a música minimalista e sons bucólico-pastorís da vella Europa. Música elegante, modesta e sinxela, aderezada con surrealismo post-modernista e discurso reivindicativo, metafórico e irónico. O seu primeiro disco, “A Dança das Moscas”, vendeu 1500 copias. Unha xira de presentación de mais de 90 concertos e o bo acollemento do público e da crítica fan que Caxade sexa xa un referente da nova música galega. A súa música mereceu o Premio Opinión Ao Mellor Artista e foi gañadora do Certame Música Xove. Ademais, foi nominado aos Premios...
leer más 19/09/2015
O presidente da Asociación As San Lucas de Mondoñedo, Miguel Souto, avanzou hoxe que o grupo de Pop Rock Los Secretos actuará na localidade no marco do programa das festas das San Lucas.
Souto explica que a banda musical ofrecerá este concerto en formato acústico no Auditorio Pascual Veiga da localidade, o día grande das Feiras, o 18 de outubro. A actuación do grupo comezará ás 19:00 horas.
Os interesados poden adquirir as entradas anticipadas a través do enlace entradas.abanca.com. O custo de cada un dos pases que se adquiran con anterioridade é de 15 euros. A maiores, ofrécese a opción de mercar as entradas o mesmo día do concerto en taquilla por un importe de 20 euros.
Miguel Souto quixo...
leer más 10/09/2015
O Cine Teatro acollerá mañá, venres, a actuación que ofrecerán a ribadense Carmen Rodríguez e Guadi Galego. Trátase do V Concerto Músicas e Letras en Feminino, que terá lugar a partir das 21 horas.
A cita está organizada polo Observatorio da Mariña pola Igualdade e conta coa colaboración do Concello de Ribadeo.
O prezo da entrada (bono/axuda) é de 5 euros.
26/08/2015
A Banda Municipal de Música de Ribadeo pon fin este venres, 28 de agosto, ás 22:30 horas no parque de San Francisco ao ciclo Agosto Musical 2015 organizado pola asociación ribadense Amadores da Música. A despedida do programa será a través de música cinematográfica, pois a Banda interpretará diversas bandas sonoras de películas, tanto clásicas como recentes, que ao mesmo tempo serán proxectadas nunha pantalla. O anterior concerto do ciclo tivo lugar na noite de onte, martes, na rúa San Francisco e correu a cargo da sección de vento metal da Banda, o quinteto Ribadeo Brass, a Cebolas Verdes Big Band e amigos, actuación que contou coa presenza de numeroso público.
En canto ao acto programado para este venres “a Banda interpretará diferentes pezas de bandas sonoras de...
leer más 24/08/2015
A sección de vento metal da Banda Municipal de Música de Ribadeo xunto co quinteto Ribadeo Brass e a recentemente creada formación musical ribadense Cebolas Verdes Big Band ofrecerán un concerto mañá, martes, ás 22:30 horas nas inmediacións do parque de San Francisco, aínda que en caso de mal tempo trasladarase ao Cine Teatro. Esta actuación, incluída no ciclo Agosto Musical 2015 que organiza a asociación Amadores da Música, chega despois da participación da Banda de Ribadeo no concerto celebrado onte, domingo, no auditorio municipal Hernán Naval dentro do X Festival Internacional de Música Clásica de Ribadeo.
O concerto de vento metal programado para mañá, martes, día 25, estará dirixido por Rubén Solloso Irimia, quen hoxe explicou que este tipo de actuacións “comezamos a...
leer más 19/08/2015
A décima edición do Festival Internacional de Música Clásica de Ribadeo, que organiza a asociación EoClásica, ofrece cinco concertos dende mañá, xoves, ata o vindeiro luns. Foi presentado hoxe no salón de plenos municipal, acto no que participaron a alcaldesa en funcións, Ana Martínez, e o concelleiro de Cultura, Farruco Graña, xunto co director do festival, Leopoldo Erice.
Ana Martínez explicou que este festival “xa hai dez anos arrancaba como un fermoso soño da man dun grupo de persoas vinculadas á tradición musical ribadense pero, polo que levo escoitado e visto e polo que sei, cun alma fundamental, que é Leopoldo Erice, que é un madrileño de nacemento pero desde logo un ribadense de corazón. Este grande concertista de piano fai que durante estes días Ribadeo soe de...
leer más 14/08/2015
O ciclo Concertos ao Solpor, que durante o verán organiza O Eido Dourado nas noites dos domingos, remata o día 16 coa actuación de Sumrrá, unha formación de jazz que nos últimos tempos acadou numerosos premios e participou en prestixiosos festivais ao longo do mundo.
Celso Dourado, promotor dos concertos no espazo veciño á praia da Pasada, destaca que o trío Sumrrá “foi premio Martin Códax da Música no 2014 e foi considerado o mellor grupo de jazz e músicas improvisadas. Está formado polos músicos Manuel Gutiérrez ao piano, Xacobe Martínez Antelo ao contrabaixo, e Lar Legido na batería. Este trío está considerado o máis innovador dentro da escena española. Dío Cándido Querol, que é un dos grandes críticos de jazz”.
O artista...
leer más 13/08/2015
A sección de vento madeira da Banda Municipal de Música de Ribadeo xunto co grupo Clarinet Connection actuarán este venres, día 14, nas inmediacións do parque de San Francisco. O concerto, dirixido por David Ballester Martínez, será ás dez e media da noite. Forma parte do ciclo Agosto Musical 2015, organizado pola asociación Amadores da Música.
David Ballester explicou que “a idea do concerto é mostrar o traballo da sección de vento madeira. Tocarán primeiro os instrumentos por separado: clarinetes, frautas, óboes, saxos e fagots. E despois remataremos o concerto cunha interpretación de todos xuntos con arranxos feitos por nós. Esperamos que a xente se achegue este venres ás dez e media da noite para poder gozar da sección de vento madeira da Banda”.
... leer más 07/08/2015
O martes, 11 de agosto, ás 20:30 horas o grupo coral Aba Taano ofrecerá un concerto benéfico no Cine Teatro co obxecto de recoller fondos para a ONG Música para salvar vidas. A devandita ONG desenvolve o seu labor en Uganda, ás aforas da súa capital, Kampala, para dar unha boa educación a nenos e nenas orfos.
“O grupo musical Aba Taano combina o uso das linguas autóctonas do centro de África coa interpretación do gospel tradicional dos EE.UU. Aba Taano, os cinco na lingua de Uganda, cantan en swahili, luganda, zulu, lutor, acholi e rynancore, entre outras linguas. Teñen realizado máis de 300 concertos polo mundo adiante, por Holanda, Alemaña, Hungría ou Chequia, de entre os cales destacaremos os feitos no Palau de la Música de Barcelona, no Teatro Arriaga de Bilbao e no...
leer más