Festa
Todo está listo en Ribadeo para a celebración da festividade do seu copatrón, San Roque. A comisión organizadora das festas patronais da vila ribadense preparou o programa das actividades que se desenvolverán ao longo día 16 de agosto.
Potentes bombas de palenque anunciarán a xornada. A partires das 11:30 horas sairán desde a Oficina de Turismo os Cocos e Cabezudos, que estarán acompañados do grupo de gaitas da asociación Amigos da Gaita para percorrer as principais rúas da vila.
Ás 12 da mañá haberá misa solemne na capela de San Roque, seguida de procesión e concerto da Banda Municipal de Música de Ribadeo.
E xa pola noite a partir das 22:00 horas dará comezo a festa verbena, que estará amenizada polo Grupo Fénix e Disco Móbil Blanco y Negro.
A sétima edición da Festa Normanda de Foz presentarase este sábado, 5 de agosto, cun evento que se celebrará na zona portuaria focense.
Os actos comezarán ás oito da tarde coa presentación oficial da festa e desfile a cargo de Rosana&Pili na praza Conde de Fontao. A continuación na explanada do porto haberá churrascada con churrasco, pan, chourizos, viño e salsa normanda do IES de Foz. O prezo da ración é de 6 euros. Estará amenizada con música ambiente a cargo dun DJ.
O club de fútbol Celta Barreiros organiza unha festa que se celebrará este venres, 28 de xullo, pola tarde noite. O Concello colabora.
Segundo explica o concelleiro José Manuel Gómez Puente "trátase da primeira edición da festa dos ovos fritos e realízase para fomentar a unión dos xogadores e os socios do club, E ao mesmo tempo co obxectivo de pasalo ben con todos os veciños, amigos e veraneantes que nos queiran acompañar".
O edil barreirense anima a todo o mundo a participar "porque o imos pasar moi ben". A cea consistirá en ovos fritos con patacas e chourizo, pan e bebida por so 5 euros.
A I Festa O Cascabeiro terá lugar no campo de fútbol do Celta Barreiros, que ten o mesmo nome que o evento, O Cascabeiro. Ademais haberá música en directo con Chis.
Do 14 ao 16 de xullo celébrase en Burela a VI Festa Castrexa. Entre as diferentes actividades que figuran no programa hai un sorteo de 1000 euros en vales de compra entre aqueles que fagan as súas compras no Centro Comercial Aberto ata o xoves 13 de xullo. O sorteo terá lugar o sábado pola noite, durante a actuación da orquestra, e se o gañador non está presente o premio redúcese a 500 euros.
Dende o venres ao domingo celébrase o Mercado Castrexo nas rúas Pardo Bazán e Eijo Garay, das 11:00 ás 24:00 horas. Haberá obradoiros de artesáns e atraccións infantís.
O venres 14 a partir das 21:30 horas, terá lugar o desfile dos clans castrexos desde a rúa Camiño Real ata a praza do Concello. A participación é libre pero só optan a premio os clans que estean inscritos. Ao remate do desfile celebrarase unha cea de irmandade na praza do...
A Delegación Territorial da Xunta acolleu hoxe a presentación da Festa da Merluza de Celeiro, cita declarada de interese turístico galego, que se celebrará este sábado, día 15 de xuño, nesta localidade do concello lugués de Viveiro.
A presente edición será a número vinte polo que desde a organización agardan celebrar este aniversario cun gran éxito de público. O ano pasado repartíronse máis de 2.000 racións o que demostra que habitualmente ten moi boa acollida como unha das citas gastronómicas máis valoradas da Mariña lucense.
O evento foi presentado polo delegado territorial, José Manuel Balseiro; o tenente de alcalde de Viveiro, Jesús Fernández, e os directivos do colectivo Chilindrín-Peñalba, Bernardo Fraga e Rosario San Isidro, que se encarga da organización desta cita.
Balseiro puxo...
leer más
A cuarta edición do Ribadeo Indiano da comezo ás cinco desta tarde co redescubrimento da placa na rúa Bos Aires, acto no que participará o embaixador da República Arxentina, Federico García Puerta. Xunto a él estarán o alcalde, Fernando Suárez, e o cronista oficial de Ribadeo, Eduardo Gutiérrez. Durante estes tres días desenvolverase un programa cheo de actividades que o domingo rematarán na parroquia de A Devesa, a máis indiana do concello.
A concelleira de Turismo, Ana Martínez, salientou que “o Ribadeo Indiano pretende algo máis, algo máis importante en certa medida que a propia imaxe de ir guapo. Queremos recordar e, desde logo, rememorar esa parte importante da historia na que tamén se pasou mal, na que a xente cando ten que emigrar e deixar o propio, deixar o que un quere, deixar a terra, xera esa sensación de perda, de nostalxia, do...
leer más
A praia focense de Tupide acollerá unha festa acuática infantil este fin de semana, sábado 8 e domingo 9. O evento foi presentado pola concelleira de Xuventude, Mercedes González, e Ibán García, da empresa IG10, que se ocupa da xestión desta actividade.
Dende a organización explicaron que “o sábado, 8 de xullo, a partir das 15:30 horas teremos unha festa acuática infantil con tobogáns, inchables acuáticos,… E o domingo, 9 de xullo, ás 17:30 horas as motos de auga toman un ano máis a ría de Foz, grazas á colaboración do club Galijet co Concello. Todas as persoas a partir de 6 anos están invitadas a dar un paseo pola nosa fermosa ría con pilotos deste club”.
Xa está na rúa o terceiro número de A Gaceta Ribadense, o xornal ideado e deseñado por Justo García que publica Faro Norte Comunicación con motivo do Ribadeo Indiano. Nesta ocasión foron editados 4.000 exemplares de 24 páxinas, que se repartirán gratuitamente nos máis de 70 establecementos colaboradores, nos puntos de venda de prensa habituais e polas rúas da vila ribadense durante o festexo.
Neste número da publicación poderán ler escritos de dúas novas firmas “fichadas” por este xornal, o letrado (nos dous significados da palabra) Antonio Fernández e Rubén Abelaira (da Asociación Lucense de Automóviles Antiguos), que se unen a seis articulistas que xa participaron nos números anteriores desta gaceta: Martín Fernández Vizoso, Carlos Álvarez Lebredo, Toni Deaño, Pablo Rodríguez (Vivin), María José Fernández Azpeitia e Carmen Cruzado.
... leer más
A Asociación de Comerciantes, Industriais, Servizos e Autónomos (ACISA) de Ribadeo pon á venda desde este mércores, 5 de xullo, novo merchandising do Ribadeo Indiano e tamén comercializa os artigos de edicións anteriores da festa.
A directiva de ACISA explica que “poderán comprarse postais das catro edicións da festa, cuncas e imáns das dúas últimas edicións, así como o tradicional sombreiro indiano ou os divertidos yo-yos. As cuncas desta edición, que son metálicas e teñen unha estética máis propia da época, venderanse a 10 euros, mentres que as de 2016 teñen un prezo de 9 euros. Os imáns son a 3 euros, pero mercando dous, desta edición ou da pasada, saen por 5 euros. Cada postal ten un prezo de 1 euro, pero os catro modelos saen por 2,50 euros. Os yo-yos venderanse a 5 euros e o prezo do sombreiro é de 6 euros. Estes produtos estarán á...
leer más
O Deputado de Goberno Interior e Relacións Institucionais, Álvaro Santos Ramos, o Alcalde de Ribadeo, Fernando Suárez ea e Concelleira de Turismo e Desenvolvemento Local de Ribadeo, Ana Mª Martínez, presentaron este venres na Deputación, a programación do IV Ribadeo Indianoque se celebrará dende o 7 ata o 9 de xullo nesta vila. O Goberno da Deputación colabora con esta iniciativa con 6.000 euros, sendo a unica administración, xunto co Concello, que financia este evento.
Álvaro Santos remarcou a aposta do Goberno da Deputación por promover o turismo na provincia. “A achega económica que realiza o organismo provincial a esta cita turística que xa está consolidada, é un investimento real e directo para promocionar toda a mariña lucense. Nesta edición comprobamos, no extenso programa, que está moi especializada, por iso cada ano atrae a máis...
leer más