Festa
Nove locais hostaleiros do porto focense organizan, coa colaboración do Centro Comercial Aberto e do Concello, a 1ª Festa Mariñeira que terá lugar do 14 ao 16 de xuño. O evento foi presentado este mediodía con asistencia de varios empresarios, do alcalde en funcións, Javier Castiñeira, e do presidente do CCA/Acia Foz, José Carlos Paleo.
Haberá pregón o venres e música polos bares. O sábado os nenos e nenas desfrutarán de inchables e talleres mariñeiro e de maxia. Esa xornada varios locais terán sesión vermú, que contarán con ambientación musical en directo. E a partires das sete haberá tres concertos, que serán ás sete, ás nove e ás once da noite.
Xa o domingo cinco grupos serán os protagonistas dos Cantos de Taberna, que percorrerán os locais participantes neste evento. Actuarán dúas formacións de Foz e outras...
leer más
O Presidente da Deputación, Darío Campos xunto ao Tenente de Alcalde, Francisco MartínezBermúdez, e o Presidente do Centro de Iniciativas Turísticas (CIT), Francisco Javier Rois Freijo, presentaron a XLI edición da Festa da Troita da Pontenova que terá lugar os días 30 de abril e 1 de maio. Este eventoestá declarado como Festa de Interese Turístico Galego e tamén de Interese Turístico Deportivo Nacional. O Goberno da Deputación vén apoiando nos últimos anos a organización deste evento, que este ano recibiu unha achega de 5.000 €.
Darío Campos destacou que “esta celebración da Pontenova é a segunda festa da troita máis antiga de Galicia. Xa conta con máis de 40 anos de tradicióne consolidouse coma un importante revulsivo económico para o Concello da Pontenova e para a contorna da Mariña o cal redunde positivamente na provincia”.
... leer más
No mes de maio temos unha cita gastronómica e cultural de primeiro nivel no concello de Trabada.
Celébrase a II Festa Gastronómica da Enfariñada, unha xornada na que a música, a artesanía e a gastronomía se integrarán nunha mesma celebración para desfrute de todos os visitantes.
Pola mañá, a partir das 12:00 horas, terá lugar unha demostración de restauración-torno da man de Vicente Ledo; ás 12:30 actuará o Cuarteto Tradicional Illa Pancha, ás 13:30 Airiños da Freba e de forma simultánea o público poderá percorrer o Mercado de produtos locais de artesanía ou desfrutar do produto estrela: a Enfariñada.
Chegadas as 16:30 actuará Susana Seivane, unha das artistas galegas de maior prestixio internacional.
Despois do éxito da primeira edición, prevese que centos...
leer más
A XXVIII edición da Festa do Ourizo terá lugar o sábado 16 de marzo, en San Ciprián. A cita foi presentada hoxe polo alcalde de Cervo, Alfonso Villares, a edil de Turismo, Mali Méndez, e por representantes da hostalería local.
A Festa volve contar cun programa cheo de actos e actividades que terán como gran protagonista ao ourizo.
Deste xeito, avanzaron que “un ano máis organizamos un show cooking, que terá lugar na carpa instalada na Praza dos Campos, a partir das 12:00 horas do mediodía, no que gozaremos vendo as habilidades culinarias en vivo de castro prestixiosos/as chefs que cociñarán ante as persoas asistentes sorprendentes e innovadoras receitas elaboradas coa base do ourizo: Manicha do restaurante Rotilio (Sanxenxo), Jorge Gago do restaurante A Maceta (Santiago), Miguel Roquiño do restaurante A do Borlo...
leer más
O Concello de Cervo organiza unha festa infantil de Entroido que terá lugar o luns, 4 de marzo ás 17:30 horas na praza dos Campos en San Ciprián.
Haberá pasarrúas a cargo da asociación Rebolaxe, inchables, talleres, música e servirase chocolate aos asistentes. Tamén terá lugar o espectáculo-show infantil Mundo Disney.
O sábado, 23 de febreiro, terá lugar a XXVI Festa do Mexillón, con tapas protagonizadas por este molusco que se servirán nos locais hostaleiros de San Ciprián, durante toda a xornada.
Tradicionalmente esta festa celebrábase na Semana Santa, pero decidiuse cambiala de datas porque agora o produto é de moi boa calidade.
Xa pola tarde-noite o grupo local A Rebolaxe amenizará a festa polos diferentes establecementos.
O Concello de Barreiros colabora co CF CeltaBarreiros e as charangas Os Macanudos e Habelas Hainas na organización da II Festa do Cocido que se celebrará o vindeiro sábado, 23 de febreiro. Terá lugar no polideportivo de San Cosme e dará comezo ás 21:30 horas.
O menú consistirá en sopa de cocido, cocido, postre, viño, auga, refrescos, pan, café e chupito. O prezo é de 20 euros para os adultos e de 10 euros para @s nen@s de ata 10 anos. A cea será servida polo cátering Chao dos Navais e o baile estará amenizado pola discoteca móbil Eventec. Ademais haberá sorteo de grandes premios.
As persoas interesadas en asistir a esta festa poden facer as súas reservas nos números de teléfono: 659 392 666 (Manolo), 667 316 459 (Demelsa) ou 609 575 536 (Iria).
No evento colaboran ademais do Concello os restaurante O Asador...
O Centro Comercial Aberto de Foz organiza un ano máis a súa campaña de San Valentín que se desenvolverá no comercio do 8 ao 17 deste mes de febreiro e que inclúe o sorteo de regalos. E tamén se celebrará a 9ª Festa da Cociña Afrodisíaca, que terá lugar do 14 a 17.
As persoas que realicen as súas compras nos establecementos asociados a ACIA Foz, dende este venres, 8 de febreiro, ata o día 17 entrarán no sorteo de 8 premios especiais. Estes agasallos consistirán en diferentes tratamentos estéticos, ofrecidos pola clínica Maas+Saúde. Trátase de 3 sesións de depilación do pack ingles e axilas, 3 sesións de depilación de medias pernas, 1 pack de masaxe reductor-presoterapia e 1 de hixiene facial con ácido salicílico. O sorteo será ofrecido en directo por Radio Foz o 19 de febreiro.
O CCA focense organiza tamén a 9ª...
leer más
A A.C.R. Fervenza de Sargadelos e a AC Airiños do Xunto anuncian que, un ano máis, organizan a V edición da Foliada de Cervo e a XIII Festa de Degustación da Carne de Porco, que se celebrarán na praza do Souto, en Cervo, o 11 de maio.
Ademais comunican que todo aquel grupo que desexe participar debe inscribirse en: https://goo.gl/forms/X4QCbp3ZgG8ia9F93.
A A.C.R. Fervenza de Sargadelos informará de todas as novidades do evento a través da súa páxina www.facebook.com/romeriadesargadelos ou da foliada.
Aquelas persoas que queiran poñer un posto de gastronomía, artesanía, cosmética, ecoloxía… no mercadiño poden contactar coa organización.
A tradicional Festa do Mexillón, de San Ciprián, no concello de Cervo, celebrarase este ano o día 23 de febreiro, sábado. Durante esa xornada os establecementos hostaleiros participantes neste festexo gastronómico ofrecerán tapas e racións de mexillóns en diferentes preparacións.
O evento foi presentado cun acto no que estiveron o alcalde cervense, Alfonso Villares; a concelleira de Turismo, Mali Méndez, e representantes do sector hostaleiro de San Ciprián.