Foz
O Concello de Foz anuncia que o salón de actos do Instituto de Educación Secundaria (IES) acollerá un curso sobre sexualidade na adolescencia, que está dirixido fundamentalmente a familias e coidadores. Será impartido por Noelia Goás Gómez o día 11 de novembro, luns, de 16:00 a 21:00 horas.
A inscrición, que é gratuíta, realizarase a través do teléfono 633.24.50.28.
O Concello de Foz anuncia que “a concelleira de Xuventude, Zoraida Coira, e Vanesa Ares, alma do Foz Contact Ari, presentaron a V Arenka Fight Night. Unha nova velada de kickboxing que se celebrará no pavillón de Marzán o vindeiro sábado, 9 de novembro, a partir das 19:30 horas. Os nosos loitadores e loitadoras subiranse ao ring coa máxima das ilusións para enfrontarse a representantes da costa sur galega. Non perdas a oportunidade de gozar do deporte de contacto en Foz”.
O Concello de Foz organiza para este sábado, día 9 de novembro, a partir das 19:30 horas a gala de elección da raíña ou rei do Entroido 2025. A entrada será de 5 euros e este importe será doado aos damnificados da Dana, tanto na conta oficial da Generalitat Valenciana coma ao Banco de Alimentos de Valencia. Así mesmo todo aquel que queira deixar unha doazón superior tamén será recollida. “Actualmente a loxística de envíos para a zona é difícil, polo que o envío de medios económicos para subministro en zonas máis próximas é moito máis eficiente” explica o concelleiro de Festas, Ángel Fernández Neira.
Este martes, día 5, finaliza o prazo para a presentación de candidaturas e o mércores 6 coñecerase o listado de persoas que o día 9 expoñerán as súas razóns ao público asistente para ser o representante do Entroido de Foz 2025.
... leer más
A concelleira da Aula Universitaria da UNED Foz, Elena Martínez Pena, e a coordinadora da mesma, Marta Muiña Rodríguez, veñen de presentar a programación para este mes de novembro, que inclúe unha exposición e catro cursos, para os que xa está aberta a inscrición.
Para comezar propoñen participar nun curso de organización e orde, Organización de espazos para mellorar a túa vida, impartido por Alba Caamaño Fernández. Muiña apunta que “é a docente idónea para unha formación deste tipo, xa que é a presidenta da AOPE (Asociación de Organizadores Profesionais de España) e conta cunha ampla experiencia neste ámbito de traballo”. Levarase a cabo os luns de 18:00 a 20:00 horas dende hoxe, día 4 de novembro, ata o 13 de xaneiro. Nestas datas a mesma docente, tamén mentora de negocios e especialista en procesos, estratexia e ventas,...
leer más
A parroquia focega de San Martiño celebrará as festas na honra do seu patrón desde o venres 8 ata o domingo 10 de novembro.
As actividades comezarán o venres con verbena amenizada polo dúo Estrellas e Conxuro Discomóbil
O sábado haberá sesión vermú a partir das 13:30 horas, co grupo Eureka, que tamén actuará na verbena xunto a Conxuro Discomóbil.
E o domingo a partir das 13:00 horas celebrarase misa solemne e procesión acompañada polo grupo de gaitas A Subela. E a continuación haberá sesión vermú amenizada polo grupo Toxo Guayaba.
Os organizadores destes festexos destacan que disporán de carpa con calefacción.
A publicación titulada Guía micolóxica básica da provincia de Lugo será presentada na Librería Bahía, de Foz, o día 6 de novembro, mércores, ás 20:30 horas. Participarán no acto os seus autores, que son Julián Alonso Díaz, José Castro Ferreiro, María Cristina García-Echave Puente e Antonio Rigueiro Rodríguez.
Librería Bahía anuncia: “o vindeiro mércores, día 6 de novembro, acollemos na libraría Bahía a presentación da Guía micolóxica básica da provincia de Lugo, en colaboración coa asociación Os Bolouros, de Foz, e a Asociación Micolóxica Lucus, de Lugo. Estarán con nós os autores. Trátase dunha guía sinxela para poder identificar con claridade as especies de cogomelos que podemos encontrar na nosa provincia, moi interesante, por tanto, tanto para quen xa son afeccionados á identificación de cogomelos, coma para quen queren introducirse...
leer más
O Concello de Foz organiza un ciclo de charlas médicas que se celebrarán os mércores 13, 20 e 27 de novembro ás 20:00 horas no salón de actos da Casa da Cultura.
A concelleira de Sanidade, Comercio e Turismo, Kathy Navarro, anuncia: “o mércores día 13 contaremos con Paloma Dorado López e Marina Bustelo Fernández, pediatras do Hospital Público da Mariña, nunha charla na que abordarán a actualización en vacinación infantil. O mércores día 20 a farmacéutica do Hospital da Mariña, Lucía Grandío Leivas, achega a charla titulada Antibióticos, por que non sempre?. E remataremos as charlas médicas o mércores día 27 con Alba Doporto Fernández, neuróloga do Hospital Público da Mariña, que falará das Enfermidades neurolóxicas asociadas a idade.
O Concello de Foz agradece a colaboración do Hospital Público...
leer más
A comparsa Ruxe Ruxe organiza a cuarta edición da actividade que denominan O Noso Samaín este sábado, día 2 de novembro, na Sala Bahía, de Foz.
Haberá festa infantil de 16:00 a 20:00 horas, con pintacaras, xogos populares, animación musical, colchoneta, globoflexia, contacontos a cargo de Marta Ortiz, scape room, mesa doce e concurso de cabazas con premios.
E a partir das 23:30 horas terá lugar a Noite Tenebrosa, amenizada coa música de Discomóvil Conxuro, con sorteos e outras sorpresas.
A asociación Os Sendeiros, de Foz, fará o 10 de novembro, domingo, a ruta de Cabo Prior a Lavacerido, na provincia da Coruña. A saída desde Foz será ás 07:00 horas e ás 07:15 horas desde Ferreira do Valadouro.
Os prezos desta actividade, incluído o xantar, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata o 6 de novembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo e destaca que é “una bonita ruta por la Costa Ártabra, zona de Ferrol; son 13 kilómetros cómodos de caminar...
leer más
O Concello de Foz publicou as bases para a elección da raíña ou rei do Entroido 2025.
Estas bases marcan dúas fases do concurso: unha inicial de presentación de candidaturas, onde se valorará o currículo entroideiro dos aspirantes; e unha segunda, que se programa para o día 9 de novembro ás 20 horas na Sala Bahía, onde os aspirantes poderán explicar a público e xurado porqué queren ser rei ou raíña do Entroido focense.
“Con estas bases quérese primar o arraigo ao Entroido, valorando a participación no desfile e nos distintos eventos do Entroido, así como algo tan cultural e histórico para Foz como é a realización do plan o luns do Entroido. Queremos que non se esquezan as tradicións de Foz”, explica a concelleira de Cultura, Inés López Couto. O prazo para presentación de candidaturas son 10 días naturais...
leer más