Presentación
16/03/2017
O 23 de marzo ás oito e media da tarde, Raquel Rey, que firma có pseudónimo de Elizabeth Bowman, presentará a súa novela “El corazón de una condesa”.
Esta é a primeira novela que Raquel Rey publica coa editorial Titania que a día de hoxe é a principal editorial de referencia da novela romántica. Dentro de Titania edita no selo Epoca, dedicado á novela romántica ambientada en tempos pasados. Neste selo Raquel Rey é a única autora española coa que actualmente conta a editorial, as demais autoras son fundamentalmente inglesas e americanas.
Esta novela está ambientada na Mariña, concretamente en Cangas, e aínda que a historia é totalmente ficticia e non ten nada que ver con ningún personaxe ou acontecemento real, sí que os ambientes, as casas e as paisaxes podemos identificalas facilmente coa nosa contorna.
... leer más 23/01/2017
A Asociación Cultural A Pomba do Arco organiza o xoves, 26 de xaneiro, ás 20:30 na Libraría Bahía de Foz a presentación do libro “A Candidata”, obra que mereceu o Premio Manuel García Barros de Literatura e que ven de ser publicado pola Editorial Galaxia. A presentación da obra correrá a cargo do seu autor Miguel Sande, que estará acompañado polo presidente da Pomba do Arco, Xoán Ramón Fernández Pacios.
A novela de Miguel Sande está a recibir un moi boa reposta por parte da crítica e do publico, do que dá conta as súas propias vendas, até o punto de aparecer como un dos libros galegos máis vendidos do último trimestre. Asemade o blog cultural Biosbardia cualificouna como “a novela destacada do ano 2016”, situándoa a “Tabela dos...
leer más 16/01/2017
A Asociación Cultural A Pomba do Arco organiza para o 19 de xaneiro, a presentación do libro "As contas que nos contan", de Xosé Díaz Díaz. O acto terá lugar na Librería Bahía de Foz ás 20:30 horas.
Nesta obra, editada por Sermos Galiza, analízanse as causas e as formas do espolio económico de Galicia. A presentación correrá a cargo de Xoán Ramón Fernández Pacios, presidente da Pomba do Arco, e posteriormente tomarán a palabra Xoán Costa, conselleiro delegado de Sermos Galiza, e o autor, Xosé Díaz Díaz.
A Pomba do Arco quere con este acto informar sobre determinados aspectos da realidade económica de Galicia, e de xeito moi particular fornecer elementos de análise que rachen co tópico dunha realidade subsidiada ou necesitada da esmola...
leer más 14/12/2016
O local social da localidade focense de Marzán acollerá este venres, día 16, ás 20:45 horas unha representación teatral a cargo do grupo Pico do Castro que ofrecerá a obra titulada O Consultorio.
Esta actividade está organizada pola Delegación de Cultura do Concello de Foz e a asociación de veciños O Torques, de Marzán.
21/11/2016
A obra Mortos por amor á terra de Ramón Ermida presentase este venres, 25 de novembro, en Mondoñedo.
No acto que terá lugar na Casa da Xuventude ás 20:30 horas, intervirán o investigador Cidre Fernández, o historiador Eliseo Fernández e o autor, Ramón Ermida, quen falará da represión sobre o nacionalismo galego entre os anos 1936 e 1950 facendo especial fincapé sobre a represión franquista en Mondoñedo.
17/08/2016
"Mortos por amor á terra. A represión sobre o nacionalismo galego (1936-1950)", de Xosé Ramón Ermida, será presentada o venres, 19 de agosto, ás 21:00 horas, na Feira do Libro de Foz que se localiza na praza Conde de Fontao.
A publicación recolle un traballo de investigación histórica sobre diversos aspectos da represión franquista en Galicia con importantes referencias aos feitos acontecidos en Foz e no conxunto da Mariña.
Na presentación o venres 19 intervirán o autor, Xosé Ramón Ermida Meilán, o historiador Xoán Ramón Fernández Pacios, e o representante da editorial Sermos Galiza Xoán Costa.
16/08/2016
Mañá, 17 de agosto, en Espasante (Ortigueira), terá lugar a presentación das VI Xornadas "Memoria dun tempo", que se celebrarán os días 25, 26 e 27 de agosto.
Como ben saben, Nordés é unha asociación que ten o seu ámbito territorial nos concellos de Mañón, O Vicedo e Ortigueira que, ademáis de outras moitas iniciativas, ven facendo dende o ano 2011 un traballo de recuperación da memoria histórica na bisbarra.
Nesta ocasión, e despois de telo feito no Ateneo de Ferrol, a "Cita coa Historia", que así é o nome que se lle ten dado a estas presentacións, será no Bar de Fredi, no xa citado pobo de Espasante, onde Nordés amosará o programa dos actos das súas xornadas a partires das 20:30 horas, o cal se completará con outros actos dos que damos conta a continuación (adxuntamos cartel como arquivo adxunto):
12/08/2016
Os xardíns do hotel O Cabazo, de Ribadeo, acolleron onte a presentación da guía turística en inglés The North of Lugo. Trátase dun proxecto da Asociación de Profesores de Automoción de Galicia para dar a coñecer en 14 países europeos os atractivos turísticos do norte lugués. A guía foi elaborada por Faro Norte Comunicación e na mesma colaboran trece concellos do norte de Lugo, a Deputación Provincial e medio cento de empresas.
O presidente de Apaga, Álvaro Doural, fixo un repaso polos proxectos europeos de formación nos que está a participar esta asociación e que os levarán a viaxar a 14 países ao longo do vindeiro curso 2016-2017. Tamén en Ribadeo recibirán a visita de directores e docentes de varios centros de ensino europeos....
leer más 20/07/2016
O auditorio da Casa de Cultura de San Ciprián acollerá este sábado, día 23, a presentación do libro de Borja Iglesias Rodríguez titulado Shine on you crazy diamond y otros relatos. Anunciouno hoxe a concelleira de Cultura, Dolores García Caramés.
Borja Iglesias naceu en San Ciprián en 1978 e actualmente reside en Las Palmas de Gran Canaria e traballa como psicólogo clínico no Servicio Canario de Salud. Anteriormente publicou as novelas Ceballos Urquijo, no ano 2010, e Rumbo al Sur, no 2015. Esta antoloxía de relatos que presenta o sábado na Casa da Cultura supón o seu debut no xénero do conto.
22/06/2016
O Concello reeditará o libro de Ricardo Pena Domínguez "Burela: Apuntes históricos y crónica del siglo XX". Nesta reedición colabora a Deputación Provincial e sairá cunha tirada inicial de 500 exemplares.
O alcalde, Alfredo Llano, contou que “foi hoxe un día de satisfacción porque tivemos oportunidade de falar coa familia de Ricardo Pena, que foi o noso Cronista Oficial hai tempo aquí en Burela, e que escribiu un libro que está moi interesante e que se titula Burela: Apuntes históricos y crónica del siglo XX”.
O rexedor subliñou que “había unha demanda moi grande en Burela. De feito cando se fixera a primeira edición enseguida se esgotou. Agora...
leer más