sexualidade
Burela acollerá os días 23 e 25 de setembro, martes e xoves, os obradoiros titulados Sexualidade na adolescencia e Alimentación na infancia.
O Concello de Burela explica que son “dúas xornadas gratuítas dirixidas a pais, nais, coidadores/as e a todas aquelas persoas interesadas en comprender mellor a realidade da sexualidade na adolescencia e para coidar da saúde dos máis pequenos a través da alimentación”.
Serán no salón de actos da antiga biblioteca municipal de Burela o día 23 (Sexualidade na adolescencia) e o 25 de setembro (Alimentación na infancia) de 16:00 a 21:00 horas.
As inscricións para participar poden facerse a partir deste martes, 16 de setembro, na Casa do Concello de Burela ou a través do teléfono 982.586. 000.
O Concello de Foz anuncia que o salón de actos do Instituto de Educación Secundaria (IES) acollerá un curso sobre sexualidade na adolescencia, que está dirixido fundamentalmente a familias e coidadores. Será impartido por Noelia Goás Gómez o día 11 de novembro, luns, de 16:00 a 21:00 horas.
A inscrición, que é gratuíta, realizarase a través do teléfono 633.24.50.28.
A Casa da Cultura de Trabada acollerá un curso de Sexualidade na Adolescencia dirixido a familias, coidadores e coidadoras.
O curso estará impartido por Noelia Goás Gómez e será totalmente gratuíto. Terá lugar os días 13 e 14 de novembro entre as 18:00 e as 20:30 horas.
O alcalde de Trabada, Rubén García, convida á veciñanza a "participar desta iniciativa tan necesaria tanto para a rapazada como para o seu entorno".
As inscricións no curso poderán ser realizadas na Casa do Concello de Trabada ou no número de teléfono 982 135 011.
A actividade está organizada por Emergal Ensino SL, co apoio do Concello de Trabada, AFAMMER Lugo, a Consellería de Política Social e Igualdade da Xunta de Galicia e o Ministerio de Igualdade do Goberno de España a través do plan Corresponsables.
O día 12 de novembro, martes, de 16:00 a 21:00 horas no Pazo San Tomé, de Mondoñedo, impartirase o curso de sexualidade na adolescencia dirixido a pais/nais, coidadores/as...ou calquera persoa interesada.
Algúns dos contidos do curso son: riscos en sexualidade, pornografía, infeccións de transmisión sexual, embarazos non desexados, anticoncepción, violencia de xénero, abuso sexual infantil e falsos mitos relacionados coa sexualidade.
A inscrición para asistir ao curso, que é gratuíto, pode realizarse nas oficinas de servizos sociais do Concello de Mondoñedo e no teléfono 982.524.003-extensión 8. As prazas son limitadas.
O Concello de Riotorto anuncia que acollerá un curso de sexualidade na adolescencia, que está dirixido fundamentalmente a familias e coidadores. Será impartido por Noelia Goás Gómez no Centro Sociocultural Avelino Díaz o día 23 de outubro, mércores, de 16:00 a 20:00 horas.
A inscrición, que é gratuíta, realizarase na Casa do Concello de Riotorto e no número de teléfono 982.34.62.22.
Burela acollerá un curso de sexualidade na adolescencia. Será impartido por Noelia Goás Gómez no salón de conferencias da antiga biblioteca o día 22 de outubro, martes, de 16:00 a 21:00 horas.
A inscrición, que é gratuíta, realizarase na Casa do Concello e no número de teléfono 982.58.60.00 en horario de 9:00 a 14:00. As prazas son limitadas.
O Concello de Burela anuncia que se trata dun curso acreditado pola asociación de familias e mulleres no mundo rural AFAMMER na provincia de Lugo.