Teatro
Teatro do Atlántico presenta Xuízo a unha lurpia este sábado, 4 de novembro, ás 20:30 horas, en Viveiro. Será no Teatro Pastor Díaz. A obra está protagonizada por María Barcala.
Baixo a dirección de Xulio Lago, esta obra de Miguel del Arco adaptada por Inma López Silva, atopámonos coa bela Helena de Troia pero no século XXI. Helena é agora unha muller con certos signos que nos falan do implacable paso do tempo aínda que cunha enerxía desbordante transitando, habitando nunha especie de tobogán emocional transitado polos intensos episodios da súa travesía vital. Nesa vida mestúranse a dor da nena violada por Teseo coa dor da esposa obrigada por Menelao, a paixón da amante namorada do fermoso Paris co desafío e o rencor polo seu pai Zeus. Helena diríxese reiteradamente a nós preguntando quen escribe a historia e rexeitando a maneira en que...
leer más
O vindeiro venres, 3 de novembro, ás 21:00 horas na Casa da Cultura terá lugar a representación da obra O furancho, escrita e dirixida por Santiago Cortegoso e interpretada por Marián Bañobre e Isabel Risco. Está dirixida a público adulto. As entradas, que terán un prezo de 5 euros, xa se poden mercar na Biblioteca Municipal de Burela.
Ibuprofeno Teatro presenta un espectáculo de creación propia, sustentado na interpretación actoral e na escrita dramática, que parte da imetáfora de converter o escenario do teatro nun furancho. Para os habitantes das Rías Baixas é un referente moi claro: un tipo de local ao que todo o mundo foi algunha vez, que é un fenómeno popular nas primaveras, cunha afluencia de público sorprendente, cun ambiente moi peculiar. Conservan aínda, na maioría dos casos, o regusto da tradición, que consiste en servir nas...
leer más
O Teatro Pastor Díaz de Viveiro acollerá este sábado, 28 de outubro, o Concerto Singular que ofrecerá Píscore.
A actuación, dirixida a un público infantil e para todas as idades, ten unha hora de duración e dará comezo ás 18:00 horas.
Píscore son catro prestixiosos músicos fronte a un gran conflito, 16 baquetas e unha soa marimba. Catro músicos dispostos a facela soar do xeito máis orixinal e abraiante, pero organizarse xa non vai ser tan doado. Píscore achéganos a mellor música e moito humor para un concerto singular nunha proposta que se encadra na liña dos grandes espectáculos que mesturan o virtuosismo musical e os ritmos coa comedia xestual. Un espectáculo de vocación universal que fará rir e disfrutar a público de todas as idades apelando ao máis clásico do humor e do sketch musical.
... leer más
Oito obras foron seleccionadas para participar no primeiro certame de teatro Concello de Lourenzá. Representaranse os catro fins de semana do vindeiro mes de novembro.
O concelleiro de Cultura, Manuel Arango, anunciou que “as obras e grupos teatrais seleccionadas para participar no I Certame de Teatro Afeccionado Concello de Lourenzá son as seguintes por orde de actuación:
4 de novembro.- A miña muller volveu, da Asociación Cultural Pico do Castro, de Foz.
5 de novembro.- Mass co-medias, da Asociación Teatro Airiños, de Rianxo.
11 de novembro.- Las entretenidas, de Andanzas, de Viveiro.
12 de novembro.- Menciñeiro á forza, da Asociación de Veciños de Lagoa (Alfoz).
17 de novembro.- A taberna de Suso, de Os Trangalleiros, de Lourenzá.
18 de novembro.- El picadero de mi abuelo, da Asociación Cultural...
Teatro Crea, de Viveiro, presenta este sábado, 21 de outubro, en O Vicedo, a obra E ti, sabes de que cor son todas as laranxas?.
Inspirada en pezas de Carlos Casares, está dirixida por Lara Fernández Noriega.
Esta representación, para nen@s maiores de 5 anos, terá lugar na Casa da Cultura de O Vicedo a partires das 18:00 horas, con entrada gratuíta.
A asociación Espazo Crea de Viveiro presenta a adaptación desta obra pensada para un público infantil. Tamén durante este ano ten representada en varios puntos da provincia lucense, a obra Xoguetes Cómicos baseada en textos de Chejov.
Burela conmemora o Día da Biblioteca, que se celebra o 24 de outubro, cunha actividade de animación á lectura para os nen@s que terá lugar este sábado, día 21, na Biblioteca de Burela.
Teatro dos Ghazafelhos presentará o espectáculo infantil titulado Camiñando entre estrelas. Trátase dun contacontos que ilustra dun xeito ameno e pedagóxico a formación dos planetas, estrelas e astros cunha pequena escenografía onde se mostran os distintos obxectos celestes contando cunha proxección de fotografías e debuxos.
A actividade está dirixida a todos os públicos e terá lugar este sábado, 21 de outubro, no auditorio da Casa da Cultura ás 18 horas. Á entrada será libre.
A compañía Teatro dos Ghazafelhos foi creada por Pepablo Patiño e Montse Piñón e cos seus espectáculos teñen traballado na...
leer más
O salón de actos municipal de Lourenzá acollerá este sábado, día 21, ás 20:00 horas unha representación teatral a cargo do grupo Lume Escénico, de A Pontenova, que ofrecerá a obra A horta das cerdeiras.
Esta actividade está organizada polo Concello de Lourenzá coa colaboración da Deputación de Lugo, a través do programa teatral Buxiganga.
O Concello de Ribadeo programou para esta semana cine, música e teatro. Mañá, mércores 18 de outubro, dentro do Proxecto R, de Doce do Patíbulo, terá lugar a proxección de La familia Belier no Teatro ás 21:00 horas con entrada gratuíta. O sábado haberá un espectáculo de Paco Nogueiras para os máis pequenos na biblioteca El Viejo Pancho a partir das 17:30 horas. E o domingo teatro no Auditorio Municipal ás 20:30 horas con Mofa e Befa, que presenta Cráneos privilexiados…ou crítica da razón perralleira.
O concelleiro de Cultura, Farruco Graña, contou que “volve de novo o Proxecto R a Ribadeo, organizado polo colectivo Doce do Patíbulo, de novo o cine de autor faise proxección no Teatro de Ribadeo. Este mércores, 18 de outubro, imos poder ver La familia Belier. Ademais debemos indicar que este Proxecto R é outra maneira de dar a coñecer a...
leer más
O vindeiro sábado, día 21, o Teatro Pastor Díaz acollerá a representación de “Pensión 13”, a cargo de Nova Escena. A cita enmárcase no proxecto Buxiganga, da Área de Cultura da Deputación de Lugo. A cita será ás 20:30 horas.
O grupo Nova Escena xurde en 1997 a partir dun obradoiro de teatro organizado polo Concello de Lugo, constituíndose como asociación cultural en 2003. Desde aquela levan representado mais dunha decena de pezas teatrais, reivindicando co seu bo facer a importancia do teatro amador: Borralliña, O Decamerón, Lisístrata, A irmá María Ignacia explícavolo todo, Cinco mulleres co mesmo vestido, O Lirio, O inspector, A herdanza da tía Constanza, 2155, In Pacem, A apócema... Destacan ademais na súa traxectoria as súas participacións en animacións de rúa: A profetisa, A porta do sul...
Desde os seus...
leer más
A Concelleira de Cultura programa para o día 28 deste mes unha representación teatral que correrá a cargo de Hipócrita Teatro, que poñerá en escena a obra Hotel Desencanto. Será na Casa da Cultura ás 20 horas.
Trátase dunha peza de teatro contemporáneo, dirixida por Carlos Rebolo, que mestura drama, comedia e suspense. A obra está estruturada en cinco escenas. A primeira serve de introdución e presentación dos personaxes, e sitúa ao espectador no contexto onde se vai desenvolver a acción. Oito hóspedes van chegando a un hotel no que os recibe un recepcionista que lles entrega as chaves das súas respectivas habitacións. As catro escenas seguintes ben puideran desenvolverse de xeito simultáneo aínda que ao espectador se lle presentan de forma secuenciada. Cada escena mostra o que acontece en cada unha das habitacións, e cada unha delas é...
leer más