1. Inicio

Trasbar

Intensa axenda de actividades da asociación Burgo de Trasbar, de Cervo, en maio e xuño. Haberá algunha viaxe e o xantar de aniversario.

Etiquetas:
Cervo, Trasbar, Veciños
13/05/2017

A asociación de veciños Burgo de Trasbar organiza unha excursión a Taramundi o 20 de maio. O prezo por persoa é de 20 euros para os socios, 25€ para os non socios e 10 euros para nen@s. Inclúe microbús e xantar.

Esta asociación cumpre o primeiro ano de existencia e con tal motivo organiza unha andaina que terá lugar o sábado 27 de maio. A saída será do local social ás 10:00 horas cara a Cervo e Sargadelos.

O domingo 28 de maio terá lugar o tradicional xantar de aniversario para o que é preciso anotarse antes do día 21. 

Esta asociación anuncia que o día 27 de maio comeza o prazo para o pagamento das cotas de socias/os que rematará o 10 de xuño. As persoas que non actualicen a cota nese período serán dadas de baixa de xeito automático. O pagamento pode facerse no local social no local...

leer más

Burgo de Trasbar, en Cervo, organiza o IV Certame Literario das Letras Galegas. A recepción de traballos remata o 11 de maio.

Etiquetas:
Trasbar, Certame, Letras Galegas
30/04/2017

A Asociación de veciños do Burgo de Trasbar organiza o IV Certame literario con motivo da celebración do Día das Letras Galegas, co tema “Morriña”. 

As narracións deberán estar escritas en galego, cunha extensión máxima dun folio por unha soa cara. Establécense tres categorías: infantil (ata 12 anos), xuvenil (de 13 a 18 anos) e adulto (maiores de 18 anos). Cada autor pode presentar cantos traballos desexe, acompañando cada un deles cun sobre pechado onde figuren os seus datos persoais (nome, dirección data de nacemento e un teléfono de contacto). 

O prazo de presentación dos traballos rematará o xoves, día 11 de maio, debendo ser remitidos á seguinte dirección: Asociación de veciños do burgo de Trasbar, Local Social, Corral Grande, s/n, 27888 Trasbar, Cervo. 

O xurado seleccionará un...

leer más

O 12 de novembro haberá un magosto organizado pola asociación de veciños do Burgo de Trasbar, en Cervo. A xornada inclúe teatro, castañas e pancetada.

Etiquetas:
Castañas, Cervo, Trasbar
08/11/2016
 
A asociación de veciños do Burgo de Trasbar, en Cervo, organiza un magosto para o sábado, 12 de novembro.
 
As actividades darán comezo ás 19:00 horas con teatro. O grupo O Batán presenta a obra "Igualdade Virtual" de Francisco Piñeiro e dirixida por Mª Paz Rodríguez.
 
De seguido haberá castañas e pancetada a prezos de 1 euro as castañas e 1´50 euros a panceta para os socios e 2´50 euros a panceta para os non socios. Este sábado estará exposta a cesta de Nadal para quen queira participar no sorteo a 3 euros cada firma. Un ano máis os veciños de Trasbar xogarán ao mesmo número na Lotaría de Nadal, o 42726.
 

Do 16 ao 18 de setembro celébrase a tradicional Romaría de Santa Eufemia no burgo de Trasbar, en Cervo. Haberá misas, procesión, alfombra floral e verbenas.

Etiquetas:
Cervo, Festas, Trasbar
14/09/2016
Do 16 ao 18 de setembro celébrase a tradicional Romaría de Santa Eufemia no burgo de Trasbar, en Cervo. Haberá misas, procesión, alfombra floral e verbenas.
 
Xa moi preto dos días da festa, os veciños de Trasbar traballan esta semana nos preparativos para a alfombra floral. Estarán todas as tardes, de luns a mércores, a partir das 16.00 h, no local social cortando no verde e tinguindo o sal e o serrín para confeccionar a alfombra.
 
Dende o colectivo veciñal, agradecen toda a axuda relacionada coa confección da alfombra: dende voluntarios para cortar o verde, para debuxala, para facela, como as achegas de flores para que isto sexa posible. “Toda aquela xente que nos queira axudar, tanto nos preparativos como na elaboración da alfombra, será ben recibida, xa que é moito o traballo que hai que facer”.
 
Programa...
leer más

A Romaría de Santa Eufemia no burgo de Trasbar, en Cervo, terá lugar os días 16, 19 e 20 de setembro.

Etiquetas:
Festas, Cervo, Trasbar
08/09/2015
A Romaría de Santa Eufemia no burgo de Trasbar, en Cervo, terá lugar os días 16, 19 e 20 de setembro.
 
Un ano máis o burgo de Trasbar, en Cervo, celebrará a tradicional Romaría de Santa Eufemia, unha cita coa súas festas patronais que inclúe un variado programa de actividades que se desenvolverán durante tres días: O mércores 16, o sábado 19 e o domingo 20 de setembro. Están organizadas polaa asociación veciñal O Burgo de Trasbar, que tamén se encargou do evento o ano pasado.
Os actos comezarán o 16 de setembro, coincidindo coa festividade oficial, celebrarase a romaría da Santa Eufemia. O programa inclúe unha misa ás 13.00 horas, cantada polo grupo de voces Sons de Celeiro. Ao remate da misa, todos os devotos que queiran poden achegarse a poñer a Santa. De seguido, terá lugar a actuación do grupo de gaitas Nova Semente de Celeiro, cortesía do programa Musiqueando da...
leer más