Xira

A Cadeira, en Trabada, acollerá este sábado 9 de agosto a súa tradicional Xira na honra a San Marcos, “unha cita consolidada no calendario estival do municipio que este ano cumpre a súa vixésimo segunda edición”, anuncia o Concello de Trabada, que explica: “a xornada festiva dará comezo ás 13:30 horas coa procesión en honra ao santo. A continuación terá lugar unha animada sesión vermú amenizada por SP The Sound Project, que se prolongará ata que o corpo aguante. Ás 15:00 horas as persoas asistentes poderán desfrutar dunha degustación gratuíta de xamón cocido e empanada na cantina, incluída coas consumicións. Pola tarde os máis pequenos serán os protagonistas, con inchables gratuítos para desfrutar en familia. A festa culminará coa verbena nocturna, tamén a cargo de The Sound Project, nun ambiente de convivencia, música e diversión para todos os públicos”.

Carlos Blanco e Xosé Antonio Touriñán están de volta cun novo espectáculo de Somos Criminais, o proxecto máis exitoso dos últimos tempos do teatro galego. Os dous humoristas regresan con esta nova entrega na que poñerán punto e final á súa particular busca do que nos fai ser criminais. 

Dirixida por Tito Asorey e con textos de José Prieto, Carlos Blanco e Xosé A. Touriñán, en Somos Criminais e punto final os dous cómicos están ao mando dunha misión espacial moi particular: Falta pouco máis dunha hora para a fin do mundo. En Galicia, unha nave, a Arteixo II, está a piques de despegar cuns poucos elixidos a bordo en dirección a un planeta onde empezarán unha nova vida. Os capitáns da nave, Carlos Blanco e Touriñán, son os encargados de que a evacuación se leve a cabo con éxito e de meter nesta Arca de Noé galega todo o noso patrimonio humano...

Todo está listo para a celebración da Xira de Santa Cruz o vindeiro domingo, 4 de agosto. Esta festa de interese turístico de Galicia foi presentada esta mañá a carón do monumento ao Gaiteiro. O Concello porá en marcha, por segundo ano, o Xirabús para facilitar a subida de xeito seguro e sostible. 

A presidenta da asociación Amigos da Gaita Galega, Noelia García, declarou: “xa chega a Xira e dende a directiva de Amigos da Gaita animámosvos a todos a subir e pasar unha boa xornada con nós: comendo, bailando e disfrutando”.

A concelleira de Turismo, Marta Saiz, tivo palabras de agradecemento para Amigos da Gaita: “agradecerlle á asociación Amigos da Gaita, á que ademais téñolle un cariño especial posto que pertencín á directiva durante moitos anos. Así que un ano máis chega a Xira e hai que animar a esta xentiña...

O programa da Xira de Santa Cruz, en Ribadeo, que organiza a asociación Amigos da Gaita Galega e é festa de interese turístico de Galicia, inclúe actividades para os días 3 e 4 de agosto, sábado e domingo.

As actividades empezarán o sábado 3 ás 20:00 horas no Cine Teatro co pregón a cargo da familia Mon e de seguido actuarán os grupos das escolas da asociación Amigos da Gaita Galega.

E o domingo 4 de agosto na vila ribadense ás 12:00 horas haberá pasacalles a cargo de AC Ponte da Pedra, O Arco da Vella e CC A Ponte Vella e actuación dos grupos das escolas de Amigos da Gaita no Cantón dos Moreno. Despois farase a subida ao monte Santa Cruz, onde haberá xantar tradicional, música e baile. Ás 19:00 horas farase unha ofrenda floral no monumento ao gaiteiro e ás 19:30 haberá concertos de Fransy González, Davide Salvado...