Xove
Hoxe presentouse a última publicación editada polo Concello de Xove: o libro Cruceiros, Cristo e Cruces do Concello de Xove, un exhaustivo estudio sobre estas figuras do noso patrimonio etnográfico. A obra está escrita por d. Mario Saavedra Pérez, mestre de profesión, cunha longa experiencia no traballo de campo. Como etnógrafo é integrante do Proxecto Carboeira, o cal ten como obxecto a localización, inventario e catalogación dos cruceiros da comarca da Terra Cha. Dende fai anos realiza a mesma labor de estudio e catalogación nos municipios da Mariña, tendo xa efectuado a catalogación dos cruceiros dos Concellos de Alfoz, Ourol, Valadouro, Mondoñedo e Xove.
A obra achéganos á figura dos Cruceiros e recolle un interesante catálogo co único cristo, as dezaseis cruces e os oito cruceiros inventariados no territorio de Xove. Recolle lendas...
leer más
O 15 de maio terá lugar a 24 Feira de Gando Cabalar, que organiza a asociación A Medela, de Xove.
Todos os participantes que desexen inscribirse nas probas tanto na das de pola maña como nas da tarde terán ata o 11 de maio para anotarse.
Poderán facelo por correo electrónico en asociacionamedelaxove@gmail.com ou por whatsapp nos seguintes teléfonos: 690861415 ou 616631495
O 15 de maio de 9:30 a 11 horas será a apertura do recinto feiral para a presentación dos participantes e as medicións dos cabalos tanto de galope como de andadura. De 14 a 16 horas será o xantar e ás 20 horas terá lugar a entrega de premios e procederase a sortear un xato.
A XII edición do festival infantil da Asociación Cultural Saiñas celebrarase o sábado 9 de abril ás 18:00 no salón de actos do Centro Cívico de Xove. Con entrada libre ata completar aforo.
Ademais do grupo do colectivo anfitrión actuarán os da A. C. Arume, de Caión (A Laracha) e da A. F. O Arco da Vella, de San Miguel de Reinante (Barreiros).
Prestoxove organiza a XXXI edición do Curso de Música Semana Santa que se celebrará os días 9, 10, 11, 12 e 13 de abril, patrocinado polo Concello de Xove.
Baixo a dirección de Xan Carballal, este curso dará comezo o 9 de abril con clases de cordas e vento polas mañás e durante as tardes o grupo infantil e cámara. As xornadas desenvolveranse de 10:30 a 20:00 horas e as clases serán impartidas por Nazaret Canosa, Nara Carballal, Saúe Canosa e Benjamín Iglesias.
O martes 12 ás 18:00 horas celebrarase un concerto de cámara e o mércores 13 tamén ás 18:00 horas, haberá un concerto de clausura. Ambos terán lugar no salón de actos do Centro Cívico de Xove.
Hoxe presentouse esta importante cita deportiva que este ano acada a súa terceira edición. Nesta presentación contouse, ademáis dos organizadores, cos alumnos e profesores do CEIP Pedro Caselles, os cales se desprazaron ata Vilachá, na Parroquia de Portocelo, e despois, todos xuntos fixeron unha camiñata ata o Faro de Roncadoiro. Nesta presentación, os nenos participantes mostraron, en solidaridade co pobo de Ucraína, unha gran pancarta cun “NON Á GUERRA”.
A organización desta edición corre a cargo da ACD Xove e co patrocinio do Concello de Xove, hoxe representado pola concelleira Dolores Meitín, e da Secretaría Xeral para o Deporte / Fundación Deporte Galego, e a colaboración de RoqSport, Asociación Komando Xoviético e comerciantes de Xove.
XOVE COSTA TRAIL, que se vai celebrar o sábado 19 e o domingo 20 de marzo...
leer más
O Concello de Xove confirma que, este ano, haberá desfile de Entroido que se celebrará o sábado 26 de febreiro.
A Concellería de Cultura xa sacou as bases do Gran Desfile que percorrerá as rúas de Xove e no que se entregarán 4.910 euros en premios.
Haberá premios nas categorías de Carrozas, Comparsas e Grupos de dez ou máis persoas, Grupos de Adultos de tres a nove persoas, Parellas de Adultos, Individuais de Adultos (de 14 anos en diante), Grupos Infantís de tres a nove persoas, Parellas Infantís e Individuais Infantís. Tamén haberá premios para o disfrace máis orixinal tanto individual como colectivo, para o conxunto máis numeroso, para o participante máis maior e para o participante máis novo.
O Concello de Xove conta dende hai bastantes anos cunha sala multideportiva, anexa ao ximnasio, na que se realizan ao longo de todo o ano adestramentos dalgúns deportes como fitnes, aerobic, ximnasia de mantemento, karate,... Desde o Concello explican que “debido ao covid, e ao tratarse dunha sala pequena, polo menos se a vemos con respecto ao que pode ser unha pista polideportiva, xurdiunos o problema da climatización e aireación da mesma”.
E engaden: “dende marzo de 2020, debido ao covid, a sala estivo practicamente sen utilizarse. Para solucionar este problema, dende o Concello pensouse que o mellor era climatizala e potenciar a súa aireación. Pois ben, o proceso de climatización e aireación está rematado, cunha dobre instalación de aire, climatizado por un lado e filtrado por outro. A instalación realizada ten unha capacidade de aportación de...
A Xove Costa Trail celebrarase os días 19 e 20 de marzo con cambios respecto ás edicións anteriores.
A Xove Costa Trail celebrarase os días 19 e 20 de marzo de 2022 con cambios respecto ás edicións anteriores nas distancias e percorridos das carreiras.
Os organizadores explican que “a longa pasa a ser XCT35K, aumentando o seu recorrido 10 quilómetros e sendo circular, con saída e chegada en Xove. A curta para a ser a XCT18K, aumentando 3 quilómetros o seu recorrido e seguirá sendo lineal, con chegada en Xove. A andaina será de 12 quilómetros, sendo circular en sentido contrario ás carreiras. As dos nenos serán un Circuíto Trail no entorno de Roncadoiro”.
As carreiras XCT35K, XCT18K e a andaina celebraranse o domingo pola mañá e as carreiras dos nenos o sábado pola mañá.
Debido a razóns sanitarias cos contaxios por Covid-19 aumentando en forma exponencial, dende o Concello de Xove “considérase que o mellor, e para protexer a saúde de todos nós, é suspender as actividades do Programa de Nadal previstas para os próximos días”.
Debido a isto:
-Suspéndese o Día dos Nenos, que estaba previsto para mañá martes, 4 de xaneiro, con inchables na Piscina e no Pavillón.
-E suspéndense tamén a Cabalgata de Reis e todas as demais actividades previstas para o mércores, 5 de xaneiro.
Dende o Concello “agradecemos a comprensión dos nosos veciños e veciñas, desexándolles que poidan disfrutar igualmente dos Reis Magos, doutro xeito distinto, pero máis seguro”.