Ribadeo
O Concello de Ribadeo segue apostando polo benestar e a saúde das persoas maiores, e este mes de maio preséntase co tema O coidado da pel: o manexo e a prevención das úlceras por presión. As datas e os lugares de celebración serán os días 14 de maio ás 18:00 en Ribadeo, o 15 ás 16:00 en Cedofeita, o 26 de maio ás 16:00 en Cinxe e o 27 de maio ás 18:00 en Vilaselán.
A concellería de Benestar Social, Saúde e Familia, anuncia a realización dunha serie de charlas informativas durante o mes de maio en diferentes parroquias do municipio. Esta iniciativa enmárcase dentro do programa Preto de Ti, “que ten como obxectivo achegar recursos de saúde, autocoidado e prevención á veciñanza, especialmente á poboación maior e aos seus coidadores”, lembra Elena Sierra.
A edil ribadense explica que “as charlas serán...
leer más
Do 7 ao 14 de maio está aberto o prazo de inscrición nas actividades de verán organizadas pola Concellería de Deportes e Mocidade. Será na Casa da Xuventude en horario de 9 a 14 horas e de 16 a 18 horas (martes e xoves) ou a través da sede electrónica do Concello.
O concelleiro de Deportes e Mocidade, Francisco José Silvent, explica que “as actividades que ofertamos son un campamento dixital gratuíto coa Fundación Cibervoluntarios, que se desenvolverá do 23 ao 27 de xuño para nenas e nenos de 9 a 13 anos; teremos tamén colonias urbanas do 30 de xuño ao 1 de agosto para nenas e nenos de 4 a 12 anos. Serán 100 prazas por semana e o importe semanal ascenderá a 40 euros. Esta actividade pretende facilitar a conciliación familiar e laboral durante o verán, de aí que contará cun horario especial de oito da mañá a tres da tarde”.
... leer más
A Banda Municipal de Música de Ribadeo estreará catro obras no concerto das Letras Galegas que ofrecerá no auditorio Hernán Naval o día 16 de maio, venres, ás 20:30 horas.
O director da Banda ribadense, David Ballester Martínez, anuncia que “xusto un mes despois do concerto de Semana Santa a Banda Municipal de Música de Ribadeo vai ofrecer no auditorio Hernán Naval unha actuación para conmemorar o Día das Letras Galegas, as nosas letras. Nós obviamente non podemos narrar letras, pero si as letras musicais e o programa constará dunha parte de música galega ou de composición galega e outra con pezas que non teñen moito que ver coas Letras Galegas. Unha das obras que se interpretará vai ter narración, por parte dunha compoñente da Banda. E hai que salientar que catro das pezas que imos tocar estarán por primeira vez encima dos atrís da Banda...
leer más
Vitaldent e Acisa Ribadeo acaban de firmar un novo convenio de colaboración que ofrece condicións vantaxosas aos socios e socias do colectivo empresarial así como aos empregados e familiares para o coidado da súa saúde bucodental.
Segundo indica o xerente de Acisa Ribadeo, Jesús Pérez, “vimos de renovar o convenio de colaboración coa empresa asociada Vitaldent (Rexistro sanitario C-27-001013), que ofrece aos asociados e asociadas do noso colectivo empresarial condicións vantaxosas para o coidado da saúde bucodental. O novo convenio, vixente ata o 31 de decembro de 2025, ofrece unha primeira consulta gratuíta, incluída ortopantomografía de diagnóstico a todas as persoas pertencentes o colectivo empresarial e aos seus familiares directos, un desconto dun 15% en todos os tratamentos de implantoloxía e ortodoncia realizados nesta clínica, así...
leer más
O meteorólogo televisivo Martín Barreiro presentará o seu libro titulado El extraordinario Planeta A. ¡Nos importa el cambio climático na Biblioteca Pública Municipal El Viejo Pancho, de Ribadeo. O acto terá lugar este xoves, día 8 de maio, ás 17:30 horas.
O Concello de Ribadeo anuncia que “o meteorólogo e experto en comunicación sobre cambio climático Martín Barreiro presentará o seu libro El extraordinario Planeta A. ¡Nos importa el cambio climático! na Biblioteca Pública Municipal El Viejo Pancho de Ribadeo. O libro, orientado ao público infantil, ofrécenos información rigorosa acompañada dunhas ilustracións moi coidadas sobre os problemas que ocasiona o cambio climático no noso medio”.
A concelleira de Cultura, Begoña Sanjurjo, anima a nenos e adultos a asistir á presentación, xa que “é unha...
leer más
A concelleira de Promoción Económica, Marta Saiz, dixo que “este sábado arrinca unha das citas máis agardadas da primavera no noso concello, o Ribadeo de Tapeo. Por diante teremos dez días para saborear todas as propostas doces e salgadas que poderemos atopar nos 21 establecementos participantes”.
A edil ribadense subliñou que “as tapas, que terán un prezo de 3 euros, serviranse durante un período de 4 horas ao día, que pode ser a mediodía, pola tarde ou unha combinación de ambas posibilidades, dando así a opción a todos os establecementos de hostalería e restauración a poder participar independentemente das súas condicións e posibilidades. Un xurado profesional elixirá as catro tapas gañadoras e haberá, como ven sendo habitual, a tapa do público, que será a máis votada pola clientela dos locais participantes no XVIII Ribadeo de Tapeo...
leer más
O Círculo Habanero da Devesa, que está nesta parroquia ribadense, acollerá unhas xornadas de escritura creativa os venres 9, 16 e 23 de maio de 18:00 a 19:30 horas.
Están organizadas pola Asociación Cultural A Tribo da Travesía e serán impartidas por Pilar Otero, que é profesora de Lingua e Literatura castelá, licenciada con grao en Filoloxía.
O grupo de participantes é limitado a un máximo de 15 persoas e o prezo é de 30 euros polas tres sesións. Para participar hai que facer a preinscrición a través do teléfono 617.71.61.29.
A Biblioteca Municipal El Viejo Pancho, de Ribadeo, acollerá este xoves, día 8 de maio, ás 20:30 horas a presentación do libro de relatos A voz do mosquito, escrito por Francisco García Novio.
O acto está organizado pola Agrupación Cultural Francisco Lanza e o presidente deste colectivo ribadense, Farruco Graña, intervirá na presentación xunto ao autor da publicación.
Acisa patrocina a I Andaina Ribadeo en Marcha contra o Cancro, que terá lugar o vindeiro 17 de maio. Esta actividade lúdico deportiva, que está organizada pola AECC, foi presentada hoxe na Sala de Exposicións do Parque de San Francisco.
No acto interviñeron o presidente da asociación provincial, José Manuel Rozas, o alcalde de Ribadeo, Dani Vega, e a presidenta de Acisa, Carmen Cruzado.
Cruzado Iglesias agradeceu “á AECC de Ribadeo e de Lugo a posibilidade de poder colaborar con esta causa, estamos moi contentos de poder facelo, xa que esta actividade axústase aos fins sociais da nosa asociación”. E animou ás veciñas e aos veciños de Ribadeo “a facer un oco nas súas axendas o vindeiro 17 de maio para participar nesta andaina, que partirá do Parque de San Francisco ás 11:00 da mañá”. A presidenta de Acisa fixo unha...
leer más