Música
Segmento Cantábrico así se titula o primeiro disco en solitario de Ugía Pedreira, que arrincará xira este sábado, 12 de marzo, en Ribadeo no auditorio municipal Hernán Naval. O evento foi presentado este mediodía no miradoiro da área recreativa da Illa Pancha por Ugía Pedreira e pola concelleira de Cultura, Pilar Otero.
A edil declarou que “imos ter a sorte de contar con Ugía Pedreira, este sábado, en Ribadeo. Convido a todo o mundo a que veña a escoitar esta marabillosa voz, como a chamou o meu ex compañeiro Farruco Graña, a serea do Cantábrico. Eu creo que vai ser unha marabilla. Temos a sorte de que estea por aquí e de que nos poida deleitar”.
Pilar Otero dixo que “este concerto coa nova proposta (logo de 12 discos gravados e despois de ser voz de Marful, Nordestin@s, Acróbata ou Ecléctica Ensemble) xa vén...
leer más
O Concello de Barreiros dará continuidade á programación de Entroido con diversos actos que se encadran dentro do slogan “con M de Mulleres” e que se desenvolverán ao longo do mes de marzo. Con esta programación quérese dedicar este mes de marzo ás mulleres mariñás, que serán as protagonistas da meirande parte dos actos.
O programa comeza coa actuación musical do grupo “Habelas Hainas”. Grupo feminino formado en 2010 e que toma como punto de partida a música de raíz. Combinan, de xeito brillante, un son enérxico, fresco e orixinal, sempre desde unha perspectiva de xénero. Esta actuación está financiado pola Área de Igualdade da Deputación de Lugo e terá lugar este domingo, 6 de marzo, no centro sociocultural de San Cosme ás 19 horas.
Para o domingo 13 de marzo ás 18 horas, tamén no centro sociocultural de San...
leer más
O vindeiro martes, 22 de febreiro, ás oito da tarde terá lugar unha audición de frauta na Escola Municipal de Música de Burela. Será na Aula de Orquestra.
O director do centro, Xan Carballal, comenta que “a actividade enmárcase dentro da programación deseñada para o presente curso académico 2021-2022”.
E o mércores, día 23, haberá unha audición de vento metal ás 19:30 horas.
A Concellaría de Cultura de Ribadeo anuncia que xa están á venda as entradas para o concerto que Ugia Pedreira ofrecerá o día 12 de marzo ás 20:00 horas, no Auditorio Municipal Hernán Naval. O prezo da entrada é de 10 euros e pódese reservar en enterticket.es.
Ademais, este sábado, 5 de febreiro, celebrarase o obradoiro do programa Apego Os Minimundos dirixido a crianzas de 3 a 6 anos. Terá lugar no espazo Apego, na rúa Viejo Pancho, en horario de 12:00 a 13:30 horas. Trátase dunha proposta de xogo baseado na recreación de escenarios da vida cotiá ou hábitats reais ou imaxinarios a pequena escala. As prazas son limitadas e é necesario inscribirse en cultura@ribadeo.org.
Este domingo, 6 de febreiro, ás 20:00 horas, no Auditorio Municipal Hernán Naval, Sarabela Teatro porá...
leer más
A Casa da Cultura de Burela acollerá un concerto de Xabier Díaz & Adufeiras de Salitre o 19 de marzo ás 20:00 horas.
Nesta actuación presentarase o terceiro álbum do grupo, titulado As catedrais silenciadas, que é quizais a obra que mellor reflicte a esencia do encontro de Xabier Díaz coas Adufeiras e probablemente a que explora os límites deste formato con máis profundidade.
As catedrais silenciadas son os vellos soutos milenarios, o idioma, os alalás, os nomes dos cons, as vacas ou as vellas ribeiráns. Un disco que está a cultivar os mellores datos históricos para o proxecto Tres meses consecutivos no Top Ten do World Music Charts Europe e a entrada na sección Top of the World da prestixiosa revista Songlines (númerode agosto-setembro de 2021) na que os editores escollen os dez mellores discos de cada mes...
leer más
A asociación cultural Fanto Fantini anuncia: “pensamos en facer o Osa do Mar 2022 no metaverso e con hologramas para axustar o presuposto pero ao final decidimos intentar facer un festival dos de contacto. E para iso necesitamos da vosa axuda, somos unha entidade sen ánimo de lucro e si queremos facer a oitava edición temos que comezar a buscar financiamento debaixo das pedras. Por iso recorremos a esta campaña de captación de fondos vendendo por adiantado a entrada, camiseta e bolso”. A oitava edición do festival Osa do Mar será os días 2 e 3 de setembro en Burela.
Os organizadores engaden: “somos un festival pequeno, que preparamos desde a Asociación Cultural Fanto Fantini cada ano con moita ilusión. Prometemos traballar nun cartel variado e de calidade como até o de agora. Moi pronto poderemos comezar a confirmar bandas. Intentaremos...
leer más
O grupo de voces Sons de Celeiro actuará este domingo, 2 de xaneiro, ás 17:00 horas no Teatro Pastor Díaz de Viveiro.
A entrada a este concerto é gratuíta, pero a reserva é imprescindible para asignar o número de butaca. Pedirase certificado covid na entrada.
A reserva de entradas pódese facer no teléfono 982 560 162 ou no e-mail rbg.cultura@viveiro.es.
Organiza o Concello de Viveiro.
Debido á evolución da pandemia de Covid a asociación Amadores da Música e a dirección da Banda Municipal de Música de Ribadeo decidiron cancelar o concerto Aquí como en Viena, que estaba programado para mañá, martes, no auditorio Hernán Naval.
O director da Banda ribadense, David Ballester, anunciou: “moi ao noso pesar, a asociación Amadores da Música e a dirección da Banda Municipal de Música de Ribadeo decidimos cancelar o concerto Aquí como en Viena previsto para mañá, debido á situación actual que está atravesando o noso concello. Consideramos que é o máis prudente e o máis lóxico nestes momentos porque o primeiro de todo é a seguridade dos músicos e do público, co cal tomamos esa decisión”.
David Ballester engadiu que “isto non quere dicir que non poidamos celebrar o concerto máis adiante, esperando que esta...
leer más
A organización anuncia o adiamento do concerto de La Porteña Tango.
A actuación ía ter lugar este domingo, 26 de decembro, e adíase por causas alleas ao Concello de Ribadeo. Segundo comunica a organización a cancelación do espectáculo débese a problemas derivados da situación sanitaria da pandemia de Covid e lamenta ter que aprazar o espectáculo.
O concerto de La Porteña Tango queda aprazado ao 2 de abril de 2022 e terá lugar no Auditorio Municipal Hernán Naval ás 20:00 horas.
As persoas que tiveran adquirido entradas para este vindeiro domingo teñen a opción de mantelas para a nova data ou solicitar a devolución do importe das mesmas, para o cal desde a organización se poñerán en contacto con elas.
A música será a protagonista os vindeiros días en Ribadeo.
O primeiro dos concertos terá lugar o 26 de decembro ás 13:00 horas no Cine Teatro, coa actuación de La Habitación de la Música e forma parte dun ciclo coorganizado polo Concello coa asociación cultural Bruar.
Ademais o mércores, 29 de decembro, actuará Two Faces, ás 20:30 horas, no Cine Teatro.
Ambas actuacións contan co patrocinio da Área de Cultura da Deputación de Lugo.
E tamén este domingo ás 20:45 horas na igrexa parroquial celebrarase a XXVI edición do Festival de Panxoliñas coas actuacións do Coro Infantil e Xuvenil Sagrado Corazón de Ribadeo, o Conxunto Vocal Lugh de Lugo, o Coro Villa de Boal de Asturias e a Coral Polifónica de Ribadeo, que é a anfitrioa do evento.