Cocido
A Asociación de Veciños San Pedro da Ribeira, de Saldoira (A Pontenova), organiza unha comida veciñal de cocido para o día 7 de marzo, sábado, ás 14:00 horas.
Os prezos son de 25 euros para as persoas asociadas ao colectivo organizador, 30 euros para as que non pertencen á asociación e 12 euros para os nenos e nenas de 3 a 9 anos de idade.
Para participar neste evento hai que anotarse previamente e o prazo está aberto ata o mércores 4 de marzo.
A asociación veciñal A Magdalena, da parroquia de Xudán (A Pontenova), organiza unha comida de cocido paro día 7 de marzo, sábado, ás 15:00 horas. Haberá música a cargo de DJ Bombardero.
Para participar neste evento hai que anotarse previamente e prazo está aberto ata o martes 3 de marzo.
O Club Deportivo Alfoz organiza un xantar popular de cocido para o sábado 7 de marzo. Será no pavillón municipal de Alfoz, a comida comezarán ás 15:00 horas, pero xa haberá sesión vermú desde as 13:30 horas.
As actuacións musicais correrán a cargo de Breobeats e do dúo Principal. Ademais haberá sorteos de produtos de colaboradores e de merchandising do club.
Para participar neste evento hai que inscribirse previamente e o prazo remata o luns 2 de marzo.
El restaurante Marinero, de Ribadeo, organiza un cocido de carnaval el próximo 14 de febrero.
El menú estará compuesto de sopa, cocido gallego y postres de carnaval. Esta cita, que coincide con la celebración del día de los enamorados, contará con sobremesa musical amenizada por No Limit y habrá un premio de 100 euros para el mejor disfraz o grupo.
Las plazas son limitadas. El teléfono para reservas es el 982 128 504. Desde el restaurante Marinero señalan que “ya quedan pocas plazas”. Y añaden: “esta propuesta será una forma original de celebrar el día de San Valentín y el carnaval, ya que este año ambas fechas van de la mano”.
Vilela, no municipio de Ribadeo, celebrará o sábado 7 de febreiro a cuarta edición das Xornadas Gastronómicas do Cocido Galego.
As actividades comezarán ás 13:00 horas cunha sesión vermú amenizada polo dúo Puma. A continuación terá lugar a comida do cocido e despois actuarán os dúos De Festa e Puma.
A venda de entradas para participar está aberta ata o 30 de xaneiro. As prazas son limitadas e haberá carpa climatizada.
A Comisión de Festas de Ribadeo organiza un cocido de Carnaval para o día 16 de febreiro, luns, ás 22:30 horas nunha carpa que se instalará no arque de San Francisco.
“O luns 16 de febreiro celebramos unha das noites máis esperadas do Carnaval ribadense. Entradas á venda en: Galipizza, Restaurante Marinero, Bar Nevada, Xardín e Viriato’s. Indicar número de persoas para a reserva de mesas a través das nosas redes sociais ou mediante o whatsapp da Comisión”, anuncian os organizadores.
A música correrá a cargo de Grupo D´Cano e The Sound Project.
A comisión de festas de Trabada organiza un cocido no pavillón municipal o día 31 de xaneiro, sábado.
As actividades do evento comezarán ás 13:00 horas con sesión vermú amenizada por Puma Dúo e a continuación servirase a comida, que incluirá sopa de cocido, morro, orella, lacón, costela, botelo, chourizo, verdura, garavanzos e cachelos, ademais de postre, viño, auga, refrescos, café e chupito. Despois haberá festa con Puma Duo e o sorteo dunha cesta de Entroido. A venta de entradas para participar estará aberta ata o 26 de xaneiro.
A Comunidade de Montes de Cangas de Foz organiza unha comida de cocido galego para o día 22 de febreiro, sábado.
As actividades comezarán ás 12:30 horas, con misa na igrexa parroquial. A comida será no Centro Social desde as 14:00 horas e o evento estará amenizado coa música do dúo Principal.
A Xunta colabora coa terceira Festa do Cocido de Porco Celta que se celebrará en Carbarcos, no concello de Barreiros, o próximo sábado, 15 de febreiro. O delegado territorial, Javier Arias, participou hoxe na presentación da cita, organizada pola comisión de festas deste núcleo.
A comida servirase baixo unha carpa no campo da festa. O cocido preparado coa carne de Porco Celta estará acompañado de verduras de produtores locais. Tamén haberá postos de venda ao público nos que se ofrecerán alimentos con certificados de calidade presentes na elaboración do menú, como o selo 100% Raza Autóctona Porco Celta; as Indicacións Xeográficas Protexidas (IXP) Grelos de Galicia e Mel de Galicia; as Denominacións de Orixe Protexidas (DOP) de queixos do Cebreiro e Arzúa-Ulloa; así como os viños da DOP Ribeira Sacra.
Arias...
leer más
A Asociación de Veciños San Pedro da Ribeira, de Saldoira (A Pontenova) organiza un cocido de Entroido para o día 15 de febreiro, sábado, ás 14:00 horas.
O prezo para as persoas asociadas o colectivo veciñal é de 25 euros e as que non o son terán que pagar 30 euros. O prazo para anotarse está aberto ata o 10 de febreiro.