Burela
16/04/2015
O espectáculo Os tres porquiños de Educa Teatro chega este sábado, 18 de abril, á Casa da Cultura de Burela. O acto, que se enmarca dentro da Programación Cultural de Primavera do Concello, foi presentado esta mañá polo alcalde, José Mª González Barcia, a concelleira de Cultura, Mónica Pedre, e actores da compañía.
Esta obra musical con bonecos a tamaño real dará comezo ás 17:30 horas.
Desde Educa Teatro preguntan “como serían os tres porquiños e o lobo feroz hoxe en día? Onde poderían atopar un lugar seguro e limpo, lonxe das grandes fábricas, no que poder construír as súas casiñas? Que ritmos musicais empregarían para se presentar?”. E engaden “a resposta a todos estes interrogantes, coma todo, está nos libros, e tamén na moderna...
leer más 15/04/2015
Academia A Mariña, centro acreditado no Rexistro de Centros e Entidades de Formación para o Emprego da Consellería de Traballo e Benestar, recibiu con data de 8 de abril deste ano a resolución de autorización para a impartición de accións formativas non financiadas por fondos públicos, conducentes a obtención de certificados de profesionalidade.
Segundo explica o director do centro, Ramón Hermida, “coa mirada posta no mercado laboral e valorando que, a partir do día 31 de decembro de 2015, será obrigatorio estar acreditado na cualificación profesional de “Atención Sociosanitaria a persoas dependentes en institucións sociais”, para poder traballar nestes organismos, Academia A Mariña oferta 3 certificados baixo a denominación referenciada, para ser impartidos en meses...
leer más 13/04/2015
El IV Torneo Imdecum de Fútbol Sala Base 2015 ‘Memorial Rodrigo Maseda Lozano’ (3, 4 y 5 de julio) abre el plazo de inscripción para volver a la palestra deportiva del verano y reunir el mejor fútbol sala de base en A Mariña, en memoria del policía natural de Burela fallecido en 2012 en la playa coruñesa de O Orzán durante un rescate.
A lo largo de tres intensísimas jornadas como en ediciones anteriores, la comarca acogerá la ilusión futbolística de las categorías benjamín, alevín, infantil, cadete y juvenil, a las que se suman este año como novedad los más pequeños, los prebenjamines. El pabellón municipal de Xove, A Veiga (San Cibrao), Marzán (Foz) y Monte Castelo y Vista Alegre (Burela) serán testigos de la emocionante competición, con la incorporación en 2015 del...
leer más 12/04/2015
O xogo xigante de Sogama Un partido polo planeta será coordinado polas monitoras do Centro de Educación Medioambiental Gaia ao longo de toda a vindeira semana.
Nesta actividade participará alumnado de 1º e 2º de educación primaria dos dous Ceips, e varias Asociacións (Fundación Eu Son, Asociación A Mariña e Asociación Camiña).
O luns día 13 o xogo estará no Ceip Virxe do Carme; o martes 14 de abril estará na aula que as monitoras do Centro Gaia teñen no Ceip Vista Alegre; o xoves día 16 estará na Asociación A Mariña en horario de 11:30 a 12:30 horas e ese mesmo día pola tarde na Fundación Eu Son en horario de 15:00 a 17:30 horas e xa de 18:15 a 19:15 horas estará na Asociación Camiña.
“A...
leer más 10/04/2015
O 30 de maio terá lugar en Burela, na nave de redes, o IX Encontro de Palilleiras que organizan a Fundación Expomar e a asociación cultural e artesanal de mulleres palilleiras As Encaixeiras. Colaboran: o Concello, Absa, Deputación de Lugo e Confraría de Pescadores de Burela. O evento presentouse esta mañá no salón de plenos do Concello.
O alcalde, José Mª González Barcia, dixo que “desde o Concello e desde a Fundación Expomar queremos axudarlle a esta asociación que continúen a desenvolver esta actividade. O Concello faino a través da subvención anual que lles concedemos e poñendo á súa disposición os recursos materiais e humanos que precisan para este evento e desde a Fundación Expomar tramítanse os permisos para que o encontro se poida celebrar na nave de redes”....
leer más 10/04/2015
O Torneo de Ximnasia Rítmica de Conxuntos Concello de Burela volve a Vista Alegre este domingo, 12 de abril, coa sexta edición, baixo a organización da escola mariñá Porta Norte e coa colaboración da Fundación Imdecum e do Concello burelao.
Un total de 300 ximnastas procedentes de clubs de toda Galicia amosarán as súas destrezas sobre o tapiz. A xornada dividirase entre a exhibición dos conxuntos de Promoción pola mañá, dende as 11.30 horas, e do nivel Escolar pola tarde, dende as 16.00 horas.
A cita tamén contará coa presenza das 6 ximnastas de Porta Norte que representarán a provincia de Lugo no Campionato de España de Base, que se celebrará en Guadalajara entre o 24 e o 26 de abril.
09/04/2015
O Burela FS Pescados Rubén gozará da última festa galega do fútbol sala 2014-15 para os laranxas. A antepenúltima xornada de Primeira División LNFS enfrontará mañá, ás 21.00 horas, en Vista Alegre a escuadra mariñá co Santiago Futsal.
Dende a novena praza (33 puntos), os pupilos de Juanlu buscarán recuperar o camiño triunfal tras o tropezo na pista do campión da Copa de España, Jaén Paraíso Interior. A emoción asegurada con aliciente de derbi incrementarase tamén da parte dos santiagueses que chegan á bomboneira, na décimo terceira posición empatados a 28 puntos con Marfil e Montesinos por diante e despois de sucumbir ante os dominadores da liga, Inter e Barcelona.
...
leer más 09/04/2015
A Concellería de Cultura de Burela, a través da Biblioteca Pública Municipal e dentro do programa Ler conta moito, presenta o vindeiro sábado, 11 de abril, á Compañía Elefante Elegante co espectáculo Lobo Bobo, destinado ao público infantil de 3 a 10 anos.
Segundo informan desde a Concellería de Cultura “Gonçalo Guerreiro mestura os contos de sempre para crear unha nova historia na que conviven o cómico e o poético co teatro xestual e a música.Un espectáculo interactivo, onde as marionetas cobran vida nas casas que se irán construíndo diante dos ollos dos espectadores á medida que se narran as novas aventuras dos personaxes dos clásicos infantís. ¿Que pasaría se o lobo de Carrapuchiña se fixese vexetariano? ¿Que acontecería se a madastra de Branca Neve se convertese nun...
leer más 07/04/2015
Ata finais de mes pódese visitar na Biblioteca Pública de Burela unha pequena mostra bibliográfica “para promocionar os libros infantís e xuvenís e a lectura entre os máis novos. Na mesma poderán disfrutar dos títulos máis representativos do ano 2014, para nen@s e rapaces”, segundo explica a concelleira de Educación, Mónica Pedre.
A edil popular manifestou que “o pasado 2 de abril conmemorouse, tal e como se fai desde o ano 1967, o nacemento de Hans Chistian Andersen. A IBBY declarou esa data coma o Día Internacional do Libro Infantil, co fin de lembrar a importancia de ofrecer bos libros a todas as nenas e nenos, libros de calidade que esperten a súa imaxinación e os axuden a medrar como lectores e como persoas. E deste Burela queremos...
leer más 06/04/2015
A asociación Pasada das Cabras de Burela ten previsto para o sábado día 11 de Abril facer a Ruta do Monte do Facho en Cangas do Morrazo de 13,5 quilómetros e dificultade media/baixa.
A saída será ás 7,30 da mañá da Estación de Autobuses de Burela e o prezo será de 25 € para os socios e de 30 € para os que non o son e inclúe autobús, comida e mais seguro. Para participar nesta ruta é imprescindible anotarse en Gráficas Arfe ou ben no teléfono: 982 580 504 antes do xoves día 9 de Abril.