Eventos
O dia 21 de marzo ás 12 da mañá terá lugar o acto de presentación da 7ª Edición da Semana das Artes. Será na Sala de exposicións do Complexo de Sargadelos en Cervo. Están invitadas a compartir dito acto, tódalas entidades colaboradoras : Xunta de Galicia (Cultura e Política Lingüística), Área de Cultura da Deputación de Lugo, Mancomunidade da Mariña e os Concellos de Cervo e Foz.
Ao acto asistirá a familia de Quique Guerra, artista veciño de Cervo a quen se lle rende a homenaxe desta 7ª edición. Farase a presentación do cartel e os pormenores do desenvolvemento das actividades iniciadas no mes de xaneiro e que abarcarán ata o 17 de xuño inclusive.
O Concello de Trabada organiza unha excursión ao complexo histórico e recreativo das Minas Consuelo e Boulloso de Pontenova, dirixida a xóvenes empadroados/as no municipio e con idades comprendidas entre 16 e 29 anos.
A excursión será o domingo 27 de marzo e o custo da mesma 15 euros por persoa para a comida, xa que o Concello de Trabada asume os gastos de transporte e de realización das actividades.
A visita inclúe a realización da ruta dos Fornos, un percorrido de sendeirismo guiado con entrada ao nivel cero da mina Consuelo, rematando co descenso en tirolina.
Aqueles xóvenes que desexen asistir deberán reservar praza chamando ao Concello de Trabada (982 13 50 11), sendo a data límite para a reserva da mesma o día 21 de marzo ás 14:00 horas.
A terceira edición da Xuntanza de Coches Clásicos de Ourol e primeiro Rally do Concello de Ourol celebrarase o 2 de abril, sábado. Están organizados polo Club Clásicos Viveiro, que explica que “ambos eventos teñen as prazas limitadas. E podedes ir aos dous xa que non se solapan”.
Entre as actividades programadas hai un paseo turístico a partir das 11:00 horas, despois sesión vermú a cargo de Verónica Cambón e ás 14:00 horas terá lugar a comida, para as prazas son limitadas e o prazo de inscrición remata o 27 de marzo. Desde as 17:00 horas haberá xogos e competicións e rematarán as actividades cunha pancetada a partir das 20:00 horas.
A Deputación de Lugo lanza unha nova vía para a promoción dos recursos turísticos da provincia coa edición de tres documentais temáticos, centrados no turismo científico, na gastronomía e no Camiño de Santiago.
A Deputada de Réxime Interior, Promoción do Territorio e Turismo, Pilar García Porto, explicou que a institución decidiu impulsar a producións destes traballos audiovisuais, cunha duración aproximada de 50 minutos cada un, para seguir “contribuíndo a potenciar o sector turístico na provincia e a dinamizar a súa actividade a través do modelo polo que apostamos dende a Deputación, un turismo sostible, de calidade, que pon en valor o noso patrimonio, tanto natural, como cultural ou gastronómico, e que crea emprego, sobre todo no rural”.
Para arrancar a súa difusión, García Porto avanzou que os novos...
leer más
A Xunta de Cofradías da Semana Santa de Viveiro continuará co seu programa cultural Adral, o vindeiro domingo, 13 de marzo, coa presentación en Sevilla da Semana Santa viveirense. No acto, que terá lugar ás 11:00 horas na igrexa de San Ignacio de Loyola, intervirán o presidente da Xunta de Cofradías, José Veiga, e a alcaldesa de Viveiro, María Loureiro. Despois ofrecerá un concerto a banda Nuestra Sra. De la Misericordia de Viveiro.
O venres, 18 de marzo, ás 20:30 horas na igrexa do Convento da Concepción, actuará o Grupo de Gaitas do Conservatorio de Música de Viveiro. O xoves, 24 de marzo, ás 20:30 horas na igrexa de Santa María, ofrecerán un concerto os Alumnos de Vento do Conservatorio de Música de Viveiro. O sábado, 26 de marzo, celebrarase o X Certame de Bandas Cidade de Viveiro e ás 19:30 horas haberá pasarrúas polo casco vello de...
leer más
A parroquia de Rúa celebrará, de novo, a súa tradicional Festa da Candelaria o venres 11, o sábado 12 e o domingo 13 de marzo. Son as primeiras festas patronais con verbena que se celebran no municipio desde o ano 2020.
A cita foi presentada polo alcalde, Alfonso Villares, a edil de Cultura, Dolores García Caramés, e polos membros da comisión de festas, Alexis, Miriam e Antonio Villarquide.
A cita celébrase esta fin de semana despois de ser aprazada no mes de febreiro pola situación derivada da sexta vaga da pandemia.
Deste xeito, dende o Concello convidan a todo o mundo a asistir a esta festa na honra á Virxe da Candelaria cun programa repleto de actos que debullamos a continuación:
O venres, 11 de marzo, haberá verbena coas orquestras Fania Blanco Show e Los Satélites.
A quinta edición dos Cantos de Taberna, que organiza o Concello de Ribadeo, terá lugar o vindeiro 2 de abril. O evento foi presentado polos concelleiros de Turismo e Cultura, Pablo Vizoso e Pilar Otero.
O edil ribadense dixo que “Ribadeo recupera os seus eventos máis destacados. E os Cantos de Taberna convértense no pistoletazo de saída dunha programación de actividades que busca situarnos de novo na ansiada normalidade e que paso a paso parece que imos acadando”.
Vizoso Galdo explicou que “desde as Área de Turismo, Cultura e Educación do Concello de Ribadeo presentamos a V Edición de Cantos de Taberna que se desenvolverá o 2 de abril a partir das oito da tarde. Os Cantos de Taberna en Ribadeo nunca desapareceron e a mellor forma de gozar deles é a través desta nova edición que organiza o Concello. Animamos a...
leer más
Catorce escolas de hostalería de Galicia, Asturias, País Vasco e Castela e León participarán no XIV campionato de baristas organizado polo IES de Foz, que se celebra este xoves e venres. Foi presentado hoxe, luns, no salón de actos do centro polo delegado territorial da Xunta de Galicia en Lugo, Javier Arias; a xefa territorial da Consellería de Educación, Mariña Gueimunde; o alcalde de Foz, Fran Cajoto; e o director do IES focense, Nicolás Asensio. No acto participou tamén o director do CIFP Porta da Auga, de Ribadeo, Isidro Berdeal, xa que se aproveitou a presentación para inaugurar a food truck do IES de Foz, vehículo que foi acondicionado coa colaboración do centro de formación profesional ribadense.
O delegado da Xunta destacou que “es una muestra del gran trabajo que se hace a través de los centros, por parte de los profesores y de...
leer más
O próximo martes, 8 de marzo, o Concello de Trabada organiza o Encontro “En feminino”, unha charla-coloquio de mulleres.
Desde o Concello explican que “contaremos coa participación de Verónica Ramallal Trevín, fundadora de Pekecha e referente feminino na comarca da Mariña. Unha muller única, fiel á súa esencia e cunha personalidade arrolladora que foi capaz de facer realidade o seu soño. Formadora en programas de emprendemento, marca persoal, experta en comunicación audiovisual, compartirá con nós como foi a súa traxectoria como muller emprendedora, como tantas de vós”.
E engaden: “é polo que queremos que nos acompañedes neste día para compartir vivencias e poñer de manifesto a importancia das mulleres no rural e do seu traballo, non sempre recoñecido. Ao finalizar compartiremos un xantar no O Batuxo Mesón, para o...
leer más
O Concello de Viveiro acolleu o acto de presentación do cartel da Semana Santa 2022, unha homenaxe á Irmandade do Prendemento polo 75 aniversario da súa fundación.
“Supoño que todos estamos dacordo en que a Semana Santa de Viveiro será este ano realmente emotiva e especial, despois da dura pandemia de coronavirus que nos tocou vivir”, afirmou a alcaldesa, María Loureiro.
A programación da Semana Santa incluirá todas as procesións e actos habituais, esperando que poida celebrarse con normalidade a respectando por suposto as medidas e recomendacións sanitarias que se atopen en vigor.
“Quero trasladarlles a miña noraboa, e falo en nome do conxunto da corporación, a todos os cofrades da Irmandade do Prendemento por estes primeiros 75 anos de vida, agradecéndolles o seu traballo incansable...
leer más