Eventos
En agosto a Cova do Rei Cintolo tivo máis de 600 visitas. Consciente do interese que esperta este recurso natural e todo canto rodea á espeleoloxía, o goberno municipal de Mondoñedo, agora presidido por Manuel Otero, leva anos traballando para consolidar o municipio como destino turístico vinculado a esta modalidade. Esta mañá, o alcalde e a concelleira de Cultura, Elena Candia, mantiveron unha reunión co presidente da Federación Galega de Espeleoloxía, Francisco Martínez García, coa que o Concello mantén un convenio desde o 2016 polo que esta entidade se encarga das visitas guiadas á cova. No encontro de hoxe abordáronse novas iniciativas, entre as que destacan una nova opción dentro das visitas guiadas á Cova e o proxecto do Espeleoparque da Mariña Lucense que promove a Federación Galega de Espeleoloxía.
Os representantes do Concello...
leer más
A Concellería de Cultura presentou a súa programación para este mes de setembro no que se reanudará a actividade no Auditorio Municipal, a partires do vindeiro día 19. José Díaz subliñou que “se tomarán todas as medidas hixiénicas recomendadas polas autoridades sanitarias en prevención do Covid”.
O programa cultural dará comezo este mércores, 2 de setembro, coa actuación de Circo Chosco, que foi aprazada a pasada semana por causas metereolóxicas. O espectáculo, titulado Riscando o ceo terá lugar na Praza do Concello ás 20:30 horas.
O venres 11 haberá outra representación a cargo de Mere Clown con Aparvaolimpiadas. Celebrarase na Praza da Mariña, ás 20:30 horas, e inclúese na programación de Agadic-Rede de Teatros e Auditorios.
O sábado 19 retomarase a actividade no Auditorio Municipal coa...
leer más
Os roteiros de A Mariña en Ruta seguirán nos primeiros días de setembro por Riotorto, Ourol e Viveiro. A iniciativa da Mancomunidade conta coa colaboración da Axencia de Turismo de Galicia e da Deputación de Lugo.
A axente de Desenvolvemento Turístico da Mancomunidade, Tania Hermida, amósase satisfeita pola acollida que están a ter as diferentes rutas organizadas a través do xeodestino durante os meses de agosto e setembro: “no caso das próximas que imos ter, xa podemos adiantar que as prazas para o roteiro de Riotorto está completas, para Ourol quédannos 5 prazas libres e para Viveiro hai 9 dispoñibles neste momento. Iso indica que esta iniciativa está a resultar moi interesante para as persoas que nos visitan este verán”.
A primeira das rutas en setembro terá lugar o día 1, o vindeiro martes. Será un paseo...
leer más
O alumnado do obradoiro de emprego Ribadeo alén do Camiño realizará unha campaña de promoción do itinerario xacobeo desde agora e ata o vindeiro 15 de outubro. A devandita campaña inclúe visitas guiadas ao Santuario das Virtudes, á igrexa de San Xoán de Ove e ás capelas de San Roque e da Atalaia. O concelleiro de Economía, Desenvolvemento Local e Turismo e alcalde en funcións, Pablo Vizoso, visitou ás alumnas da especialidade formativa de Promoción Turística Local e Información ao Visitante, que se está a impartir nese obradoiro dual de emprego, promovido polo Concello de Ribadeo.
Vizoso Galdo explicou que “o obradoiro de emprego, que reiniciou as súas actividades o pasado día 1 de xullo despois de estar suspendido dende o 16 de marzo por mor da situación excepcional creada pola evolución da epidemia de COVID-19, ten entre os seus...
leer más
O Concello de Foz programa actividades da iniciativa Cultura na rúa en recordo da Festa Normanda esta fin de semana, sábado e domingo.
O alcalde, Fran Cajoto, explica que “este ano por mor do COVID-19 non se pode celebrar a Festa Normanda, pero temos unha programación cultural en recordo, con sentidiño”.
O sábado Perkusiona ofrecerá un pasarrúas de batukada a partir das 13:00. Á mesma hora na paseo da Rapadoira terá lugar un concerto do grupo Super Glu. Na Praza Conde de Fontao haberá o espectáculo infantil Os Monifates ás 18:00 e ás 20:00 horas e o espectáculo circense de Troula Animación ás 19:00 horas. Ás 21:00 horas haberá de novo pasarrúas de batukada a cargo de Perkusiona. E rematarán as actividades desa xornada cun novo concerto do grupo Super Glu ás 21:30 horas na praza Conde de Fontao.
... leer más
A Concellería de Servizos Sociais continúa coa campaña de concienciación social por mor do Covid-19. Garda os teus contactos foi presentada esta mañá polo equipo de goberno burelés nas escaleiras da Casa do Concello. Haberá sorteos, a través das redes sociais, e premios para os mellores comportamentos.
Carmela López explica que “nesta ocasión, un equipo de veciños e veciñas de Burela entre os que se atopan sanitarios, veterinarios, deportistas, traballadores municipais, psicólogos, influencers locais e membros de Corpos de Seguridade e do equipo de goberno municipal será o encargado de revisar mans limpas, o bo uso da máscara, a distancia de seguridade… e premiar o bo comportamento dos cidadáns en diferentes zonas e espazos da vila”.
A edil burelesa subliña que “ademais, promoveranse encontros telemáticos con...
leer más
A Concellería de Cultura anuncia o aprazamento da actuación de Circo Chosco prevista para mañá, venres, debido ás malas condicións meteorolóxicas.
Circo Chosco presentará o seu espectáculo Riscando o ceo o mércores da vindeira semana, día 2 de setembro. A representación terá lugar na Praza do Concello ás 20:30 horas con entrada de balde.
Riscando o ceo é unha montaxe, dirixida ao público familiar, na que o circo aparece en forma de humor, maxia, risco, malabares e acrobacias, nun ton que reflexiona sobre o esencial das cousas. Inspirada na novela El Principito de Antoine de Saint-Exupéry, é un show de circo moi visual que emociona a todos a través dun clown que nos fai ver as cousas do revés, porque o esencial é invisible aos ollos.
Vilanova de Lourenzá celebrará este domingo, día 30, unhas festas do Conde Santo diferentes debido ao Covid 19. Están organizadas polo Concello e pola Asociación Patrimonio Laurentino, colectivo de nova creación que se vai presentar nesa xornada de actividades.
O concelleiro de Cultura, Manuel Arango, anunciou que “o Conde Santo vaise celebrar este ano dunha maneira diferente debido ao Covid 19. O Concello de Lourenzá en colaboración coa Asociación Patrimonio Laurentino son os encargados de organizar os actos. Este novo colectivo, que ten como obxectivo a recuperación do patrimonio do concello, vaise presentar aos veciños ese día”.
As actividades organizadas polo Concello son un concerto da Banda de Música de Foz programado para as 13:30 horas e unha actuación da charanga BB+ ás 20:00 horas.
... leer más
A Mancomunidade de Concellos da Mariña Lucense estrea nova web turística para a promoción do xeodestino e, ao mesmo tempo, para a divulgación e interpretación de todo o seu patrimonio. O obxectivo pasa por motivar ao turista a explorar e descubrir todas as posibilidades da comarca. Nunha segunda fase, a desenvolver nos próximos meses, incorporarase unha nova funcionalidade, que consistirá nunha ferramenta coa que se creará unha sección de servizos turísticos no xeodestino. Trátase dunha iniciativa que a Mancomunidade leva a cabo coa colaboración da Axencia de Turismo de Galicia.
O presidente da Mancomunidade, Fran Cajoto, asegurou que “seguimos traballando desde a Mancomunidade nun sector estratéxico como é o turismo na nosa comarca. Xa vimos facendo distintas actividades, moi importante foi a campaña de promoción Vuelve a encontrar el...
leer más
O luns, día 24, terá lugar un roteiro pola Fraga da Vilapena, en Trabada, que será guiado por Óscar Chao. Trátase dunha ruta de interpretación dun bosque húmido cantábrico. Será unha iniciación á busca e interpretación de indicios de presenza de fauna silvestre (pegadas, excrementos, depredación, etc). Durante a ruta os asistentes poderán observar a flora atlántica característica dun bosque húmido, así como comprobar a presenza de diferentes especies animais, normalmente esquivas e de hábitos nocturnos, a través de cámaras de foto-trampeo.
Municipio: Trabada.
Data: 24 de agosto do 2020.
Hora de inicio: 10:00 horas.
Duración: 2 horas e media.
Lugar de inicio: Vilapena (Trabada). Coordenadas: 43.408785, -7.219400
Dificultade: Media.
Observacións: A organización recomenda levar auga, crema solar e repelente...