Concertos

Etiquetas:
15/10/2020

A Concellaría de Cultura de Ribadeo organiza Dúas Noites de Jazz, que se celebrarán este venres, 16 de outubro, e este sábado, día 17.

O venres 16 ás 20:00 horas no Teatro actuará Pablo Sanmamed Trío. Este grupo está formado por Pablo Sanmamed ao contrabaixo, Iago Mouriño ao piano e Bruno Couceiro á batería. A formación presentará un repertorio integrado por unha maioría de composicións propias e tamén revisitacións de compositores no que mesturan jazz con outras músicas.

O sábado 17 ás 20:00 horas no Teatro Rafa Fernández presentará A cara bonita da pedra. É un traballo homoxéneo e ambiental no que, a través de pequenas composicións, sons acústicos e eléctricos converxen describindo unha paisaxe sonora que cautiva ao público dende o primeiro minuto. 

 

Etiquetas:
28/07/2020

Mondoñedo organiza o Merlín Fest, unha proposta musical alternativa en pequeno formato con grupos vencellados ao concello.

O festival conta con actuacións musicais simultáneas ao aire libre cada sábado dende as 20:30 ata as 22:30 horas. O vindeiro 1 de agosto a cidade mindoniense acollerá a Flashtop Cabaret na Praza do Concello, e a Charanga Aires do Padornelo, que desfilará polas rúas do casco histórico. Con esta proposta, o concello busca tamén reactivar pouco a pouco a vida nas rúas e na hostalería local. 

O 8 de agosto Briacova actuará na praza da Catedral e o Grupo Xuventude na Fonte Vella.

O 15 de agosto Rafa Fernández ofrecerá un concerto na praza da Catedral. O 22 de agosto o protagonista será Hugo Eiroá, que actuará no cruce das rúas Bispo Sarmiento e Andrés Baamonde. E o 29 de...

leer más
Etiquetas:
18/12/2019

A Escola Municipal de Música O Pallarego, de Mondoñedo, convídaos a celebrar o Nadal con dous concertos. O primeiro deles terá lugar o xoves, 19 de decembro, ás 20:30 horas no auditorio Pascual Veiga. Nel participarán distintas agrupacións da escola coma grupo infantil, o grupo percusión, a orquestra infantil, o grupo de música moderna, un ensemble da banda e rematará o concerto coa intervención do coro Mestre Pacheco, que interpretará una selección coral de West Side Story de Leonard Bernstein. 

PROGRAMA 19 DECEMBRO 
GRUPO INFANTIL 
• Moita festa……………………………………………….C. Núñez 
• Color esperanza ……………………………………...D. Torres 
PERCUSIÓN 
• Adeste Fideles........................................J.F.Wade
 • Dulce Navidad................................................Pop.

• Polly Wolly...

leer más
19/07/2019

Este sábado, 20 de xullo, no bowl municipal do Parque Reina Sofía, en San Ciprián, terá lugar o Furancho Skate

A actividade está organizada polo Club Limosa Surf, coa colaboración do Concello de Cervo, entre outras entidades patrocinadoras.

A actividade, con inscrición de balde, comezará ás 15:00 horas co quecemento dos skaters freeride, ás 17:00 horas iniciaranse as tandas dos skaters; que se prolongarán durante toda a tarde. A entrega de agasallos está prevista para as 22:30 horas, e a continuación haberá concertos na Praza dos Campos.

Teléfono para información e inscrición: 659 92 54 59

 

22/06/2019

"Musiqueando polas parroquias" da Escola Municipal de Música e Danza de Ribadeo chegará a vindeira semana Remourelle, Vilaselán e Rinlo. 

Segundo explica o responsable da EMMeD, Hugo García, “continuando cun dos principais obxectivos do centro, que é ser motor socio-cultural do concello, a escola vén de programar unha primeira quenda de pequenas actuacións polas parroquias do concello, para que as persoas que non residen no casco ribadense e lles poida resultar máis complicado asistir ás actividades que a EMMeD habitualmente programa, as poidan coñecer máis de cerca.

Nelas farase unha mostra do traballo que leva feito unha parte do alumnado do centro ao longo do curso”.

Nesta primeira quenda serán 3 as parroquias que contarán con actuacións da EMMeD:
- Remourelle, luns, 24 de xuño,...

leer más
17/06/2019

O vindeiro mércores, 19 de xuño, a Escola Municipal de Música de Burela celebrará xunto cos colexios de primaria da localidade o Día Mundial da Música. Iniciado en Francia en 1982 como Festival de Música e establecido como celebración europea en 1985 (Ano Europeo da Música), cada solsticio de verán o 21 de xuño a Unión Europea celebra un día dedicado a promover o intercambio cultural entre os pobos.

Segundo o director da Escola Municipal de Música de Burela, Xan Carballal, “o seu obxectivo é promover que se organicen concertos na rúa, independentemente do seu estilo ou orixe, polo que se invita a todo o mundo a colaborar neste evento”. E engade que “aínda que o día oficial estableceuse o 21 de xuño, para non coincidir co remate do curso escolar, os organizadores creron adecuado trasladalo ao 19 para que puideran participar os centros de...

leer más
Etiquetas:
12/06/2019

Este venres, 14 de xuño, darán comezo os Concertos de Primaveira en Foz.

O venres actuará o grupo Desenchufados cun repertorio no que inclúen éxitos de sempre.

O sábado, 22 de xuño, ofrecerá un concerto Kentakis cunha mestura de diferentes estilos musicais.

E o venres, 28 de xuño, pechará este ciclo El Mercado de Rosen nun tributo ao cantante Rosendo. 

A cita está organizada por varios establecementos hostaleiros do porto. 

Etiquetas:
11/06/2019

A ESMU no Cole é unha iniciativa posta en marcha pola Escola de Música Arcadio Mon de Foz na que ofrecerá varios concertos en distintos centros educativos do municipio, dos días 14 ao 19 de xuño.

O venres, día 14, a ESMU actuará no Colexio Nosa Señora do Pilar. O luns 17 estará no CEIP Fondo Nois, e o martes 18 ofrecerá un concerto no CEIP O Cantel.

A ESMU rematará esta serie de actuacións o mércores 19 no CEIP nº1 e no Colexio Martínez Otero.

 

15/05/2019

Burela celebrará o Día das Letras Galegas a vindeira fin de semana con dúas actuacións. O sábado, día 18, a Coral Polifónica de Burela comparitá escenario xunto ás corais de Mera e A Estrada a partir das 20:30 horas na Casa da Cultura. E o domingo 19 estará en Burela Andrea Pousa que ofrecerá un concerto ás 19:30 horas. O concelleiro José Díaz subliñou que é unha das voces que máis está soando en Galicia nestes momentos.

O edil de Cultura anunciou que “imos ter dous eventos musicais en conmemoración dese día importante para a cultura galega. O primeiro vai ser o sábado, 18 de maio, ás oito e media da tarde no auditorio municipal, onde imos ter o concerto das Letras Galegas, como fixemos en anos anteriores, coa Coral Polifónica de Burela máis dúas corais que veñen invitadas que son a Coral Polifónica Estradende, de A Estrada, e a Coral...

leer más
12/12/2018

A asociación Amigos da Troula organiza a segunda edición do festival Callo Fest, que se celebrará o 28 de decembro na Praza dos Campos, de San Ciprián.

No Callo Fest deste ano actuarán: Supernatural, MCkuin –tributo a Queen, The Lazy Bones e Pegas Negras.

Ademais haberá un ensaio das badaladas de fin de ano con Disco Móbil e  ao remate serviranse callos de balde.

Colaboran: Concello de Cervo, Deputación de Lugo, Gadis, Buenavista Hotel Restaurante e 3agermeifter.