Faba
Os días 2, 3, 4, 10, 17 e 24 de outubro poderán coñecerse os principais atractivos do concello de Lourenzá a través da Ruta da Faba. Nas dúas primeiras xornadas serán en horario de tarde e nas catro seguintes desenvolveranse de 10:00 a 18:00 horas.
Esta iniciativa foi presentada hoxe, venres, no Centro de Interpretación da Faba, onde a alcaldesa de Lourenzá, Rocío López, explicou que a Ruta da Faba “é un proxecto que xurdiu no ano 2017 e que está dando os seus froitos porque á xente gústalle moito vir a vivir esa experiencia”. Tamén comentou que este ano “imos ter unha Festa da Faba distinta, marcada por desgraza por todas as circunstancias que nos están afectando polo Covid”.
Ademais a rexedora municipal fixo referencia á vinculación con Lourenzá do presidente da Mancomunidade de Municipios da Mariña, Fran...
leer más
A alcaldesa de Lourenzá, Rocío López, e o concelleiro de Cultura, Manuel Arango, presentaron o cartel anunciador da XXX edición da Festa da Faba, que se celebrará do 1 ao 3 de outubro de 2021.
O cartel é obra de Javier Antonio Marinas Garcia, veciño de Corvera (Asturias) que foi o gañador do concurso convocado polo Concello de Lourenzá para a edición deste ano 2020. Pero debido a que se suspendeu por mor da pandemia do Covid19, o Concello decidiu que este cartel quedase escollido xa para a edición do ano 2021.
Nunha reunión celebrada este pasado xoves, na que participaron a alcaldesa, Rocío López, membros do equipo de goberno e representantes dos fabeiros de Lourenzá, acordouse suspender a XXX Festa da Faba, que se ía celebrar na primeira fin de semana de outubro.
A rexedora municipal laurentina explica que “foi unha decisión moi difícil de tomar porque esta ía ser unha edición especial ao cumprírense os 30 anos da súa celebración, pero vista a evolución da pandemia do Covid-19, os rebrotes que se están a producir e a incerteza do que poda pasar no outono fíxonos tomar esta dolorosa medida, xa que non se podería garantir a seguridade dos numerosos visitantes que acoden a esta importante cita gastronómica”.
Rocío López comentou tamén que “o concurso para escoller o cartel anunciador segue adiante. Falaremos co autor ou...
leer más
Continúan abertos os prazos para participar no concurso para elixir o cartel anunciador da XXX Festa da Faba e no certame Arte con fabas.
O concelleiro de Cultura, Manuel Arango Ron, lembra hoxe, mércores, que “segue aberto o prazo para participar no concurso para elixir o Cartel anunciador da XXX Festa da Faba de Lourenzá. Poden participar todas aquelas persoas maiores de idade que o desexen e o prazo remata o 30 de xuño. O premio que recibirá o cartel gañador será de 350 euros e un trofeo conmemorativo da edición da festa deste ano. As bases aparecen recollidas tanto na páxina web como no facebook do Concello de Lourenzá”.
Arango recorda tamén que “o concurso Arte con fabas, convocado pola ACIAL coa colaboración do Concello tamén está aberto, ata que remate o estado de alarma e se dea a coñecer o prazo para...
leer más
A xunta de goberno do Concello de Lourenzá vén de aprobar as bases do concurso para elixir o cartel anunciador da XXX Festa da Faba, que se celebrará do 2 ao 4 de outubro deste ano.
O concelleiro de Cultura, Manuel Arango Ron, explica que no certame “poderán participar todas aquelas persoas maiores de idade que o desexen, tendo de prazo para presentar as propostas ata o 30 de xuño. O concurso está dotado cun premio de 350 euros e trofeo. As bases da convocatoria están publicadas na web e no facebook do Concello de Lourenzá”.
A Mancomunidade de Concellos da Mariña Lucense organiza o vindeiro martes, 29 de outubro, un Fam-Trip á Ruta da Faba ao que asistirán distintos operadores turísticos da Mariña e do resto de Galicia. O obxectivo desta acción, baixo o convenio asinado coa Axencia de Turismo de Galicia, é impulsar e espallar ao resto do territorio que acolle a indicación xeográfica protexida (IXP) este produto turístico con identidade propia e que ofrece ao visitante unha experiencia diferenciada.
A axente de Desenvolvemento Turístico da Mancomunidade, Tania Hermida, explica que “aínda que o nome a relaciona, e con razón, ao concello laurentino a indicación xeográfica protexida (IXP) acolle actualmente a produción de Faba de Lourenzá en 15 concellos da Mariña Lucense. Debido ás características do solo e ás técnicas tradicionais empregadas no seu cultivo, as...
leer más
A XXIX edición da Festa da Faba de Lourenzá, declarada de Interese Turístico Galego, celebrarase dos días 4 ao 6 de outubro.
O venres 4 ás 19:00 horas na sala de exposicións terá lugar a inauguración do stand do Concello de Ponteceso, invitado nesta edición. Ás 19:30 horas actuará o grupo Clave de Fado; e ás 20:30 horas no Centro de Interpretación da Faba, dará comezo a cata comentada de viño que correrá a cargo da adega Regina Viarum, de Sober (D.O. Ribeira Sacra).
O sábado 5 ás 11:00 horas procederase á apertura da XXIX Festa da Faba. As casetas de fabeiros estarán instaladas na praza Conde Santo, a demostración e exposición de artesáns situaranse nas prazas e rúas da vila, e a exposición dos traballos do II Concurso Artístico Infantil estará no acceso á sala de exposicións. Ademais haberá feira exposición de...
leer más
A Asociación de Productores de Faba Verdina de Galicia presentou esta
mañá as súas novas instalacións, nun acto presidido pola Alcaldesa de
Mondoñedo, a popular Elena Candia.
O proxecto contou dende os inicios co apoio da Consellería de Medio
Rural e do Concello de Mondoñedo. A nova nave de Verdina de Galicia,
sita no mindoniense Barrio de San Lázaro, albergará tanto súas oficinas da
agrupación de productores, como un Centro de Xestión de faba fresca.
Unha vez rematadas as labores de acondicionamento, consistentes na
preparación dos distintos espacios de traballo, dará comenzo
inmediatamente a actividade de xestión de faba fresca, que se
desenvolverá en colaboración con dúas das principais comercializadoras
deste produto a nivel nacional, e que se levará a cabo íntegramente nas
instalacións de Verdina de Galicia...
O Concello de Lourenzá instalará un stand lila na XXIX edición da Festa da Faba, que se celebrará do 4 ao 6 de outubro, para sensibilizar á cidadanía sobre as violencias machistas. Esta iniciativa foi presentada pola alcaldesa, Rocío López, e a concelleira de Servizos Sociais, Mercedes Dengra.
A rexedora municipal explicou que “o obxectivo é informar, divulgar e sensibilizar a cidadanía sobre as violencias machistas. O punto de información estará situado na praza do Conde Santo en horario de 11:00 a 15:00 horas, onde a técnico social e a educadora familiar do Concello informarán sobre distintas cuestións relacionadas coa violencia de xénero. Así mesmo repartirase entre todos os asistentes material informativo para concienciar sobre a importancia de loitar e acabar con esta lacra machista”.
Rocío López anunciou...
leer más
O cartel da XXIX edición da Festa da Faba de Lourenzá, que se celebrará do 4 ao 6 de outubro, acaba de ser presentado. Nesta ocasión a imaxe para anunciar o evento foi deseñada polo Departamento de Actividades Comerciais do IES de Foz.
Na presentación do cartel participaron a alcaldesa de Lourenzá, Rocío López García; o concelleiro de Cultura, Manuel Arango Ron; e o xefe do Departamento de Comercio do IES de Foz, José Otero Méndez.
José Otero comentou que o IES de Foz sempre está aberto á colaboración coas distintas institucións, xa que o que intentan é dar visibilidade á Formación Profesional que imparten e os representantes do Concello de Lourenzá agradecen ao instituto focense a súa colaboración deseñando o cartel que dará a coñecer a Festa da Faba 2019.