Foz
Este xoves, día 30 de outubro, ás 20:30 horas vai estar na Libraría Bahía, de Foz, o escritor Fernando Castro Paredes para falar sobre a súa última novela, O lanzador de coitelos, coa que gañou o premio Galaxia 75 aniversario, “un premio puntual có que a editorial Galaxia quixo celebrar unha efemérides tan importante. Trátase dunha novela de gran talento literario, que cós recursos da novela negra indaga sobre a identidade, a arte e as paixóns dos seres humanos” explica Libraría Bahía, que engade: “Fernando Castro naceu na veciña Tapia de Casariego, é dramaturgo e actor; antes de esta novela, ademais de obras de teatro, tiña escrito un libro de relatos, titulado Entomoloxía para misioneiros”.
Este encontro é unha actividade do club de lectura A carón dos libros, aberto para todo o público.
O Concello de Foz anuncia que a comparsa As Farangullas será a pregoeira do Entroido 2026.
A concelleira de Cultura, Inés López Couto, explica que “en proceso de recollida de solicitudes para a elección de raíña ou rei do Entroido 2026 vanse confirmando novidades para o mesmo. Un dos eventos máis emotivos en Foz é o pregón que se celebra o venres anterior ao desfile. Este ano o Concello propuxo como pregoeira á comparsa As Farangullas, que non só se encargará do pregón senón tamén da exposición do Entroido que se inaugura o xoves de comadres”.
Inés López Couto engade que “As Farangullas son unha comparsa que comeza a súa andadura no ano 2007 e que participan todos os anos de todos os eventos carnavaleiros. Estamos seguros de que serán unhas pregoeiras que demostrarán o sentimento de Foz co seu Entroido”.
... leer más
O GALP A Mariña-Ortegal realizará o 15 de novembro, sábado, en Foz unha xornada divulgativa e inmersiva para a posta en valor da riqueza dos ecosistemas mariños. O proxecto inclúe unha exposición fotográfica internacional, inmersión 360 e contido exclusivo sobre a biodiversidade e os hábitats submarinos de Galicia.
O Grupo de Acción Local do Sector Pesqueiro (GALP) A Mariña-Ortegal pon en marcha DIVULMAR, un proxecto integral de sensibilización dirixido a toda a cidadanía “co obxectivo de conxugar a posta en valor da riqueza dos fondos mariños coa concienciación sobre o consumo responsable. A iniciativa, organizada por Maremasma, profesionais da bioloxía mariña e a conservación con máis de 10 anos de experiencia, aposta por un formato educativo e inclusivo, onde o obxectivo fundamental é a posta en valor do patrimonio medioambiental do...
leer más
O libro titulado Espiritualidad, escrito por oito persoas, será presentado en Foz o día 31 de outubro, venres. Será ás 21:00 horas no salón de actos do CENIMA.
Os autores explican que “é, máis que un traballo, unha reflexión conxunta entre persoas que buscan a verdade interior por diferentes camiños, que tentan atopar o ben de diversas formas. Espiritualidad naceu dun programa coloquio en Radio Burela a principios do ano 2018, que se continuou logo a través de diálogos e entrevistas telefónicas ao longo de diversos meses, incluso na época da pandemia do COVID. Agora presentámosvos o froito de tanto diálogo e tanta busca neste libro”.
Os autores son: Jesús Álvarez Piñón (sacerdote católico, actual párroco de Viveiro); David Val Pena (idealista espiritual, locutor de Radio Foz e promotor do poboado...
leer más
Esta semana chega a Foz chea de actividades, tanto na Casa da Cultura coma na Sala Bahía. Haberá teatro e cine o mércores 22, o xoves 23 e o venres 24 de outubro.
A concelleira de Cultura, Inés López Couto, anuncia que “a biblioteca municipal Salgado Toimil conmemora o seu día cunha obra de teatro infantil este mércores 22 ás 18.30 horas no salón de actos da Casa da Cultura. A obra é As peripecias de Xurxo, de Malasombra produccións. A entrada é gratuíta”.
Ademais este xoves 23 ás 20.30 horas na Sala Bahía continúa o teatro de outono. A compañía Tarabela Creativa levará a cabo a representación da obra Boa Sorte, Mala Fama. “É un espectáculo que nace de contar, precisamente, aquilo do que pouco se fala: a historia da emigración galega e aqueles lugares onde gañamos mala fama por ir buscar a nosa...
leer más
A concelleira de Cultura, Inés López Couto, anuncia que o profesor Pepe Otero presentará este sábado, día 25 de outubro, o seu novo libro, titulado Un paseo polo labirinto. Será no salón de actos da Casa da Cultura de Foz ás 12.30 horas.
Nesta presentación intervirán Darío Villanueva, que foi director da Real Academia Española, e o escritor Ramón Reimunde, ademais do propio autor do libro.
A recadación da venda deste exemplar será doada aos servizos sociais do Concello de Foz.
Colaboran nesta iniciativa as librerías locais Bahía, Ofifoz e Rapadoira.
Foz acollerá a charla titulada Cuidar lo invisible. La hidratación vulvar en el bienestar intimo de la mujer. Será impartida polo doutor Ezequiel Cardoso, xinecólogo do Hospital Público da Mariña no salón de actos do Cenima este xoves, día 23 de outubro ás 20:00 horas.
É unha actividade organizada pola Asociación Amas de Casa Virxe do Carme, de Foz, coa colaboración do Concello focego.
Foz acollerá os días 17 e 18 de outubro, venres e sábado, o terceiro curso de formación do profesorado en dirección de coros infantís e xuvenís preparatorio para Mariña en canto 2026. Será impartido por Josu Elberdin Badiola no Centro de Interpretación da Mariña (CENIMA).
As persoas interesadas poden obter máis información e inscribirse gratuitamente a través do correo electrónico amarinaencanto@gmail.com ou do teléfono 644.001.017.
As actividades desenvolveranse o venres de 16:00 a 20:00 horas e o sábado de 10:00 a 14:00 e de 16:00 a 20:00 horas.
Este curso está organizado pola Fundación Xesús Bal y Gay.
A Aula Universitaria da UNED de Foz presenta un mes de outubro con tres propostas abertas á veciñanza, combinando cultura, ecoloxía e lecer para todas as idades. Serán os días 16, 20 e 24.
O xoves 16 de outubro de 16:30 a 18:30 horas celebrarase a ruta turística Foz, sabor a mar, un paseo guiado a cargo de Ana Pena, de Guía tu día, guía turística nativa de Foz. A actividade, organizada en colaboración coa Concellería de Turismo, “permitirá coñecer o pasado mariñeiro da vila e afondar na súa identidade costeira, ofrecendo unha nova mirada sobre o patrimonio local”.
A concelleira de Turismo, Katy Navarro, salienta que “esta iniciativa amosa o valor de traballar de forma coordinada entre as diferentes áreas do Concello e a Aula Universitaria da UNED. A unión de esforzos permítenos poñer en valor os recursos...
leer más
A Espiñeira, no municipio de Foz, celebrará as festas na honra da Virxe do Pilar esta fin de semana, o sábado 11 e o domingo 12 de outubro.
As actividades comezarán o sábado ás 13 horas con misa solemne e procesión seguida da sesión vermú a cargo da orquestra Salsarena, que tamén actuará na verbena xunto ao grupo Beatriz.
E o domingo ás 13 horas celebrarase misa solemne e procesión acompañada da Banda de Música do Concello de Foz. A continuación haberá sesión vermú longa a cargo do grupo Dasilva.
A organización destaca que dispoñen de carpa.