Foz

Etiquetas:
11/11/2018

A asociación Os Sendeiros de Foz organiza un andareiro para o domingo 25 de novembro. 

A ruta percorrerá Viveiro, o Penedo do Galo, a Ferveza río Guilan e Palmeiro, cunhas magníficas vistas da contorna que abranguen a costa dende O Vicedo ata San Cibrao e no interior ata o Xistral.

A saída será ás 8:00 horas do cruce da rúa Cervantes con Maestro Lugilde.

O prezo é 21 euros para os socios federados, 25€ para os socios non federados e 30 euros para os non socios. Está incluído o xantar. Para asistir hai que anotarse, antes do mércores 21. As inscricións poden facerse nos números de teléfono 606 718 482 e 670 369 017, ou no e-mail ossendeiros@yahoo.es.

Os organizadores recomendan levar equipo de sendeirismo e informan que a...

leer más
Etiquetas:
06/11/2018

O Concello de Foz organiza unha nova edición do ciclo de charlas médicas que comezará este xoves e abordará temas como o cancro de mama, a nutrición saudable e o bo uso dos medicamentos. As conferencias terán lugar os días 8, 15 e 22 deste mes de novembro, na Casa da Cultura focense. A presentación tivo lugar esta mañá e contou coa presenza do alcalde, Javier Jorge Castiñeira; que estivo acompañado da xerente e da directora médica do Hospital Público da Mariña, María José Cortés e Eva López; e de Ramón Couto, responsable da Asociación Local de Loita contra o Cancro en Foz.

“Desde o Concello de Foz queremos informar a todos os veciños de Foz de da Mariña que o próximo xoves, ás oito da tarde, na Casa da Cultura, empeza unha edición máis das charlas médicas, este ciclo que se fai os xoves do mes de novembro. A verdade é que temos un cartel...

leer más
Etiquetas:
05/11/2018

A Delegación de Cultura do Concello de Foz programa para este mes de novembro representacións teatrais e concertos.

Este sábado, 10 de novembro, haberá teatro infantil a cargo da compañía Mamá Cabra, que presentará a obra Eu cocino, ti cociñas?. Terá lugar na Sala Bahía, ás 18:30 horas. Trátase dunha obra de teatro musical para nen@s a partir de 3 anos e cunha duración de 50 minutos. O prezo da entrada para os nen@s é de 1,5 euros e 2,5 euros para os adultos.

O venres 16, dentro do ciclo Novembro Musical, ofrecerá un concerto o Combo de Adultos da Escola de Música de Foz. Será na Casa da Cultura ás 21:00 horas.

O sábado 17 volverá haber teatro, nesta ocasión para público adulto, coa compañía Teatro do Atlántico, que porá en escena a obra Helena: xuizo a unha lurpia, sobre a figura clásica...

leer más
Etiquetas:
02/11/2018

O 9 de novembro chega unha nova edición do tradicional Campañazo, que organiza o Centro Comercial Aberto de Foz e que repartirá durante este mes 2.400 euros en vales de compra. Un total de 41 establecementos comerciais e 13 locais de hostalería participan nesta campaña na que se premiará unha vez máis a fidelidade dos seus clientes.

Os días 9, 16, 23 e 30 de  novembro celebraranse os sorteos de 300 euros en vales de compra ao que cante en primeiro lugar o Campañazo e outros 300  euros para o resto de cartóns premiados. Os sorteos realizaranse cada venres, en directo a partir das 23:00 horas, por Radio Foz, no 107.4 da FM.

Desde a directiva de ACIA Foz explican que “a dinámica do xogo é a mesma de sempre. As persoas interesadas en levar un dos premios que se poñen en xogo deben facerse cos seus cartóns nalgún dos...

leer más
Etiquetas:
28/10/2018

A asociación cultural A Pomba do Arco organiza unha nova edición da Festa da Palabra que se celebrará no Cenima, de Foz, entre o 7 e 9 de novembro. Desde a organización explican que “a consecuencia de imprevistos de ultima vémonos na obriga de cambiar o programa”, quedando como se anuncia a continuación:

Lois Pérez. Mércores, 7 de novembro, ás 20:30 no Cenima.

Os soños na gaiola. Grupo de teatro da Pomba do Arco.  Xoves, día 8, ás 20:30 no Cenima.

Olga Novo e Ismael Ramos. Venres, 9 de novembro, ás 20:30 no Cenima. 

 

Etiquetas:
28/10/2018

Os días 2, 3 e 4 de novembro terá lugar a XV Ruta 4x4 Montes da Mariña organizada polo Club Os Correcamiños. Na presentación deste evento participou o alcalde de Foz, Javier Jorge Castiñeira.

A ruta 4x4 Montes da Mariña é unha das citas máis importantes de toda España no mundo dos 4x4, con 500 vehículos participantes (150 motos, 150 quads e 200 coches) procedentes de lugares como Portugal, Madrid, Teruel, Barcelona, Bilbao, San Sebastián, Ciudad Real, entre outros.
 
O programa de actividades comezará a desenvolverse o venres 2 de novembro cunha recepción e pinchos no pavillón do colexio Martínez Otero, de Foz. O sábado 3 haberá ruta polos montes da Mariña, que discorrerá polos concellos de Alfoz, O Valadouro, Lourenzá, Mondoñedo, Barreiros, Cervo e Foz. A comida será en Ferreira do Valadouro e despois de volver á vila focense...

leer más
Etiquetas:
18/10/2018

Este sábado, 20 de outubro, terá lugar en Foz o quinto sorteo da campaña da Federación de Comercio A Mariña que está a repartir máis de 10.000 euros en premios nos oitos sorteos que se desenvolven ata o 10 de novembro. En cada localidade participante póñense en xogo 1.500 euros en vales de compra para gastar nos establecementos asociados a cada Asociación de Comerciantes participante. 

Pasado mañá celébrase o sorteo en Foz. Será na carpa instalada na praza do Concello a partir das 20:30 horas. 

Os seguintes sorteos serán o 27 en Lourenzá, o 3 de novembro en Xove e rematarán o 10 de novembro en O Vicedo. 

As persoas interesadas en participar nesta importante campaña da FCAM deben gardar os tíckets de compra nos establecementos asociados e entrarán nos sorteos de 1.500 euros en vales de...

leer más
Etiquetas:
17/10/2018

Unha colección de monstros do máis variado é o que nos trae Fran Amil no seu novo libro-CD. A colección Sonárbore da editorial Galaxia lanza Monstros con ou sen consentimento un volume que nos presenta toda unha serie de personaxes peculiares. Lobos bondadosos, robots, entes larpeiros ou estraños personaxes musicais danse cita en forma de cancións "para gozar en familia, cun sorriso nos beizos e moito ritmo para erguer o ánimo e non parar de bailar" acompañados das ilustracións de Manel Cráneo.

Fran Amil é un músico, compositor e produtor coruñés que dende os anos 90 pasou por algún dos grupos chave do movemento Bravú (Os Papaqueixos, Ruxe-Ruxe ou Diplomáticos de Monte Alto). Dende hai uns anos fai música infantil en galego, sendo os traballos anteriores, Un conto ao revés e A voz do vento, disco no que musica e canta poemas de Manuel...

leer más
Etiquetas:
15/10/2018

O municipio de Foz acollerá nesta segunda quincena de outubro dúas representacións teatrais, para os días 20 e 28, e unha proxección fotográfica, tamén para este vindeiro sábado. Son actividades incluídas na programación cultural do Concello focense.

As actividades deste sábado, 20 de outubro, comezarán coa proxección fotográfica titulada Foz, onte e hoxe, do arquivo de fotos de Xesús do Breogán. Terá lugar na antiga escola pública de Fazouro ás 18:00 horas. Está organizada pola asociación de veciños Santiago de Fazouro e colabora o Concello de Foz.

Tamén este sábado haberá unha representación teatral a cargo de Sarabela Teatro que porá en escena a obra Normas para saber vivir na sociedade moderna. Baixo a forma dun divertimento irónico escóndese a crítica feroz a unha sociedade que, coas súas normas e a súa...

leer más
Etiquetas:
15/10/2018

A asociación cultural A Pomba do Arco organiza unha palestra sobre a historia da guerrilla antifranquista na Mariña e en Galiza. Será este martes, 16 de outubro, na Casa da Cultura de Foz, ás 20:30 horas.

Neste acto estará presente Francisco Martínez “Quico”, único membro vivo da Federación de guerrillas de Galiza e León, dirixente da guerrilla durante máis de cinco anos e exiliado en Francia entre 1952 e 1976.

O histórico guerrilleiro estará acompañado por Fernanda Cedrón Trigo, neta do mítico guerrilleiro mariñán Luis Trigo Chaos “O Gardarríos”; e Odette Martínez, especialista en memoria e profesora na Universidade de Montpellier.