Foz
A Vicepresidencia da Deputación de Lugo promovo un ciclo de proxeccións audiovisuais que levará os filmes finalistas ao Premio Mestre Mateo a Foz, Vilalba e Chantada. As tres localidades acollerán nas vindeiras semanas os pases de “Ons” de Alfonso Zarauza, “A illa das mentiras” de Paula Cons, “Arima” de Jaione Camborda e “Lúa Vermella” de Lois Patiño, candidatas ao galardón na categoría de Mellor Longametraxe.
A vicepresidenta e responsábel da área de Cultura, Maite Ferreiro, e o vicepresidente da Academia Galega do Audiovisual, Pepe Coira, presentaron a iniciativa este martes no Pazo de San Marcos, acompañados por Marisa Barreiro, presidenta do IESCHA, e Mercedes Vázquez, de Airoá Comunicación, que xestionarán as proxeccións en Vilalba e Chantada, respectivamente.
“Desde a Vicepresidencia da Deputación...
leer más
Como consecuencia das restricións de mobilidade debido á pandemia Ginzo Moda decidiu renovar a súa páxina web (www.ginzomoda.com) para convertela nunha plataforma de venta on line na que ofrecer unha gran parte dos produtos de recoñecidas marcas que ten nas súas tendas de Foz e Ribadeo.
O propietario da firma mariñá, José Ginzo, explica que “debido á pandemia a mobilidade está restrinxida e xurdiu a necesidade de dar este novo paso no mundo on line. Vemos como grandes firmas están pechando establecementos e desviando ese potencial cara a venda on line; e nós, na nosa humilde situación e co potencial que temos, tamén decidimos presentar gran parte das coleccións que ofrecemos a través dunha páxina web coas últimas novidades tecnolóxicas, coa facilidade de comprar e poder recibir o produto na casa ou...
leer más
O Concello de Foz presenta a programación de primavera Sementando cultura, que inclúe doce actividades para os meses de abril e maio.
A concelleira de Cultura, Inés López Couto, explica que “o Concello de Foz enche os días de primavera de actividades culturais para adultos o nenos. As actividades programadas nestes meses de marzo, abril e maio aglutinan dende música a documentais pasando por representacións teatrais ao máis alto nivel. Queremos seguir apostando pola Cultura. Aínda, se cabe, con máis ímpeto en momentos tan complicados coma os actuais. O sector cultural é un dos máis afectados pola pandemia. E, a pesares de non ter un auditorio, Foz segue apostando polas mellores postas en escena para desfrute dos nosos veciños”.
López Couto engade que “durante esta semana, como xa se anunciou, quíxose celebrar o...
leer más
AciaFozCCA organiza unha nova edición da campaña Comercio na Rúa, que se desenvolverá durante esta Semana Santa.
Os 31 establecementos comerciais que participan nesta iniciativa ofrecerán descontos especiais nas rúas focenses e no caso de mal tempo realizarán eses descontos no interior dos locais. Esta nova edición de Comercio na Rúa levarase a cabo o mércores, 31 de marzo, e o xoves e sábado, días 1 e 3 de abril.
Os comercios que ofrecerán eses interesantes descontos son: 5 Lobiños, Alain Afflelou, Arrullos, Briz Peluquería, Buxo Xogos, Carmen León Zapatería, Cenor Belianorte, Chinela Nenos, Chuvia, Decoraciones Pura, Din e Don, Don Zapato, Ginzo Hombre, Ginzo Mujer, Hola Ola, La Flor Abulense, Librería A Rapadoira, Librería Bahía, Longarela, Lourdes Moda Íntima, María Docampo, Mc Automotive, N1 Zapatillas,...
leer más
En marcha está a campaña Tardeos, de AciaFozCCA, na que participan nove locais hostaleiros: Bar 78, Anduriña, Espacio Machete, Marexada, Namarinos, Pelolo, Portochico, Xoyma e Yoglio-Colón 5.
José Carlos Paleo, presidente de AciaFozCCA, explica que “é unha campaña pensada para animar a disfrutar das tardes dun xeito relaxado, de cócteles, de viños, de cañas, de merendas… trátase de aproveitar as tardes para tomar algo antes de retornar ás casas ás dez da noite. Antes saiamos tomar unha copa, un cóctel, despois de cear. De momento iso aínda non é posible, pero non temos por qué deixar de facelo polas tardes na fin de semana ou agora durante a Semana Santa, por exemplo”.
A asociación Mariña Patrimonio organiza unha charla do historiador focense Xoán Ramón Fernández Pacios sobre a conserveira DALO, de Foz. Será este xoves, 25 de marzo, ás 19:30 horas en directo a través do Facebook do colectivo.
Mariña Patrimonio explica que “debido a un problema técnico na charla do pasado día 12 non puidemos escoitar a intervención de Xoán Ramón Fernández Pacios sobre As industrias de Damián López (DALO), de Foz, centrándose na súa faceta madeireira, na do tráfico marítimo de cabotaxe así como na actividade conserveira. Polo tanto, convidámosvos de novo este xoves, día 25, ás 19:30 horas para poder asistir, por medio do Facebook de Mariña Patrimonio, a dita intervención”.
En Radio Foz celebráronse esta mañá os sorteos do Día do Pai e das Xornadas Gastronómicas imPULSA Foz.
No sorteo do Día do Pai 20 persoas recibirán vales de compra por importe de 50 euros, cada un, para consumir ao longo das vindeiras semanas no comercio asociado a AciaFozCCA. Os números afortunados e os locais nos que se repartiron foron os seguintes: 20519 en Kukadas, 17380 en Amarena, 15566 en Din y Don, 13662 en Tien 21, 20667 en Amarena, 20352 en Amarena, 17863 en Decoraciones Pura, 19880 en Xoyma, 18130 en Nº1, 15128 en Casa Moreda, 19422 en Panificadora Eo, 18206 en Ginzo Hombre-Mujer, 15683 en Fauna, 15311 en Lencería Esther, 15421 en Unique 2, 13115 en Carmen León, 21749 en Suministros Veipa, 19388 en Panificadora Eo, 16134 en Ofifoz y 20183 en Amarena.
Desde AciaFozCCA indican que “as persoas que teñan...
leer más
O Concello focense, en colaboración coa UNED-Aula Universitaria de Foz, pon en marcha unha nova iniciativa para os comerciantes e hostaleiros locais: un curso de Introdución ao Marketing Dixital, que será totalmente gratuíto e sufragado polo Concello. Foi presentado polo alcalde, Fran Cajoto, e a coordinadora de Extensión Universitaria de Foz, María Fuensanta Otero.
O rexedor municipal explica que “con este curso pretendemos formar aos empresarios locais nunha nova forma de marketing e publicidade -trasladada ao mundo virtual- baseada na utilización dos recursos tecnolóxicos e medios dixitais existentes para desenvolver comunicacións directas, destinadas a conseguir unha reacción positiva no receptor virtual. O curso inclúe formación en redes sociais como Facebook, Instagram e Twitter, posicionamento SEO para WordPress e titorías...
leer más
O Concello de Foz quere conmemorar o día mundial do teatro, que se celebra este sábado, 27 de marzo, cunha semana dedicada a el. A delegación de Cultura leva á sala Bahía representacións o xoves 25 ás 20 horas e o sábado 27 ás 18.30 horas.
A concelleira de Cultura, Inés López Couto, anuncia que “o xoves porase en escena a obra Dreaming Juliet, da compañía Elefante Elegante, inspirada na obra de Shakespeare Romeo e Xulieta, que aborda o tema do amor cunha linguaxe visual asentada no teatro de movemento, na música interpretada en directo e na danza”.
Ines López engade que “o sábado será a quenda do teatro infantil. Culturactiva achéganos a obra Rosalía, cunha equipa de mulleres que farán que os nenos poidan achegarse á infancia dun dos referentes das nosas letras. Esta obra infantil inclúese na conmemoración do día...
leer más
A asociación Os Sendeiros de Foz organiza unha ruta por terras mindonienses. Será o sábado, 28 de marzo.
A saída terá lugar ás 9:00 horas de Foz, diante de Cenor, e tamén a esa hora desde Ferreira. O desprazamento realizarase en coche.
As persoas interesadas poden anotarse ata o 26 de marzo nos teléfonos 606 718 482 e 670 369 017 ou na dirección de correo electrónico ossendeiros@yahoo.es.
A organización recomenda levar equipo de sendeirismo e mascarilla. A ruta, dun nivel medio de dificultade, ten unha lonxitude de 13´5 quilómetros e discorre por Supena.
O Concello de Foz colabora na organización deste evento. A actividade levarase a cabo se a situación sanitaria o permite e seguindo os protocolos oportunos.