Familia
O prazo de inscrición remata o sábado 19 ás 12:00 horas
O Concello de Viveiro abre o prazo de inscrición para o obradoiro de manualidades en familia que se levará a cabo este domingo, día 20, con motivo da celebración do Día Mundial da Infancia.
Poderán participar de balde persoas de tódalas idades, sendo imprescindible a súa inscrición previa, a través da seguinte ligazón: https://forms.gle/6rhmDLAGjBzgzBTF7 ou ben cunha chamada ou whatsapp ao seguinte teléfono de contacto 654208333.
A actividade terá lugar ás 17:00h no Salón Multiusos do Concello de Vivero e está organizada polo Grupo de Participación Xuvenil de Viveiro, coa colaboración da Concellería de Benestar Social e Eureka.
Consistirá nun obradoiro de...
leer más
O vindeiro sábado , 15 de outubro, ás 18 horas, o auditorio da Casa da Cultura de Burela contará coa visita do Grupo Música Miúda. Nesta ocasión presentarán “As Historias de Bemol Pequeno”.
Un ano máis, a Biblioteca Pública de Burela participa en Ler Conta Moito 2022, un programa de dinamización da lectura nas bibliotecas públicas promovido pola Xunta de Galicia en colaboración coas entidades locais.
A través do mesmo as bibliotecas integradas na Rede de Bibliotecas Públicas de Galicia ofrecen actividades variadas para achegarlle á cidadanía a lectura e a información dunha maneira lúdica e atraente.
Deste xeito as bibliotecas reforzan o seu carácter de espazo aberto, ao tempo que alentan a aprendizaxe e a descuberta a través dos recursos que proporcionan.
... leer más
O vindeiro 25 de setembro terá lugar a segunda edición do Orienta Ribadeo, unha actividade de aventura familiar e de balde. A inscrición estará aberta desde hoxe e ata o 21 deste mes.
Desde a OMIX explican que “chega a segunda edición do Orienta Ribadeo co obxectivo de por en valor o noso concello mediante unha actividade innovadora, segura, saudable, participativa e de carácter familiar. A empresa galega Territorio Comanche deseñou para o Concello esta actividade”.
Orienta Ribadeo terá lugar desde as 11.00 horas da mañá do domingo 25 de setembro. Os participantes deberán percorrer a pé unha distancia variable, intentando localizar unha serie de puntos de control ou balizas e superando diversas probas, tanto físicas como de coñecemento. O tempo máximo para realizar a proba é de dúas horas e media e os equipos...
leer más
A Concellaría de Mocidade programa varias actividades para esta primeira quincena de maio. O día 13 terá lugar o Escape Room Noite Meiga. Trátase dunha proba de escapismo e orientación urbana na que poderá participar toda a familia a partir dos 11 anos. Tamén ese día dentro do ciclo O Concello cos Coles haberá un Escape Room educativo titulado Rexeita o Maltrato no colexio Sagrado Corazón. E o 16 de maio está prevista unha sesión de Cine na Rúa coa proxección da película de animación Valentina, unha produción galega e en galego, que foi estreada a finais de 2021 e que recibiu o premio Goya á mellor longametraxe de animación.
A edil nacionalista explicou que “son actividades dirixidas á toda a familia, divertidas e sobre todo para poder disfrutar dese tempo de lecer. A primeira que se vai desenvolver é un Escape Room, que denominamos Noite...
leer más
A compañía Spaguetti Títeres presenta Historias para unha man, dentro do ciclo Monicreques, organizado pola Área de Cultura, Patrimonio Histórico Artístico e Normalización Lingüística da Deputación de Lugo e a Concellería de Cultura de Burela.
A representación terá lugar no auditorio da Casa da Cultura este xoves, 23 de decembro, ás 18:00 horas. A obra está destinada a todos os públicos e a entrada é libre ata completar aforo.
Trátase dun espectáculo sen palabras, composto de catro pezas da vida cotiá: o soño, a pingueira, historias con frores e o impo, todas elas conducidas polas mans que poñen e quitan do escenario pois estas son a ialma dos títeres.
O vindeiro mércores, 15 de decembro, terá lugar o tradicional concerto de Música en Familia da Escola Municipal de Música de Burela. Será a partires das 20 horas no auditorio da Casa da Cultura.
O director do centro, Xan Carballal, lembrou que “esta é unha cita que a nosa escola ven ofrecendo dende o seu inicio e que lamentablemente vímonos na obriga de interrompelo o ano pasado por mor da pandemia”.
Carballal subliñou que “como é habitual, o concerto estará levado polas agrupacións de coro, banda, orquestra, grupo de rock, grupo de jazz e os alumnos e alumnas de música e movemento e formación básica”.
E engadiu: “en canto ao repertorio, presentaranse obras propias destas agrupacións de tódalas épocas e pasando por estilos coma o clásico ata a música popular”.
O Teatro Pastor Díaz de Viveiro acollerá o espectáculo infantil Ris Ras a cargo de Baobab. A representación terá lugar este sábado, día 4 de decembro, ás 18:00 horas e está dirixido ao público infantil a partir de 1 ano.
Trátase dunha montaxe musical e teatral pensada para rir e bailar onde a palabra e as brincadeiras están presentes para trasladar a tradición oral galega.
A venda de entradas é no teléfono 982 560 162, de luns a xoves, en horario de 9:00 a 14:00; ou no correo electrónico rbg.cultura@viveiro.es. e na taquilla dende unha hora antes da función.
Tras o éxito en 2018 de Simba a Kiara, musical tributo a El Rey León, a prestixiosa Compañía Onbeat volta ao Auditorio Municipal de Burela para representar El regreso de Scar, musical tributo a El rey león 2, o 9 de Xaneiro ás 18:00 horas.
El Regreso de Scar trátase dunha visión totalmente innovadora tanto pola proposta de guión como pola posta en escena. A primeira delas relata como unha tribo africana revive a Scar buscando o seu rei e este cóntalle a historia de Simba desde un punto de vista moi distinto ao que se coñece. Doutra banda a presenza en escena do Ballet Internacional de Senegal é totalmente sorprendente, con bailes autóctonos de África, incluíndo percusión en directo e vestiario realizado no propio continente da Sabana. As cancións dos viláns, as máis famosas da película e algunha do musical de Broadway reúnense nun...
leer másTeatro de Ningures presenta o 21 de novembro no Valadouro "O OGrocho", dirixida ao público familiar.
O grupo Teatro de Ningures presenta a obra O OGrocho este domingo, 21 de novembro, ás 19:00 horas, no salón de actos do Centro Sociocultural Xuvenil e da Terceira Idade Manuel Lourenzo do Valadouro.
A obra, dirixida ao público familiar, representa a historia dun pequeno ogro que vive só coa súa nai nunha casa no medio dun tupido bosque apartado da comunidade. O día que empeza a ir á escola e ve a outros nenos descobre a súa diferenza, non só no seu tamaño senón tamén no seu instinto, é o fillo dun ogro que a súa nai amou de forma apaixonada. O Ogrocho, cos seus seis anos, a súa forza extraordinaria e a súa terrible herdanza, intenta reconciliarse coa súa parte oculta, dominar os seus instintos nun intento de parecerse aos demais. Para elo ten que superar tres probas.
Baseado na obra de Suzanne Lebeau,...
leer más
Caramuxo Teatro representa no Teatro Pastor Díaz, de Viveiro, A nena que vivía nunha caixa de mistos. Será este sábado, 30 de outubro, ás 18:00 horas.
A nena que vivía nunha caixa de mistos é a terceira parte da triloxía sobre contos populares, que comezou con As fabas máxicas e continuou con Feo, que recibiu o Premio María Casares ao mellor espectáculo infantil. Está inspirada no conto A vendedora de mistos de Hans Chistian Ándersen. Conta a historia dunha nena que camiña pola rúa dun lugar a outro coa súa caixiña de mistos, a casa onde pasa a noite.
Trátase dunha adaptación de Laura Sarasola e Juan Rodríguez, quen dirixe a obra.
A reserva de entradas pódese facer no teléfono 982 560 162 ou en rbg.cultura@viveiro.es en horario de 9:00 a 14:00...
leer más- 1
- 2
- 3
- 4
- siguiente ›
- última »