Lectura
Co motivo da celebración do Dia de Rosalía este venres, 23 de febreiro, as concellerías de Educación e de Cultura do Concello de Burela organizan un maratón de lectura que se celebrará no Salón de Plenos.
A xornada dividirase nunha quenda de mañá, de 10:00 a 14:00 horas, na que participarán os rapaces e as rapazas dos centros educativos, e unha quenda de tarde, a partir das 16:00 horas, na que participarán outras entidades e público xeral.
A única premisa do maratón será a lectura de textos en galego, de libre elección polos lectores que se animen a participar.
“Ademais, realizaremos unha selección de poemas de Rosalía para que o público xeral poida desfrutalos neste maratón, abrindo así a nosa biblioteca municipal a toda a veciñanza e achegando a cultura galega”, sinala a concelleira de...
leer más
Este mércores, 22 de novembro, terá lugar no salón de actos do Concello de Viveiro ás 19:30, a III edición do Club de Lectura en Feminino, dinamizado por Estíbaliz Veiga.
Esta reunión contará coa presenza da autora Leticia Costas, co seu libro "Golpes de Luz", sendo parte da programación municipal con motivo da conmemoración do 25 de novembro, Día Contra a Violencia de Xénero
Aínda que esta xuntanza será presencial, o club leva desenvolvéndose en liña dende o pasado día 26 outubro, co apoio dos fondos do Pacto de Estado Contra a Violencia de Xénero 2023. Estará en funcionamento ata o vindeiro 30 de maio de 2024
O Concello instalou unha caseta de lectura na zona de xogos infantís do parque de San Francisco. Foi deseñada polo obradoiro de emprego Vilas Coidadoras e será un espazo solidario de intercambio de libros que transmita a maxia pola lectura a toda a cidadanía, especialmente ás nenas e aos nenos.
A concelleira de Cultura, Begoña Sanjurjo, explicou que “o luns instalouse na zona de xogos infantís do parque de San Francisco unha caseta de lectura. É unha iniciativa deseñada polo obradoiro de emprego Vilas Coidadoras, na especialidade de Dinamización, Programación e Desenvolvemento de Accións Culturais. Queremos agradecer ao alumnado e ao profesorado todo o traballo levado a cabo”.
A edil ribadense indicou: “búscase que esta caseta de intercambio de libros gratis se converta nun espazo solidario cheo de contos que...
leer más
A Biblioteca Municipal de Burela acolle o espectáculo 'A igualdade non ten idade', de Luis Vallecillo, como parte do programa Ler Conta Moito
Terá lugar este sábado, 30 de setembro, ás 18:00 no auditorio da Casa da Cultura de Burela. Esta actividade, gratuíta e dirixida ao público familiar, está organizada pola delegación municipal de Cultura do Concello de Burela.
No espectáculo, ambientado nun futuro non moi distante, Luis ten a oportunidade de contar cómo as rapazas e rapaces do seu tempo foron capaces de cambiar o mundo axudando ás persoas maiores a comprender o que verdadeiramente era a igualdade. Nel descubriremos a “Canción” que permitiu converter todas as inxustizas en oportunidades, logrando unha sociedade na que se respeta a todas as persoas, diversas na súa esencia, pero iguais nos seus dereitos. Todo...
leer más
O Concello de Viveiro organiza varias actividades na biblioteca pública municipal ao longo dos meses de setembro e outubro. Esta programación, baixo o nome ‘Ler conta moito’, contará coa presenza da poeta Yolanda Castaño ou do artista Magín Blanco.
A concelleira de Cultura, Lara Fernández Fernández-Noriega, sinala que, cos eventos previstos, o Concello de Viveiro “continúa coa súa aposta por promover a lectura dende a infancia dun xeito lúdico á vez que educativo”. A entrada a estes actos será, en todos os casos, de balde ata completar aforo, podéndose reservar prazas acudindo previamente á biblioteca para coller entradas.
A primeira cita deste ciclo de actividades terá lugar este venres, 15 de setembro, ás 20:00 horas na sala multiusos do Concello de Viveiro, e está dirixida a un público xuvenil e adulto....
leer más
A Concellaría de Cultura, a través da Biblioteca Municipal El Viejo Pancho, pon a andar a creación dun Club de Lectura, para promover a animación e o fomento da lectura en Ribadeo.
A edil Pilar Otero dixo que “un Club de Lectura é un grupo de persoas que se reúnen periodicamente para poñer en común os libros que, previamente, se leron de maneira individual. Os beneficios de participar nesta actividade son múltiples: fomenta a relación cos libros e a aprendizaxe colectiva e afianza a motivación cara á lectura e á adquisición de coñecementos”.
A concelleira de Cultura explicou que “sendo membros dun Club de Lectura, explóranse xéneros literarios, temáticas e autoras ou autores que por propia iniciativa non sopesariamos. A nivel persoal, promove a empatía e potencia a confianza e a autoestima. Polo xeral, as...
leer más
O espectáculo Cine Marabillas, de Raquel Queizás, presentarase en Alfoz o 28 de xaneiro, sábado, ás 18:30 horas. Será no salón de actos da Casa da Cultura.
É unha actividade organizada polo Concello de Alfoz, que anuncia: “Ver para Ler. Vide descubrir a amizade entre o cine e a literatura infantil e xuvenil. Gozaremos durante 50 minutos vendo as primeiras adaptacións cinematográficas inspiradas nos contos marabillosos e nos libros clásicos da literatura. O obxectivo é facerlles ver as crianzas e as súas familias que esas historias que coñecen poden contarse de diferentes maneiras. Que descubran que o cine mudo é unha expresión que pode resultar moi divertida. Non faltará a aventura, o humor, misterio, tenrura, maxia, fantasía e sobre todo moita imaxinación. A literatura é e sempre será unha gran fonte de inspiración para o cine. O cinema...
leer más
Libraría Bahía de Foz organiza o club de lectura A Carón dos Libros que comezará a funcionar no mes de marzo.
As persoas interesadas en participar poden inscribirse na propia Libraría Bahía, na Avenida A Mariña, 40. A cota será de 10 euros mensuais cos que se pretenden sufragar parcialmente as actividades que se desenvolvan.
Este club de lectura estará dirixido por María Liñeira, doutora en Filoloxía con experiencia docente na universidade, con quen se celebrarán reunións mensuais para comentar os libros recomendados. Ademais realizaranse actividades complementarias, como a visita de autores e autoras ou encontros con outros clubs de lectura.
As actividades deste club darán comezo o 3 de marzo ás oito e media da tarde co libro Azucre de Bibiana Candia, autora que probablemente participe...
leer más
A área de Muller e o Centro de Información ás Mulleres do Concello de Viveiro poñen en marcha un Club de Lectura ‘En Feminino’, pero aberto ao público en xeral sempre que sexan persoas maiores de idade e ata un máximo de 15.
O club realizarase de maneira telemática por zoom e con reunións presenciais puntuais, dando comezo o día 23 de febreiro para conmemorar o Día de Rosalía.
Celebraranse dúas sesións por mes, desde febreiro ata xuño, cunha duración de dúas horas cada unha e impartidas por Estíbaliz Veiga, actriz e pedagoga teatral.
“Encadramos esta iniciativa dentro das actividades programadas para o 8 de marzo; ademais, formamos parte da rede de Bibliotecas en Igualdade para recuperar os textos de mulleres escritoras e darlles o lugar na historia que se merecen por dereito”, explica a...
leer más
O xoves, 7 de outubro, o Club de Lectura da Biblioteca Pública de Alfoz reanuda as súas xuntanzas en torno a un libro que se elixe entre todos os integrantes e que se vai alternado entre obras en castelán e galego.
As persoas interesadas en inscribirse poden informarse no teléfono do Concello de Alfoz 982 558 001 (extensión 2) posto que antes do comezo de cada novo libro se poderán incorporar novos membros.
As reunións son os xoves, cada quince días, ás 19:00 horas e teñen unha duración aproximada de 1 hora. Fálase do libro e con esa escusa de moitos outros temas aos que nos leva a súa lectura, as personaxes, a historia ou o lugar onde se desenvolve.
Comeza cada lectura investigando sobre o autor ou autora e a obra, a cal se lee en varias partes que se tratan en cada reunión. Ao remate...
leer más