San Ciprián
"Xolo", usuario da Asociación de Axuda ao Enfermo Mental A Mariña, é un dos protagonistas desta exposición de pintura participativa conformada por 14 debuxos e ilustracións realizadas por persoas con problemas de saúde mental para ilustrar as cancións do disco "Disorders" do artista Carlos Morales.
Cada un dos temas está inspirado nun trastorno mental co fin de visibilizar a enfermidade tratándoa con normalidade, respecto e empatía.
Na inauguración participaron o alcalde de Cervo, Alfonso Villares, a edil de Cultura, Dolores García Caramés, e a concelleira de Sanidade, Mali Méndez, que arrouparon a "Xolo" xunto aos seus compañeiros do centro e a representantes da Federación de Asociacións de Familiares e Persoas con Enfermidade Mental de Galicia (FEAFES).
O auditorio da Casa da Cultura acollerá o 1º Festival Mar de Voces o sábado 8 de xuño.
A cita foi presentada polo alcalde de Cervo, Alfonso Villares, pola edil de Muller e Igualdade, Pilar Armada, e por Amparo Pernas e Ángeles Martínez, en representación da asociación Mujeres de San Ciprián, que organiza o evento coa colaboración do Concello de Cervo.
O festival, con entrada libre e previsto para as 19:30 horas, contará coas actuacións do grupo local A Rebolaxe e Cantares de Brión (coro tradicional constituído en marzo de 2010 e integrado por 65 personas; entre os seus propósitos principais está a interpretación, divulgación e restitución da música coral tradicional galega con acompañamento instrumental, así como o uso e divulgación do traxe tradicional).
Desde a asociación Mujeres de San...
leer más
En Cervo e San Ciprián celébranse mañá, 17 de maio, unha serie de actividades con motivo da conmemoración do Día das Letras Galegas.
A partir das 18:00 horas nas Escolas Vellas, de Cervo, haberá diversos actos en torno á vida e obra de Antón Fraguas, actuarán as cantareiras Cordenaia, o grupo de teatro Calavera presentará a obra O cociñeiro Antón e a pasteleira Tomasa, e haberá un obradoiro de chocolate para nenos e nenas. Organiza Airiños do Xunco, e colaboran o Concello de Cervo e a asociación cultural Os Aventados.
Ás 20:30 horas na praza dos Campos, de San Ciprián, servirase panceta, chourizo e salchichas á brasa por parte da asociación Rebolaxe. Ás 21:00 horas, actuarán Sete Meigas e un Meigallo, Dambara e Misturos, e ás 22:00 horas, ofrecerá un concerto Timparrandela. Organizan o Concello de Cervo e A...
leer más
A Praza dos Campos de San Ciprián acollerá o sábado 18 de maio o 1º Open de Tute Concello de Cervo, organizado pola asociación de veciños “Cruz da Venta” de San Ciprián e polo Telvi´s Local Place, coa colaboración do Concello de Cervo.
O campionato foi presentado polo alcalde, Alfonso Villares, o edil de Deportes, José Ramón Soto, por Etelvino Cordido “Telvi” e por José Luís Sariego, en representación da asociación de veciños.
O Open comezará ás 16:00 horas e ás 2:30 horas están previstas as finais e a entrega de premios.
As persoas interesadas poden anotarse no teléfono 630 75 47 76. O prezo da inscrición é de 120 euros por parella, íntegros para premios e con cea incluída. Haberá obsequios para todos os participantes, e sortearase ceas, noites de hotel e diferentes regalos e lotes de...
leer más
A sala de exposicións da Casa da Cultura acolle ata o vindeiro 30 de abril unha selección da obra de Xosé López Losada "Xolo", usuario da Unidade Residencial da Asociación de Axuda ao Enfermo Mental "A Mariña".
A mostra, denominada "Adaptacións", está composta por 15 obras escollidas entre máis de 200 cadros.
Xolo (Ourol, 1967) comezou a súa relación co mundo artístico de moi novo, aos 5 anos, tal e como el recorda. No ano 1987 trasladouse a Salamanca para estudar Belas Artes, onde conseguiu Matrícula de Honra no primeiro curso da Universidade. A finais do segundo ano, unha enfermidade mental impediulle seguir pintando, ata o 2005 que retomou a actividade.
A Casa da Cultura de San Ciprián acolleu a presentación do II Campus de Baloncesto EntreNos, que terá lugar na vila entre o 30 de xuño e o 6 de xullo.
Na rolda de prensa participaron o alcalde de Cervo, Alfonso Villares, o edil de Deportes, José Ramón Soto, o director do Campus, Nacho Mota, o director deportivo do mesmo, Cristino Menor, e o responsable de comunicación, Pablo Ojea.
Na actividade deportiva poderán participar todos os mozos e mozas nacidos entre o 2002 e o 2009 (ambos incluídos); e a inscrición permanecerá aberta ata o 15 de xuño.
O principal distintivo deste Campus é que xogadores e xogadoras en activo de primeiro nivel convivirán e adestrarán coa mocidade participante día tras día; polo que é unha oportunidade única para compartir charlas e intercambiar experiencias con profesionais deste...
O grupo de teatro Andanzas de Viveiro actuará este sábado, 30 de marzo, en San Ciprián. A representación terá lugar na Casa da Cultura, a partires das 20:00 horas.
Andanzas porá en escena El caso de la mujer asesinadita, obra de Miguel Mihura e Álvaro de Laiglesia, que narra a historia de Mercedes, quen un día ten un soño no que un matrimonio irrompe na súa casa, acompañado dun indio sioux. No diálogo que se establece, o matrimonio recoñece ter asasinado a anterior esposa do home. Ao espertar, Mercedes dáse conta que o home casado do soño non é outro que o seu propio marido.
Esta actividade está organizada polo Concello de Cervo.
San Ciprián acollerá o 13 de abril a VI Foliada Nordestía cun programa completo e variado pensado para todos os públicos.
A cita, organizada por A Rebolaxe e que conta coa colaboración do Concello de Cervo, foi presentada pola edil de Cultura, Dolores García Caramés, e por varios membros deste grupo.
O programa comezará ás 12:30 horas con Cantos de Taberna, ás 15:15 horas está previsto un xantar popular e xa pola tarde haberá xogos infantís e un obradoiro de baile.
Como broche de ouro da xornada, ás 21:30 dará comezo o Festival que contará coa actuación dos grupos A Rebolaxe, Son do Xabre, Os Carecos e A Compañía o Ruído; non faltarán os callos e a queimada.
O Concello de Cervo convida á veciñanza e ás persoas visitantes a gozar dunha xornada única na que a...
leer más
O alcalde de Cervo, Alfonso Villares, e a edil de Servizos Sociais, Pilar Armada, acompañados por varias mulleres encaixeiras de San Ciprián, presentaron o XVI Encontro de Palilleiras que terá lugar o 6 de abril, no Pavillón da Veiga.
As persoas interesadas en formar parte do evento, con prazas limitadas, aínda están a tempo de anotarse na Casa da Cultura (982.59.51.57). O aforo para os postos de venda de produtos relacionados coa actividade xa está completo cunha trintena de establecementos que se darán cita no evento.
Armada avanzou que este ano, ademais da tradicional demostración das artesás, “quixemos recuperar o desfile de traxes de liño con encaixe, que lle dá un valor engadido a este evento consolidado que reúne, ano tras ano, a máis de medio milleiro de palilleiras procedentes de todos os recunchos de...
leer más
Ata o 26 de marzo pódese visitar na Casa da Cultura de San Ciprián a exposición “Áreas Mariñas Protexidas”, unha actividade complementaria á Festa do Ourizo, que se celebra este sábado, día 16.
A mostra foi elaborada polo Centro de Extensión Universitaria e Divulgación Ambiental de Galicia (CEIDA); e o obxectivo pasa por sensibilizar ao público visitante arredor da importancia do mar e do litoral como patrimonio esgotable e recurso cultural e económico; dar a coñecer a figura das áreas mariñas protexidas como eficaz estratexia de conservación do mar e do litoral, e sinalar o papel que cada un de nós pode xogar á hora de inclinar a balanza cara á conservación, ou non, do mar.
A información que se pode atopar estrutúrase en catro bloques: recursos do mar, problemáticas de conservación, a pesca en Galicia e as Áreas...
leer más