Sendeirismo
09/11/2015
A asociación Os Sendeiros, de Foz, ten previsto o seu próximo andareiro o vindeiro 6 de decembro polas Foces do Esva, en Valdés, Asturias. O grupo saíra ás 8 da mañá do Concello de Foz. Os interesados poden anotarse ata o 28 de novembro nos teléfonos 696 23 60 20 ou 670 36 90 17e tamén no mail ossendeiros@yahoo.es.
A ruta polas Foces do Esva, de gran fermosura e dificultade media, concluirá cunha comida que a organización promete “impresionante”. O prezo para participar é de 25 euros para socios e 30 para os non socios. Será tamén a despedida do ano para Os Sendeiros de Foz. Recoméndase aos participantes levar equipo de sendeirismo.
04/11/2015
A Asociación de Sendeirismo Terras de Lourenzá desprazarase o vindeiro 14 de novembro á provincia de Ourense para realizar a ruta Senda do Arenteiro, a penúltima das camiñatas que programarán neste 2015.
Trátase dun percorrido lineal, de 12 quilómetros e dificultade media-baixa, que os levará dende Carballiño ata Pazos de Arenterio, seguindo o curso do río, e que lles permitirá gozar, non só de fermosas paisaxes naturais en pleno outono, senón de diversas belezas arquitectónicas.
A saída de Lourenzá está prevista para as 7 horas da mañá dende o Cantón de Vilanova. O prezo é de 35 euros para socios e de 40 euros para non socios en el inclúese o...
leer más 26/10/2015
O Grupo de Sendeirismo da ACD.XOVE organiza o vindeiro 8 de novembro a Ruta Senda Costeira de Xove, unha proposta á que están convidados todos os amantes da natureza e coa que os organizadores queren contribuír ao mellor coñecemento da comarca mariñá.
O punto de saída é o Portiño de Morás, no que os participantes deben estar ás 9:30 horas. O traxecto é de 12 quilómetros, pero a dificultade do percorrido é baixa e cunha duración de tres horas e media. A inscrición é gratuíta e poderá facerse até o 6 de novembro na Piscina Municipal de Xove ou no teléfono 618976159. O xantar está previsto no bar A Cancela, de Morás, e consistirá nun cocido. A comida custa 22 euros -12 euros para os nenos- e vai por conta propia, previa...
leer más 11/10/2015
O próximo domingo, 18 de outubro, o Grupo de Sendeirismo da ACD Xove desprazarase ata Villanueva de Oscos (Asturias) para facer a Ruta Senda Verde del Agüeira.
Os organizadores explican que “a Ruta, que é circular, con saída e chegada no pobo de Villanueva de Oscos, vai darnos unha preciosa visión da comarca dos Oscos nesta estación outonal, pois toda a masa arbórea desta comarca é de folla caducifolia, que se mostra espectacular nesta parte do ano. Ademais de facer o Ruta, o grupo visitará, distintos puntos de interese natural de Os Oscos, xa que forma parte da Reserva da Biosfera Oscos, Eo e Terras de Burón”.
A programación da xornada é a seguinte:
Hora saída: en bus as 8:00 horas da mañá...
leer más 05/10/2015
A asociación Os Sendeiros de Foz vai estar presente o próximo 25 de outubro o Encontro Astur-Galaico, que organizan en Vegadeo os membros do grupo Pandela. O colectivo chama á participación do máximo número de xente posible nas dúas rutas propostas, unha de nove quilómetros e outra de 17, de dificultade media. O xantar será no recinto feiral organizado polo grupo anfitrión. O prezo é de 15 euros e inclúe a comida.
A saída está prevista para o domingo 25 outubro as 8:30 horas, do Concello.
O derradeiro día para anotarse é o 16 de outubro nos teléfonos 696236020 (Luciano) ou 670369017 (Morís). Tamén é posible anotarse no correo electrónico ossendeiros@...
leer más 05/10/2015
A Asociación Pasada das Cabras de Burela fará o vindeiro sábado, 10 de outubro, a ruta Ascensión aos tres Vispos, nos Ancares, un percorrido de 16 quilómetros e dificultade media.
A saída está prevista para as 7:15 horas da mañá da estación de autobuses de Burela.O prezo é de 15 euros para os socios do colectivo e de 20 euros para os que non o son, e inclúe autobús e seguro. A comida será no medio da ruta e ten que levala cada un.
Para participar é imprescindible anotarse en Gráficas Arfe ou ben no teléfono 982 580 504 antes do xoves, 8 de outubro, ás 20 horas.
Terras de Lourenzá fará a ruta do Desfiladero de los Arrudos, en Asturias, o vindeiro 11 de outubro.
29/09/2015
Rematando setembro, a Asociación de Sendeirismo Terras de Lourenzá presenta a ruta do mes de outubro. Nesta ocasión volve desprazarse á veciña comunidade de Asturias, para, en pleno Parque Natural de Redes, realizar a ruta do Desfiladero de los Arrudos (PR.AS-61).
Trátase dun percorrido lineal, de 11 kms e dificultade media-baixa, que os levará de Caleao a La Fontona, con regreso a Caleao. Tendo en conta as características do entorno, recomendan levar botas e bastóns.
Esta andaina será o domingo, 11 de outubro, e a saída de Lourenzá está prevista para as 7 da mañá. No prezo (de 35€ para socios e 40€ para non socios) inclúese o transporte en autobús...
leer más 22/09/2015
A asociación de sendeirismo Os Sendeiros de Foz ten previsto desprazarse o próximo 4 de outubro á Ribeira Sacra para facer a ruta da Cubela, no municipio de Ribas do Sil. A saída está prevista ás 7:30 horas dende o Concello de Foz e o prazo para inscribirse na actividade pecha o 2 de outubro. Poderase facer nos teléfonos 696 23 60 20 (Luciano) ou 670 36 90 17 (Morís). Tamén é posible a inscrición no correo electrónico ossendeiros@yahoo.es
O prezo é de 15 euros para os socios e de 20 para os non socios. Recoméndase levar equipo de sendeirismo. A ruta ten unha dificultade media. A actividade non inclúe seguro se accidentes, así que cada participante farase cargo dos danos que poda sufrir. A comida será por conta propia no San...
leer más 15/09/2015
A asociación de sendeirismo Terras de Lourenzá organiza o próximo 27 de setembro unha ruta ao San Cosme da Montaña, que levará aos participantes ata a tan afamada romaría. A saída é ás 9 da mañá do domingo, 27 de setembro, do Cantón de Vilanova. Está previsto que os anotados se distribúan nos coches, para completar as prazas e así evitar levalos medio baleiros. Dende este punto desprazaranse ata diante da Catedral de Mondoñedo, onde está previsto o inicio da ruta, arredor das 9:30 horas.
Despois de 12 kms. de dificultade media, chegarán ó entorno do San Cosme, onde poderán desfrutar da xornada de romaría e festa. A comida será por libre, polo que cada un pode optar por levala da casa, ou ben xantar nos postos que están situados para a festa (polbo, churrasco…).
... leer más 10/09/2015
O grupo de sendeirismo da ACD Xove desprazarase o 20 de setembro ao municipio de Ribas do Sil (Lugo) para facer a ruta de A Cubela, segundo os organizadores “unha das máis bonitas que se pode facer na Ribeira Sacra”. O percorrido, de 14 quilómetros, atravesa antigas minas romanas de ouro, aldeas restauradas, viñedos, soutos, castros, igrexas románicas e mosteiros. Tamén verán os participantes o espectacular meandro de 180º do río Sil na Cubela, así como San Clodio, a capital do concello de Ribas do Sil.
A dificultade é media-baixa e a saída en autobús será dende o Centro Cívico de Xove ás 7:45 horas da mañá. O prezo para socios non federados será de 12 euros, para socios con seguro deportivo, 14 euros, para non socios federados, 15 euros, e para non socios con seguro...
leer más