Solidariedade
07/06/2016
O vindeiro sábado, 11 de xuño, terá lugar na praza da Mariña unha xornada solidaria Por un mundo sen muros “para axudar na situación que está a vivir Siria nestes momentos”, segundo explica a concelleira de Inmigración e Cooperación, Angélica Gómez.
Ao longo do día haberá diversas actividades como manualidades infantís e confección dun mural a partir das 10:30 horas; xogos infantís, pintacaras… amenizados por Medio Quinhón ás 16:00 horas. A sesión vermú, prevista para as 12:30 horas, estará amenizada por Batuko Tabanka e Rabentola. Por esta xornada tamén pasará o Mago Senín a partir das sete da tarde. Xa ás 20 horas terá lugar unha charla coloquio Refuxiados Sirios, ofrecida polo voluntario Óscar Palleiro e a continuación música...
leer más 01/06/2016
Barreiros celebra o VI Día Solidario cunha cea-baile benéfica, que terá lugar o día 10 de xuño.
A Rede de Voluntariado Local e o Departamento de Servizos Sociais do Concello organizan este VI Día Solidario. Esta cea terá lugar o 10 de xuño no restaurante A Ribeira a partir das 21:30 horas. O prezo é de 20 euros por persoa, 10 euros no caso dos nenos e nenas ata dez anos. Para asistir é necesario anotarse antes do vindeiro luns, 6 de xuño, no Departamento de Servizos Sociais do Concello, entre as 10:00 e as 14:00 horas, no número de teléfono 982 12 40 02. Durante a cea haberá sorteo de agasallos.
A doazón do recadado será entregada a asociación Ring...
leer más 22/04/2016
Céntimo solidario, así se denomina a campaña que levará a cabo o Centro Comercial Aberto de Foz entre o 29 de abril e o 8 de maio para a recollida de donativos destinados á Delegación Local da Asociación Española de Loita contra o Cancro. Esta campaña solidaria foi presentada pola presidenta da asociación focense, Antonia García, e polo presidente de Acia/CCA, José Carlos Paleo.
En total son 70 os establecementos comerciais e hostaleiros que participarán no Céntimo solidario. Paleo explica que “entre luns e martes da vindeira semana procederase a repartir as huchas que estarán instaladas neses locais entre o 29 de abril e o 8 de maio. Pensamos que a solidariedade sempre é necesaria, e si falamos de saúde aínda máis”.
... leer más 27/12/2015
O vindeiro sábado, 2 de xaneiro, ás 20 horas a Casa da Cultura de Foz acolle a representación da obra O caldeiro máxico, a cargo do polo grupo teatral O Centiño, de San Martiño. Trátase dunha función benéfica coa fin de recadar alimentos para o Banco de Alimentos de Foz, organizada conxuntamente polo grupo teatral e polo Concello focense. A entrada será gratuíta, pero os asistentes poderán levar calquera tipo alimento para contribuír ás doazóns para a xente que o necesite.
A peza teatral de O Centiño reúne no escenario bruxas, taberneiros, borrachos, enterradores, normandos e peregrinos, arredor dun caldeiro prodixioso capaz de mudar o destino e encamiñalo á felicidade.
07/12/2015
O Concello de Cervo e a sección de baloncesto do Club Deportivo San Ciprián organizan unha recollida de alimentos e xoguetes para os máis necesitados durante un evento que se denomina Unha canasta solidaria. Será este domingo, día 13, a partir das catro e media da tarde no pavillón municipal de A Veiga, en San Ciprián. Na presentación das actividades participaron o concelleiro de Deportes, José Ramón Soto, e os responsables da sección de baloncesto do CD San Ciprián Nacho Mota e Kevin.
O edil delegado de Deportes en Cervo explicou que para este evento contan con colaboración de Cruz Roja e do Club de Baloncesto Terra Cha e comentou que “nestas datas tan entrañables nas que a solidariedade emerxe dunha forma especial o equipo de baloncesto de San Ciprián e o Concello de...
leer más 06/11/2015
A campaña “Restaurantes contra el Hambre” é a maior iniciativa solidaria da hostelería en España, promovida por Acción contra el Hambre en colaboración coa Federación Española de Hostelería. O único restaurante na Mariña de Lugo que participa nesta edición é As Tixolas (Covas-Viveiro), mentres que de toda a provincia de Lugo son tres os restaurantes adheridos.
O menú solidario que ofrece As Tixolas consta de 5 pratos, postre, café de pota, chupito e cañita rechea de crema, todo por 19 euros. O menú, que se renova cada poucas semanas, consta agora mesmo de Cigaliñas con aceite de allo e perexil, Tallaríns de luras salteados con langostinos, Cogomelos á prancha con xamón, Tixoliña de ovos rotos con raxo e pementos, Meixela de boi estufada ó Mencía, Flan de queixo con xelado...
leer más 04/09/2015
O vindeiro 18 de setembro terá lugar o V Día Solidario, con cea-baile benéfica, que organizan a Rede de Voluntariado Local e a Concellería de Servizos Sociais de Barreiros. O recadado será destinado á asociación Piel de Mariposa Debra España.
A cea celebrarase no restaurante A Ribeira a partir das 21:30 horas. O prezo do cuberto por persoa será de 20 euros. Os nenos e nenas de ata 10 anos pagarán 10 euros.
As persoas interesadas en acudir deben anotarse antes do día 16 deste mes nos seguintes teléfonos: 661 07 83 23 ou 982 124 002.
Durante esta cea-baile benéfica intervirá un representante da asociación Piel de Mariposa Debra España. Os organizadores explican que haberá sorteo de agasallos...
leer más 12/08/2015
"El camino con Barry. Peregrino Solidario" é o nome da peregrinación solidaria que Eloy Maza realiza dende a localidade madrileña de Boalo ata Compostela co fin de reunir fondos para axudar aos nenos enfermos de cancro. Farao a través de asociacións como a Fundación Blas Ponce.
O peregrino solidario chega a Ribadeo o 16 de agosto logo de pasar por diversas cidades españolas dende que o 14 de xuño comezara o Camiño. En 11 das paradas imparte clases gratuítas de Joy Ga, unha actividade divertida apta para todos os públicos. A de Ribadeo realizarase nos pavillóns da rúa Alfredo Deaño, entre as 10 e as 12 horas.
O Concello colabora con El camino con Barry cedéndolles a instalación para realizar estas actividades e para pernoctar. ...
leer más 11/08/2015
Xa está aquí unha nova edición da carreira lúdico deportiva O Rei do adoquín, que organizan Hola Ola e R Fusión coa colaboración de Acisa e do Concello de Ribadeo. O evento terá lugar este venres, 14 de agosto, a partir das dez da noite.
A saída efectuarase desde o Bar Marinero e a meta estará situada na Casa do Concello. Haberá premios ao primeiro/a en chegar, ao primeiro/a en bicicleta, ao primeiro/a con disfraz, ao primeiro/a con cartivo e ao primeiro/a con can. Haberá unha zona de avituallamento no restaurante Tmos.
As persoas interesadas en participar poden inscribirse a partir das nove da noite na saída. Deberán paga un euro. A directiva de Acisa explica que “os cartos recadados serán doados ao refuxio canino de Ribadeo, que...
leer más 17/03/2015
O vindeiro 27 de marzo terá lugar en Burela a IV Carreira Solidaria Pon a túa gota. Gotas para Níxer, que organiza o Centro de Educación Medioambiental Gaia e o Concello coa colaboración de Unicef.
Desde Gaia lembran que “cada ano, en datas próxima do día da auga (22 de marzo) organízanse carreiras solidarias co obxectivo de apoiar os programas de supervivencia infantil en Níxer”. Este é o cuarto ano que se organiza esta carreira en Burela “para recadar fondos co lema neste ano Pon a túa gota. Auga nas escolas. O obxectivo deste 2015 é levar auga potable a 30 escolas nixerianas”. Todos os participantes entregarán un euro a cambio dun dorsal.
O percorrido será o seguinte: saída da escola infantil, sendeiro ao son da variante, cruce...
leer más