concurso

Burela celebrará o sábado 22 de agosto o I Concurso de Pesca Xuvenil, unha nova iniciativa da Asociación de Pesca Recreativa de Burela que conta coa colaboración do Concello de Burela e da Fundación Expomar. A actividade desenvolverase entre as 16:00 e as 18:00 horas no espigón da lonxa e está dirixida a nenos e nenas de entre 6 e 14 anos, “co obxectivo de incorporar ós máis novos a unha actividade estreitamente vinculada coa tradición e coa cultura marítima de Burela”.

O Concello de Burela explica que o gañador ou gañadora será o participante que consiga o maior número de capturas, sen que o tamaño determine a clasificación, e no caso de empate, decidirase segundo o peso das capturas. As pezas que non dean a talla deberán ser devoltas ao mar, de acordo co establecido nas bases da convocatoria. Os tres primeiros clasificados recibirán un...

Viveiro acollerá o venres 29 e sábado 30 de maio o 1º Concurso de Miniburguers, unha iniciativa impulsada pola Asociación de Comerciantes do Centro Histórico co obxectivo de “dinamizar a actividade comercial e hostaleira da vila, ofrecendo ao mesmo tempo unha experiencia culinaria diferente e atractiva”. 

Nesta edición participarán 7 locais, que elaborarán diferentes miniburguers. Os participantes e as súas propostas son: Muro Restaurante, con Miniburguer de Pulled Pork; Vinoteca Los Leones, coa súa Miniburguer Los Leones, que ten como ingredientes principais carne de porco celta, rulo de cabra e cebola caramelizada; Cornelius presenta a súa CorneBurguer, unha combinación de carne de tenreira, papada, chutney de mango e cebola crocante; La Tortilla Maravilla, coa súa TortiBurguer, coa tortilla de patacas con cebola como gran protagonista;...

O Concello de Cervo, a través da delegación de Medio Ambiente, convoca o XVI concurso fotográfico de medio ambiente Cervo Respecta 2026. “Os participantes poderán presentar un máximo de dúas fotografías, baseadas na temática xenérica do medio ambiente, inéditas e orixinais, sacadas en calquera lugar da Comunidade Autónoma de Galicia. Terán que ser imaxes de natureza viva, que sirvan de exemplo de conservación do noso medio. Deberanse presentar en formato dixital (JPEG), en alta calidade, a unha resolución mínima de 2.048 px. sen limitación de tamaño en MB; a través do correo medioambiente@concellodecervo.com. O prazo para presentar as imaxes remata o 22 de maio”.

Hai tres premios establecidos: un primeiro, un segundo, e o premio Top Cervo á mellor fotografía na que se...

Volve o Concurso de Fotografía do Centro de Información á Muller (CIM) do Concello de Ribadeo. O prazo para entregar traballos está aberto desde o día 5 ata o 17 de marzo.

“Este ano queremos que nos amosedes, a través dunha imaxe: Que é para ti a igualdade? Mulleres que inspiran. Buscamos fotografías que reflictan historias, persoas ou momentos que representen forza, igualdade e inspiración feminina no día a día. Quen pode participar? Categoría A: Moz@s de 12 a 17 anos; Categoría B: Maiores de 18 anos; Categoría C: Centros de ESO e FP da localidade. Prazo de presentación: Do 5 ao 17 de marzo de 2026 ata as 14:00 horas. Como participar? Envía a túa fotografía en formato JPG a: cim@ribadeo.gal. Asunto: Concurso fotografía igualdade + categoría. Premios: Categoría A: 400 €; Categoría B: 300 €; Categoría C...