Barreiros
23/07/2015
O espazo cultural Eido Dourado, de Barreiros, terá esta fin de semana unha programación especial con motivo da celebración do Día da Patria. A cita xa é unha tradición no verán da Mariña, e nela non faltará a música e a festa. A conmemoración comezará a noite do 24 nas terrazas do cámping Gaivota, a cargo do grupo A Bagunda. “Teremos a actuación dun grupo folk, que eles definen de folk de tipo republicano. É unha xente moi metida no mundo da música, teñen un longo percorrido. A actuación irá acompañada da correspondente queimada, que facemos todos os venres”, sinalou o promotor do evento, Celso Dourado.
A programación continúa dous días despois, o domingo 26, no Eido Dourado. “A partir das dez da noite, coa caída do sol, vainos acompañar Vai Trío, un trío de músicos cunha...
leer más 15/07/2015
O vindeiro domingo, 19 de xullo, arrinca a programación cultural do Eido Dourado, en Barreiros. Será unha representación teatral a cargo do mariñán Manuel Lourenzo, segundo deu a coñecer no día de hoxe o artista Celso Dourado.
Dourado explicou que “esta tempada vai arrincar o domingo, 19 de xullo, a partir das 22 horas nos xardíns do Eido Dourado, cunha representación teatral a cargo de Manuel Lourenzo, que é unha personalidade sumamente coñecida dentro da escena teatral. A obra que vai representar está promovida polo club de teatro Elsinor e leva por título A técnica do taratantanleo. Podemos dicir que é unha transición no mundo de Otero Pedrayo o cal é un referente, está interpretada e dirixida por Manuel Lourenzo e conta coa colaboración de Xosé Martínez, autor da...
leer más 14/07/2015
A compañía uruguaia Sentido Sur e o grupo local Arco da Vella protagonizarán a Mostra Folclórica de Verán que se celebrará este xoves, 16 de xullo, ás 20 horas na pista das festas de San Bartolo.
Segundo explican desde o Concello “o contacto con esta compañía foi a través da asociación Mural Folk, que xunto a Festifolk (entidade que integra a máis de 45 asociacións folclóricas sen ánimo de lucro en España), se puxeron en contacto con Arco da Vella.
Sentido Sur é unha compañía formada por 25 persoas, 16 bailaríns de 9 músicos. O grupo está estes días de xira por Galicia e logo continuará no País Vasco, Asturias, Extremadura e Portugal. Os seus principais obxectivos son os de conformar pezas capaces de expresar a identidade uruguaia...
leer más 14/07/2015
Os nenos e as nenas de Barreiros poderán gozar o próximo 17 de xullo xunto aos seus pais dun concerto de Xoán Curiel e a banda Son+d2 no que se mesturarán estilos coma blues, funk, rock ou bossa nova. O espectáculo que FalaRedes, o programa de dinamización lingüística que a Xunta de Galicia pon en marcha por cuarto ano nos concellos de Galicia, preséntase baixo o título Estamos no verán!!! e terá lugar ás 20 horas no Centro Sociocultural Manuel Díaz Sampedro de San Cosme.
O concerto está dirixido a nenos e nenas de 7 a 12 anos e, ademáis da variedade musical proposta conta con divertidas coreografías a cargo da bailarina Marta Alonso, unha combinación coa que se espera facer bailar a cativos e pais.
13/07/2015
Barreiros acollerá a actividade O sabor da aventura está no mar. Será o 20 de xullo ás dez da mañá no pavillón polideportivo. As prazas son limitadas. A inscrición estará aberta ata o 15 de xullo na oficina de turismo da localidade.
Desde o Concello explican que “esta actividade O sabor da aventura está no mar é unha campaña deseñada pola Consellería do Medio Rural e do Mar, que se centra en transmitir aos nenos e nenas a importancia dos produtos do mar na dieta e o fomento do seu consumo. Trátase dun obradoiro lúdico, que os motive no consumo de produtos do mar, que fomente o seu interese por este produto e polas posibilidades que ofrece”.
A actividade, que está destinada a nenos e nenas de 3 a 12 anos, levarase a cabo o 20 de...
leer más 02/07/2015
Segundo explica o tenente de alcalde, José Manuel Gómez Puente, “un ano máis achégase a Romería de Santo Estevo do Ermo e desde o Concello queremos convidar a todos os veciños e veciñas de Barreiros e de toda A Mariña a participar nesta cita. Teremos rutas a pé, misa e procesión, sesión vermú, xogos infantís, torneo de tute e actuación musical”.
Gómez Puente engade que “a paraxe de Santo Estevo do Ermo é natureza pura e cun grande encanto, que o converte nun lugar idóneo para relaxarse e empaparse da súa maxia. E non poden faltar, como en toda romería que se prece, a costume de xantar en familia e entre amigos ao aire libre”.
A Romería Popular de Santo Estevo do Ermo está organizada polos veciños de Barreiros e polo Concello. ...
leer más 30/06/2015
Este vindeiro domingo, 5 de xullo, a partir das 10.30 h celebrarase unha carreira popular, nun formato pouco tradicional e único na Mariña lucense e Occidente asturiano. Trátase da II Carreira de relevos Ría do Masma.
Desenrolarase dende o campo de fútbol do Cascabeiro, en Barreiros e haberá circuítos infantís (a partir das 11.30 h) e de adultos (10.30 h). Trátase dunha carreira de relevos, na que os equipos deberán estar compostos por 4 membros. Haberá categorías masculina, feminina e mixta. En nenos establécense así mesmo 3 categorías por idades. Os percorridos na categoría adulta serán de 4 postas de 8.000 m cada unha, mentres que nas categorías infantís serán de 200 m, 400 m e 700 m cada posta e según as idades.
As categorías...
leer más 29/06/2015
O Eido Dourado abre as súas portas este mércores, 1 de xullo, na que será a sétima tempada deste espazo dedicado ao arte. A carón da praia de A Pasada poderá visitarse ata que remate o verán de martes a domingo en horario de 11:30 a 13:30 polas mañás e de 18 a 21 horas polas tardes, segundo deu a coñecer o seu creador Celso Dourado.
O artista barreirense fixo unha valoración moi positiva da acollida que tivo entre o público o VII Encontro no Eido Dourado, que tivo lugar o pasado sábado nos xardíns deste espazo e que serviu coma punto de partida desta nova tempada. Alí déronse cita a música, a poesía e o teatro, unha combinación que agradou moito aos asistentes.
Os xardíns do Eido Dourado acollerán un verán máis diversas actuacións...
leer más 19/06/2015
O VII Encontro no Eido Dourado terá lugar o vindeiro 27 de xuño. No acto, co que arrincará a nova tempada deste espazo dedicado ao arte, daranse cita a música, a poesía e o teatro, segundo deu a coñecer neste xornada o artista Celso Dourado.
Dourado contou que “estamos ultimando os detalles e coordinando todas as intervencións. Cada ano que pasa súmanse máis e máis amigos e a verdade é que non sabemos como vamos facer para darlles cabida, polo que estamos cos últimos preparativos”.
O artista barreirense indicou que “este sétimo Encontro no Eido Dourado, que dará comezo ás 8 da tarde do vindeiro 27 de xuño, sábado, vai ter como cabeceiro a poesía alternativa e musicada feita en galego. Neste apartado dalgunha maneira a voz cantante...
leer más 17/06/2015
A biblioteca pública municipal e a Omix organizan un Obradoiro práctico de pintura. Técnica mural, que terá lugar do 10 ao 29 de xullo no centro sociocultural Manuel Díaz Sampedro. Será os luns, mércores de venres de 11 a 13 horas e está dirixido a rapaces e rapazas con idades comprendidas entre os 7 e os 30 anos.
Xa en agosto haberá un Obradoiro de danza moderna. Será do 3 ao 17 dese mes de luns a venres de 10:45 horas a 13:15 horas e tamén está dirixido a rapaces de 7 a 30 anos. Este obradoiro, tamén gratuíto, impartirase no centro sociocultural Manuel Díaz Sampedro.
Segundo informa o Concello as prazas son limitadas e ocuparanse por orde de inscrición. Os obradoiros son gratuíto.