Burela
O Club Pádel Burela, que ten a súa sede nas instalacións do centro deportivo e de ocio Activity Center, gañou o play off de Galicia Norte das Series Nacionales de Pádel en categoría 500, competición que se disputou en Ames e A Coruña esta pasada fin de semana.
O capitán do equipo burelés que participa nas SNP, Cándido Fraga Eijo, explica que “o Club Pádel Burela disputa as Series Nacionales de Pádel (SNP) en categoría 500. Empezamos a competición en setembro en 2ª División e, como quedamos primeiros, en decembro retamos a un equipo de 1ª categoría de 500 e ascendemos. A liga rematou a finais de xaneiro e despois disputamos o play off da fase final de Galicia Norte, para equipos campións das provincias de Lugo e A Coruña, que xogamos este pasado fin de semana e gañamos”.
Cándido Fraga destaca: “somos o primeiro...
leer más
A concelleira de Festexos, Toñi Eijo, agradece á Asociación de Axuda ó Enfermo Mental A Mariña a elaboración da Sardiña para o Enterro que terá lugar este mércores, 2 de marzo, a partires das oito da tarde con saída desde O Poeta e chegada ao Penoural.
Eijo subliñou que “queremos agradecer o traballo realizado por este colectivo, que todos os anos colabora co Concello. A Sardiña está moi traballada e é moi chula. E tamén queremos dalas grazas a Dambara, que poñerá o toque musical no Enterro da Sardiña do mércores”.
Xunto á Asociación de Axuda ó Enfermo Mental A Mariña estiveron esta mañá o alcalde, Alfredo Llano, e os concelleiros de Festexos e Cultura, Toñi Eijo e José Díaz.
Día do Neno
A edil burelesa tamén adiantou que “para mañá temos prevista a celebración...
leer más
O vindeiro sábado, 5 de marzo, ás 18:00 horas será representada na Casa da Cultura de Burela “A nena que vivía nunha caixa de mistos”, a nova proposta de Caramuxo Teatro inspirada no conto “A vendedora de mistos”, de Hans Cristian Andersen. Trátase da terceira parte da triloxía sobre contos populares que comezou con “As fabas máxicas”, continuou con “Feo” (Premio María Casares a mellor espectáculo infantil) e rematará con este espectáculo.
Trátase dunha peza cunha coidada posta en escena e cunha linguaxe contemporánea, utilizando como temática a pobreza infantil.
Unha nena camiña pola rúa dun lugar a outro coa súa caixiña de mistos, a casa onde pasa a noite. Pola mañá sae pola vila para vender mistos a quen os necesite, no día a día coñece unha morea de personaxes e dous pequenos amigos, un vello can e un paxariño...
leer más
Pechada a inscrición para participar na Busca do Tesouro, que terá lugar este venres, 25 de febreiro, en Burela.
A concelleira de Servizos Sociais, Carmela López, subliña que “a convocatoria foi un éxito. Quero felicitar ao grupo de participación adolescente do Concello de Burela polo traballo realizado e pola súa implicación. Serán eles mesmos os que se ocupen do desenvolvemento do xogo e da xestión de todas as probas”.
Serán 15 grupos de 5 persoas cada uno os que se busquen o tesouro o venres por Burela. López engade que “as rúas da vila estarán animadas toda a tarde, xa que as probas están situadas en diferentes localizacións de Burela”.
Máis de 20 rapaces e rapazas do grupo de participación adolescente do Concello de Burela “organizáronse para levar adiante esta actividade, coa que o...
leer más
Ata o 13 de marzo está aberto o prazo de presentación de traballos ao Concurso Artístico convocado por Burela IN. Hoxe os artistas coñeceron o espazo e os materiais cos que se realizará a obra gañadora. A asociación Tá en Artes formará parte do xurado, segundo deu a coñecer hoxe a concelleira de Mar, Carmela López.
A edil contou que “hoxe tivo lugar a xornada para artistas. Estivemos no muro, na antiga fábrica de gres e visitando ás redeiras. Entón puideron ver in situ os materiais cos que van contar para poder presentar o seu boceto, antes do día 13. Aínda está aberto o prazo e entón queremos convidar a todos os artistas que queiran participar a que nos envíen as súas propostas ao enderezo electrónico burelain@burela.org” e engadiu que “para obter máis información poden contactar co seguinte...
leer más
A compañía De Ste Xeito representará "Feminíssimas" na Casa da Cultura de Burela o 18 de Marzo ás 21:00 horas.
Un congreso feminista na cidade de Vigo. Tres amigas da adolescencia que hai anos que non se ven. Tres maneiras moi distintas de entender o “feminismo". Por exemplo: feminismo radical, feminismo liberal e teoría queer. Este é o punto de partida da creación de Esther F. Carrodeguas, Noelia Blanco, Stephy Llaryora e Xavier Castiñeira.
Trátase dunha peza teatral con altas doses de humor, ironía e complicidade para poñer a amizade a proba mentres analizamos -desde a comedia- de...
leer más
O vindeiro martes, 22 de febreiro, ás oito da tarde terá lugar unha audición de frauta na Escola Municipal de Música de Burela. Será na Aula de Orquestra.
O director do centro, Xan Carballal, comenta que “a actividade enmárcase dentro da programación deseñada para o presente curso académico 2021-2022”.
E o mércores, día 23, haberá unha audición de vento metal ás 19:30 horas.
A Concellería de Cultura organiza un recital poético musicado tributo a Rosalía de Castro, que se celebrará o 23 de febreiro na Casa da Cultura ás 13:15 horas. Estará interpretado pola actriz mariñá Estíbaliz Veiga, á que acompañarán Erica González ao acordeón e David Castro á guitarra.
O concelleiro de Cultura, José Díaz, anunciou que “o próximo mércores, 23 de febreiro, celebrarase o Día de Rosalía. É unha xornada moi importante para as letras galegas e para Galicia en xeral. Cambiouse a data, antes era o 24 de febreiro pero parece que, segundo as últimas investigacións, ela naceu o día 23”.
O edil burelés comentou que “nós en Burela queríamos facer algo diferente. É verdade que case todos os Concellos fan algún acto que a recorde e, sobre todo, que nos recorde a todos quen foi e quen sigue sendo. Pero son...
leer más
A Concellería de Festexos presentou hoxe o cartel do Entroido 2022. Os actos programados desenvolveranse do 25 de febreiro ao 2 de marzo.
O Entroido burelés arrincará o venres, 25 de febreiro, coa celebración do xogo Busca do Tesouro, que sairá da praza de abastos ás 19:00 horas. Está organizado polo Grupo de Participación Adolescente e a inscrición previa pódese facer no teléfono 676 816 090 ou en info@branqueasociacioncurtural.com. Os grupos terán un máximo de cinco persoas, que deberán ir disfrazadas e os menores de 12 anos terán que ir acompañados de adultos.
O domingo, 27 de febreiro, celebrarase o Desfile de Carnaval que comezará ás 17:00 horas na rúa do Ril para rematar na Praza do Concello. As inscricións pódense facer na Casa da Xuventude ata o 25...
leer más
#BurelaIN, o proxecto que promove a recuperación e posta en valor de residuos derivados do mar e das actividades marítimo-pesqueiras, desenvolverá novas actividades no presente ano.
Durante o 2022, acondicionarase un muro cunha obra de arte que reflicta o carácter mariñeiro da vila. A obra artística seleccionarase a través dun concurso de propostas, cuxo prazo está aberto ata o día 13 de marzo (poden consultarse as bases na páxina web do Concello de Burela, a partir do 14 de febreiro). A obra gañadora será executada no muro situado na Rúa do Berbés, esquina Eijo Garay, contemplando a utilización de materiais en desuso como redes e gres, e será premiada con 3.000 euros.
Desde #BurelaIn “animamos ás e aos artistas que teñan interese en presentar unha proposta, a que participen dunha xuntanza o día 22 de febreiro,...
leer más