Danza

A EMMeD de Ribadeo organiza unha xornada de portas abertas o vindeiro mércores, 28 de xuño. Será no Parque de San Francisco.

Etiquetas:

26/06/2017

A Escola Municipal de Música e Danza de Ribadeo organiza o día 28 de xuño unha xornada de portas abertas. Será no Parque de San Francisco, en horario de 18:00 a 20:00 horas. Alí o profesorado do centro explicará as distintas disciplinas que se imparten, incluíndo unha pequena clase práctica.

Segundo as materias, esta actividade estará dividida por idades:
– Música e movemento: nenas e nenos nados entre os anos 2013 e 2010.
– Danza/ballet: desde os 4 anos (ano 2013) en diante.
– Práctica instrumental: desde os 8 anos (nados en 2009) en diante.

Desde a Escola Municipal de Música e Danza de Ribadeo animan a participar nesta actividade: “aproveita esta oportunidade para probar de balde”. E advirten que “en caso de inclemencias meteorolóxicas, trasladarase ás instalacións da EMMeD”.

A EMMeD de Ribadeo pechará o curso cun festival dedicado a "Músicas do Mundo". Será o 17 de xuño no Cantón.

Etiquetas:

Ribadeo, Danza, musica

14/06/2017

A Escola Municipal de Música e Danza (EMMeD) de Ribadeo vai camiño de pechar o curso 2016/17. Farao de xeito oficial este sábado, 17 de xuño, a partir das 18:00 horas no Cantón, coa celebración do festival de fin de curso que nesta ocasión está dedicado a Músicas do mundo. As diferentes agrupacións que sairán a escena interpretarán música de diferentes países, facendo un percorrido por case todo o mundo.

O responsable da EMMeD, Hugo García, manifestou que “será, unha vez máis, un festival que non deixará a ninguén indiferente. Tentaremos sorprender á xente cun festival concibido para que o desfruten non só no plano musical, que por suposto que o farán, senón tamén neste novo formato ao aire libre”.

En caso de inclemencias meteorolóxicas o festival trasladarase ao pavillón municipal.

O Valadouro conmemora o Día Internacional da Danza o 29 de abril. Será cun acto que se desenvolverá na Casa da Cultura.

Etiquetas:

O Valadouro, Día, Danza

18/04/2017

O Concello de O Valadouro conmemora o Día Internacional da Danza o día 29 de abril.

Baixo o lema de Somos un país que baila. Disfruta. Danza o 29 celebra a xornada cunha serie de actividades coa Asociación Cultural Amado Lar e o Club de Baile Deportivo Goldance. Darán comezo ás 20:30 horas e terán lugar na Casa da Cultura de O Valadouro.

Para rematar celebrarase unha master class gratuíta de baile social a cargo de Dimas Fernández Ron, profesor da Escola Goldance.

Intensa axenda de actividades na primeira semana de agosto dentro da programación cultural da que se pode gozar en Ribadeo.

Etiquetas:

Teatro, Danza, Ribadeo

01/08/2016

Intensa axenda de actividades na primeira semana de agosto dentro da programación cultural da que se pode gozar en Ribadeo.

Intensa axenda de actividades esta semana dentro da programación cultural da que se pode gozar en Ribadeo. Teatro, exposicións e danza son algunhas das propostas para as vindeiras xornadas, segundo informa a Concellaría de Cultura. A fin de semana terá lugar a Festa do Percebe en Rinlo e a Xira de Santa Cruz en Ribadeo.

Do 1 ao 10 de agosto na sala Omic estará aberta ao público unha exposición de pintura de Miguel Ángel Docobo. E do 1 ao 5 de agosto a Casa da Xuventude acollerá unha xornadas de iniciación ao cine para a mocidade.

Mañá, martes, será tempo para o teatro. Segundo explican desde a Concellaría de Cultura “despois da exitosa estrea do...

O pavillón municipal de Xove acolle este xoves, 28 de abril, a conmemoración do día internacional da danza. Trátase dun programa promovido polos IES Illa de Sarón e Marqués de Sargadelos.

Etiquetas:

Danza, Pavillón, Xove

27/04/2016

O pavillón municipal de Xove acolle este xoves, 28 de abril, a conmemoración do día internacional da danza. Trátase dun programa promovido polos IES Illa de Sarón e Marqués de Sargadelos.

Este xoves, 28 de abril, conmemoran en Xove o Día Internacional da Danza cunha serie de actuacións que terán lugar no Pavillón Municipal entre as 12:00 e as 13:30 horas.

Actuarán a Escola Municipal de Música e Danza de Ribadeo, a Asociación Cultural Saiñas de Xove, o grupo cadete da Escola Municipal de Ximnasia Rítmica de Xove e a Escola de baile deportivo Gold Dance. Ademais dos organizadores o IES Illa de Sarón e o IES Marqués de Sargadelos, tamén asistirá alumnado do CEIP Pedro Caselles Rollán de Xove e dos CEIP de Cervo e San Cibrao.

Colaboran con esta actividade as Concellerías de educación dos Concellos de Xove, Cervo e Ribadeo.

...

A EMMeD de Ribadeo organiza do 18 ao 22 de abril varias audicións para dar a coñecer o traballo que se realiza no centro.

Etiquetas:

Ribadeo, Danza, musica

14/04/2016

A EMMeD de Ribadeo organiza do 18 ao 22 de abril varias audicións para dar a coñecer o traballo que se realiza no centro.

A Escola Municipal de Música e Danza (EMMeD) de Ribadeo organiza ao longo da vindeira semana actuacións nas que participarán diferentes especialidades das que se imparten no centro. Esta actividade terá lugar entre os días 18 e 22 de abril ás 20:00 horas na propia Escola,agás a do luns 18 de abril, de vento metal, que será no Cine-Teatro. A entrada ás mesmas é libre e gratuíta.

Luns 18 de abril – Vento metal (Cine-Teatro).

Martes 19 de abril – Gaita (Escola)

Mércores 20 de abril – Acordeón e Corda (Escola)

Venres 22 de abril – Percusión (Escola)

O 30 de abril, en...

"A carón da cultura" así se denomina o programa de actividades para a Semana Santa deseñado polo Concello de Cervo e destinado a todas as idades.

Etiquetas:

Cervo, Danza, Teatro

17/03/2016

"A carón da cultura" así se denomina o programa de actividades para a Semana Santa deseñado polo Concello de Cervo e destinado a todas as idades.

O Concello de Cervo organiza diversas actividades para esta Semana Santa destinadas a público de tódalas idades dentro do programa denominado A Carón da Cultura.

A Concelleira de Cultura, Dolores García Caramés, salienta que “este programa consiste en achegar ao noso municipio diferentes eventos culturais. O Concello estará a carón da música, baile, teatro, lectura, comedia, escritura, debuxo e pintura, entre outras moitas actividades. A Carón da Cultura pretende apoiar e promover o propio do noso concello, atraer e achegar diferentes formas culturais e artísticas aos nosos veciños e de todas as idades”

Dolores García anunciou que “estas actividades...

O público familiar poderá gozar o 28 de febreiro en Ribadeo do espectáculo "Xoga", a cargo de Cía.Entremans.

Etiquetas:

Danza, Teatro, Ribadeo

26/02/2016

O público familiar poderá gozar o 28 de febreiro en Ribadeo do espectáculo "Xoga", a cargo de Cía.Entremans.

Este domingo, 28 de febreiro, o Auditorio Municipal Hernán Naval acollerá o espectáculo "Xoga", da compañía Cía.Entremans. “Unha oportunidade para descubrir como eres e saber de que estás feit@. Un encontro didáctico que conxuga espazo escénico, audiovisual, música e danza. Diversión, unión e espectáculo. Unha viaxe desde a imaxinación ao coñecemento”, explican.

Aqueles e aquelas que necesiten sentir o ritmo teñen unha oportunidade única. O espectáculo comezará ás 17:30 horas con entrada única a 3 euros.

Este venres, 5 de xuño, o auditorio municipal de Ribadeo acollerá unha actuación en favor da loita contra o cancro. Correrá a cargo do alumnado de danza da EMMeD.

Etiquetas:

Danza, Auditorio, Ribadeo

03/06/2015

Este venres, 5 de xuño, o auditorio municipal de Ribadeo acollerá unha actuación en favor da loita contra o cancro. Correrá a cargo do alumnado de danza da EMMeD.

O alumnado de danza da EMMeD de Ribadeo presenta “Alicia no país das maravillas”. Será este venres, 5 de xuño, ás 20 horas no auditorio municipal.

Trátase dunha actuación a favor da loita contra o cancro. Está organizada pola Asociación Española Contra el Cáncer e conta coa colaboración do Concello de Ribadeo.

O prezo das entradas será de 4 euros.