Feira
Á area recreativa Os Castros, de Cangas de Foz, acollerá este domingo, 21 de agosto, a oitava edición da feira de gando, que se recupera despois de dous anos sen celebrarse. Está organizada polo Concello de Foz coa colaboración de Cabaleiros de Cangas, Agrupación Deportiva e Cultural Os Castros, Asociación de Veciños San Pedro e Comunidade de Montes Veciñais en Man Común Real, Rañadoiro e Agudo.
A apertura da feira e do mercado tradicional será ás 10 da mañá e ás 16:00 horas comezarán as probas de andadura. A continuación terá lugar a entrega de premios.
No recinto feiral poderá degustarse polbo á feira, xamón, churrasco e outros produtos.
Durante a mañá haberá cabalos para paseos gratuítos e o evento contará con animación musical a cargo dunha discoteca móbil.
O Concello de Viveiro celebra desde o venres, día 12, e ata o luns 15 nos Xardíns Noriega Varela a Feira do Libro 2022 ‘Movémonos cos Libros’, cunha ampla oferta cultural e encontros con diferentes escritores e escritoras.
Esta mañá presentaron a feira a alcaldesa de Viveiro, María Loureiro; a concelleira de Cultura, Lara Fernández Fernández-Noriega, e María del Cielo Fernández, vicepresidenta da Federación de Librarías de Galicia.
A pregoeira será María Carmen Lage López, antiga propietaria da libraría Porta de Vila de Viveiro, e a pregoeira infantil Iria Pérez Giz, nunha inauguración oficial que será o venres ás 13:00 horas.
“Durante catro días, Viveiro será a capital do libro en Galicia e asistiremos ao encontro entre os escritores e escritoras que participarán na feira e os seus...
leer más
O Concello de Viveiro acolleu a presentación da XXXVIII Feira de Artesanía, que se celebrará nos xardíns Noriega Varela entre os días 12 e 21 de agosto.
Despois de dous anos de limitacións pola pandemia, a feira terá este ano 32 stands e a presenza de numerosos profesionais deste eido.
Como novidade, este ano ademais haberá un stand efémero, no que algúns días haberá artesanos e outros obradoiros ou demostracións do oficio.
“Unha referencia no sector, unha feira que destaca pola calidade e a variedade da artesanía, polo que estou convencida de que será un éxito”, afirmou a alcaldesa de Viveiro, María Loureiro.
Comeza a contra atrás para a trixésimo sexta edición da Feira do Bonito de Burela, que se celebrará a primeira fin de semana de agosto. Organizadores e Concello veñen de realizar a presentación oficial na Casa Consistorial coa colaboración da Deputación de Lugo, que promoveu unha sesión de showcooking e unha degustación posterior deste produto emblema.
Burela estreará este 2022 o recente nomeamento da Feira do Bonito como de Interese Turístico Nacional despois de anos de arduo traballo para acadar esta distinción e dous anos de pandemia que impediron celebrar esta feira tan sinalada na localidade.
No acto de presentación estiveron o alcalde de Burela, Alfredo Llano, o presidente da Deputación de Lugo, José Tomé Roca, o delegado territorial da Xunta en Lugo, Javier Arias, a subdelegada de Goberno en Lugo, Isabel...
leer más
Burela estreará este ano 2022 o recente nomeamento da Feira do Bonito como de Interese Turístico Nacional. Nunha aposta decidida por continuar coa súa promoción, organizadores e Concello realizarán a presentación desta cita gastronómica e cultural nas instalacións do coñecido circuíto de Montmeló.
Ata esta localidade catalá desprazarase unha delegación encabezada polo alcalde de Burela, Alfredo Llano, acompañado dun grupo de veteranos do mar e a cronista oficial do concello, Herminia Pernas, co obxectivo de presentar a Feira do Bonito que terá lugar o primeiro fin de semana de agosto, así como dar a coñecer neste lugar todos os atractivos turísticos cos que conta Burela.
Segundo afirmou o alcalde, “existe unha vinculación entre os dous municipios pola industria da cerámica que foi moi representativa aquí en Burela...
leer más
Despois duns anos de parálise por mor do COVID, o Concello de Foz anuncia que a Feira da Espiñeira volverá este domingo 19 de xuño no recinto habitual na parroquia de Vilaronte.
O alcalde, Fran Cajoto, explica que “ao gando habitual de vacas e cabalos sumaranse outros animais nunha xornada de festa que tivera unha gran importancia económica no seu momento. A feira, que fora recuperada no ano 1998 por parte dos veciños da Espiñeira despois de 20 anos sen celebrarse, continúa coa organización do Concello: é moi importante, cada vez máis, tamén para que os cativos teñan contacto coa natureza e a gandería. Vamos poder desfrutar dos animais, pero tamén haberá música co Dj Tapy García, cantina e, por suposto, unha pulpería para todos os que queiran pasar o día na Espiñeira”
A feira da Espiñeira celébrase de forma...
leer más
A oitava edición de Letras no Campo, a feira ribadense do libro, celebrarase do 14 ao 17 de maio. Haberá presentacións de libros, concertos, a proxección dunha película e un photocall moi especial do que participarán o Coco e a Coca. As casetas abrirán de 11:30 a 13:30 horas polas mañás e de 17:30 a 20:30 horas polas tardes. As Letras no Campo foron presentadas pola concelleira de Cultura, Pilar Otero, e por libreiros participantes.
A edil ribadense manifestou: “podemos dicir que nesta fin de semana longa en Ribadeo temos moitos atractivos para quen vivimos aquí e para todas as persoas que queiran vir visitarnos. Mentres a feira do libro se está a desenvolver ponse en marcha o Ribadeo de Tapeo, o clásico e pioneiro evento de tapas que ofrece as mellores suxestións en bares e restaurantes. Tamén o programa de achegamento e goce da nosa...
leer más
A Asociación de Veciños San Sebastián de Carballido organiza a Feira do Trece que se celebrará na parroquia de Carballido, en Alfoz, o 18 de xuño.
Ás 10:00 horas terá lugar a apertura da feira na que haberá postos de gando, maquinaria, artesanía e produtos da zona como cereixas. Ás 13:00 horas celebrarase a sesión vermú e un xantar con menú típico e ás 16:30 procederase á entrega de premios da feira e sorteo de agasallos.
Ás 18:00 horas terá lugar unha exhibición canina a cargo de Paco Lobo coa participación de campións e subcampións de Europa e de España. Ás 18:30 h. haberá unha mostra de adestramento canino caneduro e ás 21:00 horas volverá unha segunda exhibición canina de Paco Lobo. A xornada rematará cunha cea e verbena.
No concurso de gando haberá premios para o lote máis numeroso...
leer más
O Concello de Viveiro retoma este ano unha das súas citas tradicionais do verán, a XIII Feira Renacentista, tras o parón obrigado pola pandemia do coronavirus.
Esta nova edición da feira e o mercado renacentista será os días 7, 8, 9 e 10 de xullo, tras a celebración do Resurrection Fest.
“A feira lucirá de novo con todo o seu esplendor e coa súa programación habitual, con actividades como o desembarco e as comidas na rúa”, explica a concelleira de Cultura, Lara Fernández-Noriega.
“É unha satisfacción poder recuperar a normalidade tras dous anos de pandemia, cun evento como este tan esperado por veciños e visitantes”, engade pola súa parte a alcaldesa de Viveiro, María Loureiro.