Ruta
A asociación Pasada das Cabras de Burela comeza o ano cunha ruta pola Pena Abaladoira e a Fervenza do Escouridal en Alfoz. Será o sábado, 12 de xaneiro.
A saída será ás 9:00 horas da Estación de Autobuses de Burela.
O prezo para os socios é de 20 euros e 25€ para os non socios. Inclúe autobús, comida e máis seguro.
Para poder asistir hai que anotarse en Gráficas Arfe ou no teléfono 982 580 504, antes do xoves 10, ás 20:00 horas.
Os organizadores recomendan levar botas e máis bastón, e informan que o nivel de dificultade da ruta, que ten 8 quilómetros de percorrido, é baixo.
A asociación Os Sendeiros de Foz organiza o primeiro andareiro de 2019 o vindeiro 13 de xaneiro a Teixois, en Taramundi (Asturias).
A saída será ás 8:00 horas do colexio do Pilar e ás 8:20 h. de Ferreira.
O prezo é 25 euros para os socios federados, 29 euros para os socios non federados e 33 euros para os non socios. Está incluído o xantar.
O prazo para anotarse remata o 9 de xaneiro e pode facerse nos teléfonos 606 718 482 e 670 369 017, e no e-mail ossendeiros@yahoo.es.
A organización recomenda levar equipo de sendeirismo e comunica que a ruta ten un nivel de dificultade medio.
O Concello de Foz colabora na organización desta actividade.
Os Sendeiros de Foz organizan unha ruta para este domingo, 16 de decembro, ao teito do concello de Tapia, ao pico Pousadoiro e á fervenza Cioyo.
A saída será ás 8:00 horas de Foz, no cruce da rúa Cervantes con Maestro Lugilde, e ás 8:30 horas de Ferreira. O último día para anotarse é o mércores 12. As inscricións poden facerse nos teléfonos 606 718 482 e 670 369 017, e no e-mail: ossendeiros@yahoo.es.
O prezo é 22 euros para os socios federados, 26€ para os socios non federados e 31 euros para os non socios. Inclúe o xantar.
A organización recomenda levar equipo de sendeirismo e informa que a ruta ten un nivel de dificultade medio.
Colabora o Concello de Foz.
O Concello de Burela ven de poñer en marcha unha ruta circular de sendeirismo. Ten unha lonxitude de máis de 16 quilómetros e percorre as praias, os paseos marítimos, as zonas xeolóxicas e o Monte Castelo, entre outras localizacións. O concelleiro de Turismo, Ramiro Fernández Rey, salienta que é unha nova aposta pola atracción de turismo. O investimento ascendeu a 8.000 euros.
Fernández Rey anunciou que “imos inaugurar a nova sinalización dunha ruta circular que Pasada das Cabras, que é unha asociación de sendeirismo de Burela, nos tiña solicitada fai tempo. Puxémonos a traballar na delimitación deste espazo e despois de conseguir todos os permisos, que nos levou o seu tempo, hoxe xa podemos dicir que é unha realidade a sinalización desta ruta”.
O edil burelés explicou que “é unha ruta circular por todo o concello...
leer más
Acial organiza a VI Ruta de Tapas de Lourenzá os días 9, 10 e 11 de novembro.
Os sete locais participantes ofrecerán tapas ao prezo de 2 euros. O venres o horario irá de 20:00 a 23:00 horas, o sábado de 12:00 a 15:00 horas e de 20:00 a 23:30 horas, e o domingo de 12:00 a 15:00 horas. Ademais as persoas que percorran esta ruta de tapas poderán gañar ata 225 euros en vales de compra.
Os establecementos hostaleiros que participarán na VI Ruta de Tapas de Lourenzá serán: La Unión, O Pipote, Cafetería Galaxia, Bar Cantón, O Recanto, Morrigan e O Torreón.
O Concello de Ribadeo, desde á Área de Turismo, pon e marcha un novo itinerario turístico que ten como obxectivo “a posta en valor do corazón do noso municipio, o noso interior, un espazo fermoso, que ata o de agora se atopaba discretamente silenciado”, segundo explica Ana Martínez.
A concelleira ribadense subliña que “estamos diante dun área xeográfica que posúe unhas paisaxes únicas, que fan que este territorio presente un gran potencial turístico, ofrecendo unha gran variedade de recursos de todo tipo, culturais e históricos”.
Martínez conta que “con este itinerario queremos empregar a riqueza do interior como estratexia diferenciadora de cara a consolidar o turismo de interior como unha alternativa diversificadora da economía local e dos fluxos turísticos, empregando como fío condutor o patrimonio...
leer más
A Consellería de Cultura e Turismo, a través de Turismo de Galicia, vén de achegar 6.200 euros para promover a posta en marcha e sinalización da ruta circular en Burela. Trátase dun ambicioso proxecto, cun percorrido de 16,25 km de lonxitude, que une os principais atractivos turísticos deste municipio.
O delegado territorial da Xunta en Lugo, José Manuel Balseiro, explicou que este apoio autonómico está articulado a través dun convenio de colaboración asinado co Concello de Burela de tal xeito que a administración autonómica achegará o 65% do custe total desta actuación.
A axuda permitirá crear, subministrar e colocar distintos postes indicativos e paneis coa información desta ruta para que afeccionados ao sendeirismo, veciñanza e visitantes podan coñecer en todo momento o percorrido e as zonas de interese...
leer más
Os días 2, 3 e 4 de novembro terá lugar a XV Ruta 4x4 Montes da Mariña organizada polo Club Os Correcamiños. Na presentación deste evento participou o alcalde de Foz, Javier Jorge Castiñeira.
A ruta 4x4 Montes da Mariña é unha das citas máis importantes de toda España no mundo dos 4x4, con 500 vehículos participantes (150 motos, 150 quads e 200 coches) procedentes de lugares como Portugal, Madrid, Teruel, Barcelona, Bilbao, San Sebastián, Ciudad Real, entre outros.
O programa de actividades comezará a desenvolverse o venres 2 de novembro cunha recepción e pinchos no pavillón do colexio Martínez Otero, de Foz. O sábado 3 haberá ruta polos montes da Mariña, que discorrerá polos concellos de Alfoz, O Valadouro, Lourenzá, Mondoñedo, Barreiros, Cervo e Foz. A comida será en Ferreira do Valadouro e despois de volver á vila focense...
O Concello de A Pontenova organiza a IV edición da Ruta de Tapas, que se celebrará os días 1, 2 e 3 de novembro.
Os oito establecementos participantes ofrecerán as súas tapas, ao prezo de 1 euro, en horario de 20:00 a 23:00 horas.
O 3 de novembro á unha da mañá no bar Rony sortearase un premio de 300 euros entre todas aquelas tarxetas completas co selo de cada un dos bares participantes.
Os locais de hostalería que se dan cita nesta IV edición da Ruta de Tapas de A Pontenova son: A Mina, Bar Lennon, Bar Puente, Benito´s, Casa da Cultura, O Lar de Balbina, Rony e San Briz.
A asociación Cabaleiros do Landro de Viveiro organiza o sábado, 13 de outubro, a 1ª Ruta Cabalar de Viveiro.
A saída terá lugar ás 10:00 horas da explanada dos pavillóns polideportivos e á metade da ruta os participantes degustarán uns pinchos no monte San Roque.
A comida será no pavillón Antonio Tarrío e, servida por Galipizza, estará composta de callos, meixela, tarta xeada, café e chupito ao prezo de 20 euros (para os nenos ata 6 anos será gratuíta, e de 7 a 12 anos pagarán a metade). Haberá música en directo e os nenos e nenas disfrutarán de colchonetas.
Todo xinete farase cargo dos danos que poida ocasionar o seu cabalo. A reserva terá que realizarse antes do 10 de outubro nos números de teléfono: 678 069 886 (Adri), 600 968 204 (Normandy), e 660 985 747 (Sonia).