Teatro
Ibuprofeno Teatro presenta o vindeiro sábado, 20 de maio, ás 20:30 horas 'Smoke on the water' na Casa da Cultura de Burela. A montaxe da compañía de Ibuprofeno Teatro, que toma o seu título do mítico tema da banda inglesa Deep Purple, é unha traxicomedia sórdida con música en directo ambientada no universo do rock dos 70.
O texto de Santiago Cortegoso, quen asina tamén a dirección, recibiu o Premio Mome Varela Buxán de textos teatrais no 2013 e está editado por Positivas, nun único volume xunto ao último texto de Cortegoso 'O mel non caduca'. En escena Josito Porto, Belén Constenla, Adrián Rios e María Costas dan vida a uns personaxes fracasados e maltratados pola vida. Acompáñaos no escenario o músico Mon Orencio que se encarga tamén do espazo sonoro. Salvador del Río no deseño de iluminación, Pablo Giráldez 'O Pastor' no deseño do...
leer más
A Delegación de Cultura do Concello do Valadouro informa de que o vindeiro sábado, 29 de abril, ás 20:30 horas no Salón de Actos do Centro Socio-cultural, Xuvenil e da terceira Idade "Manuel Lourenzo, escenificarase a obra de Teatro Menciñeiro á forza, a cargo do grupo Os Pícaros de Lagoa.
A obra escollida é unha coñecida adaptación elaborada nos anos 60 polo escritor chairego Xosé Manuel Carballo. Trátase dun texto baseado na famosa comedia de Molière O enfermo imaxinario.
Sinopse
Un matrimonio que sempre anda á porfía. Como ela está un pouco cansa da actitude do seu marido, maquina unha vinganza: facerlles crer que andan a buscar un menciñeiro para a súa filla.
A entrada é de balde.
A Sala Bahía acollerá este sábado, día 15, ás 19 horas un monólogo de Federico Pérez, o popular actor, que é protagonista, entre outros, de Era Visto!, serie de humor da Televisión de Galicia. Esta actuación, enmarcada dentro do ciclo municipal Teatro nas Parroquias, realízase coa colaboración da asociación de veciños Torques de Marzán. A entrada será de balde.
E continuando este ciclo, o domingo 16 será a quenda de Pepo Suevos, que actuará na antiga Escola de San Acisclo ás 18 horas, tamén con entrada gratuíta. Esta actuación realízase en colaboración coa asociación de veciños Río Ouro, de San Acisclo.
A concelleira de Cultura, Inés López Couto, invita “a tod@s @s veciñ@s a desfrutar destas actuacións e a aproveitar o sábado completo visitando a Festa do Berberecho e a actuación pola noite da orquestra El Combo...
leer más
Cuturactiva Producións chega o 14 de abril con Castelao ao Teatro Pastor Díaz, de Viveiro. Será a partir das 18:00 horas.
Castelao é unha figura capital da historia das artes en Galicia e non contaba ata agora cunha proposta escénica para a infancia. Vimos a poñer remedio a isto cun gran equipo: un texto de Paula Carballeira coa dirección de Fina Calleja e con Mónica Camaño e Cris Collazo en escena. A obra presenta a un Castelao de 8 anos anos e na súa vila natal, divertido, feliz, alegre e aventureiro, buscando en todo momento a identificación da audiencia co protagonista da nosa trama. Culturactiva Producións propón unha montaxe de ritmo trepidante. A tensión dramática desta peza cabalga sobre o lombo dunha persecución polas rúas de Rianxo nas horas previas á partida cara a Arxentina de Castelao e a súa nai. E mesmo antes, da man de...
leer más
Dentro da programación cultural organizada polo Concello de Foz a compañía teatral arxentina El Vacío Fértil actuará na Casa da Cultura focega mañá, xoves 30, e o actor galego Pepo Suevos estará no local social de San Martiño este venres, día 31.
A compañía arxentina El Vacío Fértil trae mañá ás 20:30 horas á Casa da Cultura de Foz a obra de teatro adulto titulada El virus de la violencia. Escrita e dirixida por Marina Wainer transcorre durante unha lúa de mel soñada, cando a pandemia de coronavirus que comezou no 2020 irrompe na aparente felicidade dunha parella e todo cambia por completo entre eles. O elenco está formado por Romina Pinto e Iván Steinhardt.
E dentro do ciclo Teatro nas Parroquias, o actor galego Pepo Suevos actuará no local social de San Martiño este venres ás 21:00 horas.
... leer más
A asociación cultural Lume Escénico celebra o seu décimo aniversario cun ciclo de teatro na Pontenova do 26 de marzo ao 22 de abril
A primeira representación será este domingo, 26 de marzo, ás 19:00 horas e correrá a cargo de Ollomao, de Barreiros, que representará O documento.
O 1 de abril, sábado, ás 20:00 horas Achádego, de Lugo, escenificará a obra Nadal na casa dos Lamelo.
A seguinte representación do ciclo será o sábado 15 de abril ás 20:30 horas. Trípode, de Alfoz, ofrecerá a obra O Muro.
E para rematar o 22 de abril, sábado, ás 20:30 horas Lume Escénico, de A Pontenova, representará Albergue Casa Marelo.
Este ciclo está organizado pola asociación cultural Lume Escénico coa colaboración do Concello de A Pontenova.
Para conmemorar o Día Internacional do Teatro a Delegación de Cultura do Concello de Foz organiza a representación da obra O porco de pé a cargo de Producións Teatrais Excéntricas. Será mañá, xoves, ás 20:30 horas na Sala Bahía.
É unha obra escrita por Vicente Risco, dirixida por Quico Cadaval e o elenco está formado por tres coñecidos actores: Patricia Vázquez, Evaristo Calvo e Víctor Mosqueira.
É unha obra para adultos e o prezo da entrada é de 5 euros.
O vindeiro sábado, 18 de marzo, chega a Viveiro “Baile de huesos”, a cargo de Teatro Andanzas. Será ás 20:30 horas no Teatro Pastor Díaz.
Trátase dunha comedia dramática e tenra á vez que apela á emoción e á esperanza e cuxo obxecto final é unha invitación á reflexión sobre os valores da nosa existencia. É a historia de catro personaxes que viven de costas aos seus soños e á súa realidade, esmagados por unha montaña de frustracións, detidos nun espazo-tempo baleiro e que esperan a chegada da morte, mentres discuten nunha situación inevitable como persoas que desexan vivir...ou que desexan morrer. Cando chega a morte, resulta ser unha personaxe ao que a encanta a vida, é moi diferente ao que supoñemos e resulta ser afable e cordial e ata un pouco descoidado. Nesta obra e na vida a morte sabe falar pero tamén sabe escoitar para poder...
leer más
O sábado, 18 de marzo, Xoque Carbajal e Jouse García de Malasombra Producións representarán ás 20:30 horas na Casa da Cultura de Burela a conferencia fúnebre-cómico-teatral "De algo hai que morrer".
Dous prestixiosos e peculiares científicos, o profesor Jeckill e o profesor Hyde, divulgan as súas investigacións sobre un tema que afecta ao 100 % da poboación de todo o mundo sen distinción de raza, sexo ou condición: A morte.
Ao longo da conferencia, os dous profesores disertan, dramatizan e dan resposta a preguntas sobre diversos temas relacionados co asunto principal. A vida. Vivir é bonito ou está sobrevalorado? A inmortalidade. Como sería o mundo se fósemos inmortais? Os sinais. Chega a morte sen avisar ou hai pistas que a anuncian? Maneiras de morrer. Morremos sempre de repente? O suicidio creativo. Desfruta do...
leer más
O venres, 17 de marzo, ás 20:30h no Salón de Actos da Casa da Cultura, de Alfoz, terá lugar a actuación de Caxoto con "Micromachista eu??" para fomentar a igualdade e conmemorar o Día Internacional da Muller, 8 de marzo.
Coma sempre a entrada será gratuíta para poder disfrutar de 60 minutos de espectáculo dirixido a público adulto e adolescente e reflexionar con humor sobre a igualdade e nós mesmos.
"Micromachista eu??” Certa vez falando de igualdade para un grupo de persoas adultas un home indignado foise da xuntanza preguntándolle ao mundo unha e outra vez sen dar creto “micromachista eu?”…
Esa é a reacción normal que temos cando alguén nos insinúa que podemos estar tendo unha actitude ou comportamento sexista. Poucas veces a persoa que se indigna sabe realmente identificar cales son...
leer más