Teatro
En Barreiros continúa o ciclo de teatro afeccionado coa representación de “Aire fresco” a cargo do grupo cervense Ardora Teatro.
Trátase dunha comedia apta para todos os públicos na que o seu autor, Francisco Piñeiro, trata de poñer o foco sobre os problemas comúns, que todos e todas temos na cotiandade, pero tenden a ser invisibilizados tras a crise provocada pola covid.
A representación terá lugar este sábado, 16 de decembro, ás 19.00 no centro sociocultural de San Cosme de Barreiros con entrada de balde ata completar aforo.
O ciclo de teatro está enmarcado no circuíto de teatro afeccionado, que a Vicepresidencia da Deputación de Lugo puxo en marcha para manter o apoio ás artes escénicas así como ofrecer a asociacións e concellos a posibilidade de ampliar as súas axendas culturais.
A compañía lucense Ítaca Teatro presentará o vindeiro sábado, 16 de decembro, a súa peza Anacos no Multiusos Ponte de Cuñas de Lourenzá, dentro da Gala de entrega de premios e Clausura do V Certame de Teatro de Lourenzá.
Anacos é un espectáculo de narración oral no que Carlos Rebolo, o contador de historias, preséntanos varios contos de autobiografía ficcionada nos que as lembranzas irán aparecendo sen pedir permiso. Un cheiro, un sabor, unha foto, os primeiros acordes dunha canción ou mesmo o silencio dunha tarde invádenos e convídanos a viaxar pola memoria. Así, pouco a pouco, van agromado imaxes que nos levan a outros tempos vividos e fannos andar por camiños xa transitados. Cando estamos en soidade adoitamos gozalos saboreando ese instante que flota no aire e se instala na alma. Cando estamos en compañía tratamos de reconstruilos con...
leer más
O grupo de teatro Lume Escénico, da Pontenova, representará a obra titulada “Pontenova Fassion Wii” este domingo, 10 de decembro, ás 20:00 horas no centro sociocultural de San Cosme de Barreiros.
É unha comedia apta para todos os públicos, que está dentro do Circuíto de Teatro Afeccionado 2023 da Vicepresidencia da Deputación de Lugo (Área de Cultura).
A entrada será libre e de balde ata completar aforo.
O grupo teatral Os Pícaros de Lagoa, de Alfoz, representará a obra “O menciñeiro á forza” este venres, 8 de decembro, ás 20:00 horas na Escola da Órrea, no municipio de Riotorto. A entrada é de balde.
É unha actividade organizada pola Asociación de Veciños e Veciñas de Santa Comba da Órrea, co financiamento da Vicepresidencia da Deputación de Lugo (Área de Cultura).
O xurado da quinta edición do Certame de Teatro Concello de Lourenzá -formado por Isabel Vilalba, Fina González, Javier Huertas, María Cruz Valea, Miguel Gavín, María José López e Manuel Arango- deu a coñecer os nominados nas distintas categorías de premios.
Para o premio Conde Santo á mellor representación os elixidos son: Arte, de Hipócrita Teatro; Pan con chocolate, de Ollomao; e Os veciños do lado, de Fauna 113.
En canto ao premio Lourenzo ao mellor actor: Carlos Rebolo, de Hipócrita Teatro; Juan José Villarino, de O Torques; e Pablo Rodríguez, de Fauna 113.
Para o premio Ana á mellor actriz: Noelia do Correo Vello, de Ollomao; Iris Darriba, de Fauna 113; e Bea Gea, tamén de Fauna 113.
En canto ao premio ao mellor actor de reparto: Juan de Culán, de Ollomao;...
leer más
A representación terá lugar no Teatro Pastor Díaz, ás 20:30 horas. Trátase dun drama para público adulto, que terá unha duración de 95 minutos.
A función narra as sensibles e conmovedoras lembranzas dun rapaz que pasa a súa infancia na España franquista.
“Último verán en Santa Cristina”, conta o acontecido a un rapaz de 12 anos que, no ano 1960, pasa o seu último verán nunha praia preto da cidade na que vive. Moitos anos despois, cando xa é un home adulto recibe unhas cartas supostamente propiedade da súa nai xa morta e, na lectura destas cartas, rememora o acontecido aquel verán. Como ademais é fillo de militar, o rapaz vive especialmente os acontecementos da sociedade franquista da época: os desfiles na praza da cidade que coinciden coa estancia de Franco no Pazo de Meirás, a poucos quilómetros de onde el...
leer más
O salón de actos do Centro Sociocultural, Xuvenil e da Terceira Idade Manuel Lourenzo, do Valadouro, acollerá este domingo, 3 de decembro ás 19:00 horas a representación da obra “O Velorio” a cargo do grupo Borguete Teatro, de Vilalba. É unha actividade con entrada de balde, incluída no Circuíto de teatro afeccionado 2023, promovido pola Vicepresidencia da Deputación de Lugo.
É unha adaptación da obra “Os cravos de prata”, de Nicolás Belá, dirixida por Guillermo Cancedo. A sinopse é: “Pat O'Connor é un terratenente enfermo que, nos seus aparentes derradeiros días de vida, planifica o seu propio velorio por todo o alto, sen ter en conta que tamaño estipendio podería supoñer o endebedamento da súa familia, a cal non está pola labor, e que desencadeará unha serie de situacións de difícil solución”.
Este domingo, 3 de decembro ás 19:30 horas na Casa da Cultura do Vicedo a compañía Lilá Teatro representará a obra "Cachopo Máxico", que é para todos os públicos e con entrada de balde. Esta actividade, organizada pola Asociación de Veciñ@s de San Román do Vicedo, encádrase dentro do Circuíto de Teatro Profesional 2023 da Vicepresidencia da Deputación de Lugo.
O argumento da obra é o seguinte: “nunha pequena porción de terra, enriba dun monte que non se atopa en ningún mapa por ser demasiado pequeno e estar perdido entre as brétemas do esquecemento, pode divisarse unha casiña humilde e fermosa que nunca deixa de saír fume pola súa torta cheminea. Alí viven os Palpatore, unha familia singular porque coma ela non hai outra igual. Coa chegada do Nadal a casa Palpatore comeza a ferver, toca traballar sen descanso durante un mes e non están...
leer más
O grupo de teatro do Colectivo Cultural Ollomao, de Barreiros, representará a obra de "O traballo de Andrea" nos Colexios Vellos de San Miguel de Reinante o venres 1 de decembro ás 21 horas e o sábado 2 de decembro ás 19 horas.
Ollomao explica que “as persoas que teñen entradas para as funcións desta obra que foron canceladas poderán usar as mesmas, mais agradecemos que nos fagan saber que día van acudir para organizar o aforo do local”.
O teléfono de contacto para novas reservas ou calquera outra dúbida sobre estas representacións é o 678.546.526 (Marisa).
O venres, día 24, será tempo para o teatro afeccionado do Bordelo, que porá en escena O covid do mariñán, con entrada de balde ata completar aforo. A función dará comezo ás 20:30 horas. Trátase dunha comedia. Para todos os públicos.
Sinopse: A causa da pandemia, o protagonista desta historia desapareceu durante dous anos, retornando desorientado ante o asombro da veciñanza. A nova concepción de vida que trae consigo aposta por resolver os problemas da sociedade con novos enfoques e valores que os demais non acertan a comprender. O conflito entre un e outros leva á reflexión, saíndo a relucir verdades que queiman e asfixian á colectividade. Esta comedia ten a intención de activar os valores que dun tempo a esta parte foron perdendo o seu lugar na civilización. Porque para acadar o que se quere, non todo vale.
E o...
leer más