Ribadeo
A asociación ribadense Amadores da Música, que preside Elisa Álvarez Amor, convoca asemblea xeral ordinaria de soci@s para o día 16 de marzo, sábado, no salón de actos da Casa do Mar, de Ribadeo. Está fixada para as 20:00 horas en primeira convocatoria e media hora despois en segunda. A orde do día inclúe a renovación da xunta directiva do colectivo.
Na asemblea tamén se tratarán estes outros asuntos: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
Hostaleiros de Ribadeo e Acisa acudiron á xuntanza convocada hoxe polo Concello para preparar o Ribadeo de Tapeo, que se desenvolverá do 20 ao 28 de abril.
No encontro participaron o alcalde, Dani Vega, a concelleira de Turismo, Marta Saiz, así como as técnicas da Área de Desenvolvemento Local do Concello, organizador deste evento gastronómico.
O obxectivo do Concello era coñecer as inquedanzas, as suxestións e as opinións do sector sobre aqueles aspectos a mellorar.
Marta Saiz manifestou que “escoitando á hostalería é como se mellora e se innova no Ribadeo de Tapeo. E iso foi o que fixemos esta mañá falar, coñecer a súa opinión e mudar a data desta cita, que se desenvolverá do 20 ao 28 de abril. De aquí aló queda moito traballo por diante”.
O vindeiro 31 de marzo partirá de Ribadeo a terceira edición da peregrinación O Camiño do Mar Concello a Concello, que organiza a asociación Amigos del Camino del Mar Peregrinación a Santiago de Compostela.
Serán un total de 277 quilómetros, divididos en 13 etapas duns 23 quilómetros entre Ribadeo e Neda, onde concluirán o 26 de xuño.
Manuel Vicente, presidente da asociación organizadora, comentou que “con esta acción nos proponemos el objetivo de promoción, divulgación del Camino del Mar y al mismo tiempo el conocimiento de por dónde discurría la antigua vía de peregrinación que atravesaba los ayuntamientos de: Ribadeo, Barreiros, Foz, Burela, Cervo, Xove, Viveiro, O Vicedo, Mañón, Ortigueira, Cariño, Cedeira, Valdoviño, Narón y Neda bautizada con el nombre: El Camino del Mar. Una vez llegado a Neda,...
leer más
Coco El Musical Recuérdame chegará por primeira vez a Ribadeo o vindeiro 4 de maio ás cinco da tarde. As entradas para este espectáculo infantil e familiar xa están á venda.
Trátase da grande xira do quinto aniversario deste musical que desde 2018 conta con cheos absolutos nas súas funcións. Xa foi visto e aclamado por máis de 600.000 espectadores nos principais espazos escénicos de España.
Da prestixiosa Compañía de Teatro Musical de España e baixo a dirección do mítico actor e director dos grandes musicais de España, Pedro Pomares, deleitarán aos asistentes cun dos grandes musicais dos últimos anos, con voces en directo e cun apaixonante espectáculo que emocionará a toda a familia.
A concelleira de Cultura, Begoña Sanjurjo, declarou que “desde o Concello estamos encantados de recibir...
leer más
Mónica Arias González, veciña de Serantes (Asturias), foi a gañadora dunha das viaxes que Acisa sorteou na súa campaña de San Valentín. A afortunada recibiu o seu premio esta mañá.
O xerente de Acisa, Jesús Pérez, indicou que “Mónica Arias González, de Serantes, foi a gañadora dunha das dúas viaxes que sorteabamos con motivo da campaña de San Valentín. Mónica puido gañar o premio grazas a unha compra realizada en For Friends, onde recibiu a rifa co número 4.548”.
E sinalou que “a agraciada pode desfrutar deste premio tan especial dende hoxe. Mónica Arias poderá escoller entre 5.100 destinos para pasar dúas noites con almorzo para dúas persoas”.
A presidenta de Acisa, Carmen Cruzado, explicou que “a outra viaxe que correspondía á rifa 1.665, entregada en Miss-Tic, non foi reclamada polo...
leer más
O Concello convoca ao sector hostaleiro a unha xuntanza para preparar o Ribadeo de Tapeo 2024. Será o vindeiro luns, 26 de febreiro.
A concelleira de Promoción Económica e Iniciativa Empresarial, Marta Saiz, explicou que “desde o Concello xa estamos traballando no Ribadeo de Tapeo. E o que pretendemos nesta edición é mellorar e innovar estas xornadas, pero da man do sector. Por iso o vindeiro luns, 26 de febreiro, teremos unha reunión cos hostaleiros ás 10:30 horas na Casa de El Viejo Pancho”.
A edil ribadense anima a asistir a este encontro: “animamos a toda a hostalería a acudir e tamén a propoñer”.
A Xunta publicou hoxe no Diario Oficial de Galicia (DOG) a convocatoria dun curso de socorrismo en instalacións e espazos acuáticos naturais que se impartirá en Ribadeo. En toda Galicia haberá seis edicións repartidas por diferentes localidades.
No caso de Ribadeo, as datas aínda non están pechadas pero publicaranse proximamente na páxina web da Academia Galega de Seguridade Pública (Agasp). En todo caso, impartirase antes do mes de xullo. Hai 27 prazas dispoñibles e o número de horas lectivas será de 240.
A inscrición é gratuíta e poderá facerse desde mañá, 23 de febreiro, ata o 4 de marzo. Os interesados deberán cubrir o formulario de matrícula telemática dispoñible na páxina web da Agasp.
Poden participar as persoas maiores de idade que teñan o título de graduado en ESO e que non...
leer más
O pavillón municipal de deportes de Ribadeo situado na rúa Alfredo Deaño acollerá o segundo concurso de puzles solidario o 17 de marzo, domingo, desde as 10:00 horas. O evento está organizado por socias de AEPUZZ (Asociación Española de Puzzles) e a Asociación Cultural Ronqueta co apoio do Concello de Ribadeo e colaboradores como O Ferrado Marelo, Doctor Panush e Bis a Bis.
A ribadense Patricia Pérez Leal, de AEPUZZ explica que “A Mariña Lucense estase a consolidar, pouco a pouco, como un punto de referencia das persoas afeccionadas ós puzles, con varios concursos novos que tiveron lugar ó longo do 2023 nas súas poboacións e que contaron con gran aceptación. Despois do éxito do concurso de puzzles celebrado o ano pasado en Ribadeo, convocamos de novo o 2º Concurso Solidario PuzzlEO RibadEO, en colaboración coa Asociación Guillem Veiga...
leer más
A compañía Elefante Elegante representará a obra de teatro familiar titulada Cubo este domingo, 25 de febreiro, en Ribadeo. Será no auditorio municipal Hernán Naval ás 17:30 horas.
É unha creación destinada ao público familiar e infantil, a partir dos 4 anos preferentemente. O espectáculo ten orixe na abstracción desta figura xeométrica e parte da situación de confinamento para evocar a amizade, as separacións, a necesidade de descubrir o mundo e a aventura de medrar.
A estrutura escenográfica ten 2 metros de lado e as súas caras ábrense, péchanse, móntanse e desmóntanse. A figura xeométrica de 8 metros cúbicos é incriblemente sólida para soportar os corpos dos intérpretes e maxicamente lixeira para erguerse e xirar polo escenario como un enorme xoguete de madeira.