Foz
Este domingo, 19 de setembro, celebrarase en Foz o Día da Bici. Está organizado polo Concello, a través da Delegación de Xuventude e Deportes, que explica: “a pesar da situación epidemiolóxica queremos volver gozar dunha xornada familiar na que pais e nais pasean en bici cos nenos e nenas. Non poderemos realizar algunhas actividades clásicas deste día, pero adaptámonos ás circunstancias actuais”.
A inscrición previa é obrigatoria e pode realizarse mediante o correo electrónico: bici@concellodefoz.es ou a través dos perfís do Concello nas redes sociais (Facebook, Twitter e Instagram). Tan só deben remitirse os seguintes datos ata o 18 de setembro: nome e apelidos, data de nacemento e teléfono.
A saída será ás 11:30h desde a explanada do porto, a onde volverán os participantes despois...
leer más
Este sábado, 11 de setembro, ás 18.30 horas os nenos de Foz teñen unha cita co espectáculo de Troula Animación Circo Krasnovarak na praza Conde de Fontao.
A concelleira de Cultura, Inés López Couto, anuncia que “enormes animais chegarán este sábado a Foz para facer desfrutar aos nenos. É unha representación dun circo no que os animais escapan por Foz e haberá que buscalos. A compañía Troula Animación tráenos este espectáculo para animar a volta as aulas e comezar setembro con diversión. Animamos a todos as nenas e nenos a ir a desfrutar dunha representación diferente”.
Inés López Couto engade que “ademais desta actividade este sábado ás 19.30 horas na Casa da Cultura a Federación Galega de Espeleoloxía ofrecerá unha charla para divulgar o seu traballo e explicar a evolución das furnas na nosa costa. E tamén está...
leer más
Foz ten unha histórica relación co mar, de aí que fose unha parada relevante na itinerancia de “InventioMundi”, un proxecto expositivodo Consello da Cultura Galega (CCG) coa colaboraciónda Secretaría Xeral de Emigración. A presidenta do CCG, Rosario Álvarez; o secretario xeral da Emigración, Antonio Rodríguez Miranda,e o alcalde de Foz, FranCajoto, foron os encargados de inaugurar esta mostra que relata unha parte da historia da navegación marítima galega e que comeza co comercio coas Illas Molucas. A mostra, instalada noCentro de Interpretación da Mariña (CENIMA) de Foz, pode verse ata o vindeiro 15 de outubro.
Unha das primeiras noticias documentadas que se rexistran no porto de Foz é do ano 1634 cando o cartógrafo portugués Pedro Teixeira fala deste porto sito a tres leguas de Ribadeo no seu libroDescripción de España y de las costas y...
leer más
Durante o mes de setembro AciaFozCCA repartirá entre os centros de ensino e os locais asociados 4.000 motivos en apoio do comercio local. O slogan desta nova campaña de concienciación é Eu fago pobo.
O presidente de AciaFozCCA, José Carlos Paleo, explica que “con estes 4.000 motivos que faremos chegar aos colexios, institutos, garderías, centros de día, aos locais comerciais e hostaleiros, entre outros, o que queremos é visibilizar, concienciar, educar, valorar e xerar opinión sobre a importancia que ten o comercio local para o noso pobo, sobre o importante que é ser unha persoa emprendedora, sobre a necesidade de darlles continuidade aos negocios familiares e tamén sobre o positivo que supoñen as unións á hora de iniciar proxectos novos”.
Paleo engade que “a mellor forma de concienciar sobre todo isto é facelo...
leer más
A asociación Os Sendeiros de Foz organiza a XXXIII Marcha Montañeiros Veteranos de Galicia que terá lugar o 12 de setembro por terras de Barreiros.
A saída será ás 9:15 horas de Ferreira e ás 9:30 de Foz. A marcha dará comezo no Círculo Lítico da Roda pasando polo teito de Barreiros, en Penalonga, e rematará en Santo Estebo.
As persoas interesadas poden anotarse ata o 9 de setembro, nos teléfonos 606 718 482 e 670 369 017 ou no e-mail ossendeiros@yahoo.es. Esta actividade é para federados.
A organización recomenda levar equipo de sendeirismo e mascarilla, e informa que a ruta ten un nivel de dificultade medio.
O Concello de Foz colabora na organización deste evento.
O primeiro torneo de baloncesto Celtas Praias de Foz disputarase o vindeiro 7 de setembro, martes, no Pavillón Torques de Marzán ás 20 horas entre o Club Baloncesto Breogán e o Oviedo Club Baloncesto.
A creación deste torneo parte da Concellería de Xuventude e Deportes, que dirixe Gema Méndez, quen destacou na presentación deste evento deportivo “a importancia deste deporte en Foz e a importante labor social e deportiva desenvolvida durante varias décadas polo Club Celtas Foz, que neste ano e medio de pandemia pasouno moi mal, tendo que interromper a súa actividade. Por iso queremos que o baloncesto volva con forza a Foz, e non podía ser de mellor forma que con dous grandes clubs coma o Breogán e o Oviedo, que casualmente teñen como directores deportivos a dúas persoas que formaron parte do Celtas, como son Tito Díaz e Héctor Galán, que...
leer más
En Foz celébranse actividades para conmemorar a Festa Normanda ata o 29 de agosto. No Cenima está instalada unha exposición viquinga e hai mercado na zona portuaria do xoves 26 ao domingo 29.
Ademais o grupo musical UPSALA Medieval animará as rúas o venres 27 e o sábado 28. Este segundo día tamén haberá dúas representacións teatrais da lenda de San Gonzalo na praza Conde de Fontao, unha infantil a cargo de nenos e nenas de Foz ás 13:00 horas, e a outra por parte de veciñas e veciños de San Martiño ás 21:30 horas. E o cuarteto Illa Pancha actuará polas rúas ás 20:30 horas.
E o domingo 29 ás 13:00 horas na praza de Conde de Fontao haberá unha obra de teatro infantil de Pakolas.
Foz acollerá unha milla urbana e unha carreira de relevos o día 11 de setembro, sábado.
Empezarán ás 11:00 e ás 15:00 horas respectivamente. A saída e a chegada será na Avenida do Cantábrico, número 21 da vila focense, no paseo da praia da Rapadoira.
Para a milla urbana haberá seis categorías: pícaros, benxamín, alevín, infantil, cadete e absoluta.
As inscricións xa poden facerse na web www.championchipnorte.com.
A Feira do Libro de Foz celebrarase desde este xoves, día 19, ata o domingo 22 na Praza Conde de Fontao de 17:30 a 22:00 horas.
O lema é Libros no Camiño e será inaugurada mañá, xoves, ás 19:00 horas co pregón a cargo de Marilar Aleixandre e ata o domingo haberá 15 actividades de presentacións e sinatura de publicacións, ademais de recitais poéticos e musicais.
Participarán a Deputación de Lugo, Librería Aguirre, Editorial Planeta, Libraría Pedreira, Aenea, Libraría Cortizas e Librería Bahía. Ofrecerán un desconto do 10 por cento en todos os libros.
A feira está organizada pola Federación de Librarías de Galicia e conta coa colaboración do Concello de Foz.
Os Sendeiros de Foz organizan unha ruta ao castro de Fazouro. Será o 28 de agosto. Hai que anotarse.
A Asociación Os Sendeiros de Foz organiza o último andareiro do verán deste ano, que terá lugar o 28 de agosto polo Castro de Fazouro.
A saída será ás 9:00 horas da Casa do Concello.
As persoas interesadas poden anotarse, ata o venres 27, nos teléfonos 606 718 482 e 670 369 017 ou no e-mail ossendeiros@yahoo.es. Os prezos son: 3 euros para os socios non federados e 4€ para os socios temporais. A actividade é gratuíta para os socios federados.
A organización recomenda levar equipo de sendeirismo e informa que a ruta, dunha lonxitude de 15 quilómetros, ten un nivel de dificultade baixo. Ademais cumpriranse os protocolos anticovid con compartindo material e levando mascarilla sempre que non se teña o 1´5 metros de distancia de seguridade.
... leer más
