Libros
O venres 27 de outubro estará na Libraría Bahía, ás 20:30 horas, Celia Recarey.
Celia Recarey, ademais de tradutora, é editora de Irmás Cartoné, que publica traducións ao galego de novelas de distintas tradicións literarias e de distintas épocas.
As súas traducións son exquisitas así como a propia edición das mesmas. Conta entre as súas autoras con nomes como Virginia Wolf, Silvia Plath ou Margaret Atwood.
Desde a Libraría Bahía explican que “falaremos con Celia sobre a vida dunha pequena editorial, a tradución literaria nos tempos da intelixencia artificial, a selección de títulos a editar, e moitos outros temas ben interesantes para calquera que ame a literatura”.
A asociación Abrindo Camiño convida a todas as persoas interesadas a asistir ao acto de presentación do libro de actas das ‘Extra XVI Xornadas do Peregrino Abrindo Camiño. Homenaxe a Andrea López Chao’, que tiveron lugar o pasado verán en Mondoñedo e Vilalba. Será este domingo, 22 de outubro de 2023, a partir das 11:00 horas no auditorio Pascual Veiga, de Mondoñedo.
Abrindo Camiño anuncia que ás 11:00 horas terá lugar o acto de presentación das actas que, ademais de ser impresas en papel, terán unha versión dixital para facilitar a súa difusión a calquera parte de mundo. Contan co patrocinio da área de Cultura, Patrimonio Histórico Artístico e Normalización Lingüística, da Vicepresidencia da Deputación de Lugo. Ademais haberá concerto didáctico homenaxe a Andrea López Chao, de Troupelear, con Branca Villares e Pablo Pintor; proxección do...
leer más
O libro dedicado ao fotógrafo e músico Edelmiro Méndez presentarase o 27 de outubro, venres, ás 20:30 horas no auditorio da Casa da Cultura da Pontenova.
A Editorial Canela explica que Edelmiro Méndez foi “fotógrafo e músico, que desenvolveu o seu oficio no concello da Pontenova durante a segunda metade do século pasado. Agradecemos as facilidades da familia, que puxo á nosa disposición os negativos cos máis de 3.000 fotogramas sobre os que traballamos para facer a selección das 219 imaxes en branco e negro, dun período comprendido entre os anos 1957 e 1964, que aparecen no libro, aos autores dos textos, revisores lingüísticos e as moitas persoas que axudaron a identificar os protagonistas e os lugares.
O libro, de gran valor antropolóxico, etnográfico, histórico e estético para toda Galicia, está publicado en...
leer más
O Concello instalou unha caseta de lectura na zona de xogos infantís do parque de San Francisco. Foi deseñada polo obradoiro de emprego Vilas Coidadoras e será un espazo solidario de intercambio de libros que transmita a maxia pola lectura a toda a cidadanía, especialmente ás nenas e aos nenos.
A concelleira de Cultura, Begoña Sanjurjo, explicou que “o luns instalouse na zona de xogos infantís do parque de San Francisco unha caseta de lectura. É unha iniciativa deseñada polo obradoiro de emprego Vilas Coidadoras, na especialidade de Dinamización, Programación e Desenvolvemento de Accións Culturais. Queremos agradecer ao alumnado e ao profesorado todo o traballo levado a cabo”.
A edil ribadense indicou: “búscase que esta caseta de intercambio de libros gratis se converta nun espazo solidario cheo de contos que...
leer más
O Concello de Foz comeza este domingo, día 8 de outubro, as actividades para conmemorar o Mes da Biblioteca e engade á súa programación clases de baile de verbena.
A Delegación de Cultura, na súa Área de Biblioteca, conmemora este outubro o Mes das Bibliotecas cunha programación especial que se desenvolverá na Casa da Cultura Poeta Manuel María e dará comezo o vindeiro domingo día 8. “Queremos conmemorar o Día Internacional das Bibliotecas con programación durante todo o mes de outubro. Ademais facémolo en colaboración coa Concellería de Igualdade e as actividades están relacionadas con ese ámbito”, explica a concelleira de Cultura, Inés López Couto.
Este domingo, día 8, ás 11.30 horas no salón de actos da Casa da Cultura Pakolas encherá de música o lugar co espectáculo Ramona na órbita. A dona do tempo, un...
leer más
A asociación Mariña Patrimonio organiza a presentación dun libro do xeólogo e ensaísta asturiano Jaime Izquierdo Vallina que ten como título ‘De función pública. ¿Cómo va el mundo?’, ilustrado polo artista mariñán Xosé Blanco e editado por Krk Ediciones. O acto terá lugar no Pazo de Santomé (Mondoñedo) ás 19:30 horas do día 6 de outubro, venres, e nel intervirán o autor Jaime Izquierdo mailo ilustrador Xosé Blanco.
Mariña Patrimonio explica que “nesta obra, unha recompilación de artigos publicados polo autor en distintos medios de prensa ao longo dos últimos anos, abórdase a situación de abandono que sofre o medio rural, patrimonio natural e cultural imprescindible para garantir o futuro da nosa sociedade. Desde unha perspectiva, tanto científica coma humanista, o autor ofrece as claves que permiten comprender este fenómeno e as posibles...
leer más
A Biblioteca Municipal de Burela acolle o espectáculo 'A igualdade non ten idade', de Luis Vallecillo, como parte do programa Ler Conta Moito
Terá lugar este sábado, 30 de setembro, ás 18:00 no auditorio da Casa da Cultura de Burela. Esta actividade, gratuíta e dirixida ao público familiar, está organizada pola delegación municipal de Cultura do Concello de Burela.
No espectáculo, ambientado nun futuro non moi distante, Luis ten a oportunidade de contar cómo as rapazas e rapaces do seu tempo foron capaces de cambiar o mundo axudando ás persoas maiores a comprender o que verdadeiramente era a igualdade. Nel descubriremos a “Canción” que permitiu converter todas as inxustizas en oportunidades, logrando unha sociedade na que se respeta a todas as persoas, diversas na súa esencia, pero iguais nos seus dereitos. Todo...
leer más
A novela titulada ‘A montaña do poeta’, escrita por Lionel Rexes, presentarase en Ferreira do Valadouro este venres, 22 de setembro, ás 20:00 horas. O acto, incluído na programación cultural do Concello do Valadouro, será no local social do parque Concepción Arenal e intervirá Lionel Rexes, gañador do premio Lueiro Rey 2021.
A sinopse da novela é a seguinte: “É pouco coñecido o vínculo do escritor Antonio Noriega Varela, alcumado «O poeta da montaña», cunha vetusta construción situada no Alfoz do Castrodouro. Deste feito real parte unha ficción absolutamente contemporánea, unha trama que recrea o ocaso dun rural onde a mocidade loita por atopar oco e onde os anciáns, acompañados dos seus cans, matan o tempo morto legando a bagaxe da vida. No medio desta existencia rutineira, un suceso con esencia ideolóxica sacode a dinámica do municipio...
leer más
O xoves, 21 de setembro, ás 20:30 horas na Libraría Bahía, de Foz, terá lugar un encontro coa escritora vasca Edurne Portela e o autor galego Xosé Monteagudo.
Este encontro enmárcase no programa Afinidades Electivas, promovido e financiado polo Ministerio de Cultura.
Edurne Portela doctorouse nos EUA oonde exerceu tamén como docente e investigadora. Vive en España dende o ano 2016 onde publica e colabora en prensa e radio. A súa obra, de grande calidade literaria e ao mesmo tempo capaz de chegar ao gran público, constitúe unha indagación nas distintas formas de violencia, os relatos que construímos sobre a mesma e as feridas que deixan no plano individual e social. Publicou o ensaio El eco de los disparos sobre ETA e a violencia no País Vasco, que vai pola terceira edición e as novelas Mejor la ausencia, Los ojos cerrados e Formas...
leer más
O Concello de Viveiro organiza varias actividades na biblioteca pública municipal ao longo dos meses de setembro e outubro. Esta programación, baixo o nome ‘Ler conta moito’, contará coa presenza da poeta Yolanda Castaño ou do artista Magín Blanco.
A concelleira de Cultura, Lara Fernández Fernández-Noriega, sinala que, cos eventos previstos, o Concello de Viveiro “continúa coa súa aposta por promover a lectura dende a infancia dun xeito lúdico á vez que educativo”. A entrada a estes actos será, en todos os casos, de balde ata completar aforo, podéndose reservar prazas acudindo previamente á biblioteca para coller entradas.
A primeira cita deste ciclo de actividades terá lugar este venres, 15 de setembro, ás 20:00 horas na sala multiusos do Concello de Viveiro, e está dirixida a un público xuvenil e adulto....
leer más